ഖത്തർ എയർവേസ്​ പിരിച്ചുവിട്ട 27 സ്വദേശികൾ മനുഷ്യാവകാശ ഏജൻസിയിൽ പരാതി നൽകി

മനാമ: ഖത്തർ എയർവേസ്​ മതിയായ കാരണങ്ങളില്ലാതെ പിരിച്ചുവിട്ടതായി കാണിച്ച്​ 27 ബഹ്​റൈനികൾ പരാതി നൽകി. പിരിച്ചുവിടുന്നതായി കാണിച്ചുള്ള കത്ത്​ ലഭിച്ചതിനെ തുടർന്ന്​ ഇവർ നാഷണൽ ഇൻസ്​റ്റിറ്റ്യൂഷൻ ഫോർ ഹ്യൂമൺ റൈറ്റ്​സിൽ (എൻ.​െഎ. എച്ച്​.ആർ) പരാതി നൽകി. ഖത്തർ എയർവേസി​​െൻറ ബഹ്​റൈനിലെ ഒാഫിസുകൾ ജൂണിൽ അടച്ചിരുന്നു. വിമാനക്കമ്പനിയുടെ ലൈസൻസും ബഹ്​റൈൻ റദ്ദാക്കുകയുണ്ടായി. തുടർന്ന്​ സെപ്​റ്റംബർ 13നാണ്​ ജീവനക്കാർക്ക്​ കമ്പനി കത്തുനൽകിയത്​.കരാർ പ്രകാരം നോട്ടിസ്​ കാലാവധിയിൽ നൽകേണ്ട തുക നൽകുമെന്ന്​ കത്തിലുണ്ട്​. 

ജീവനക്കാരുടെ പക്കൽ കമ്പനിയുടെ ഏതെങ്കിലും സാധനങ്ങളുണ്ടെങ്കിൽ അത്​ ബഹ്​റൈൻ വിമാനത്താവളത്തിലെ സർവീസ്​ മാനേജറെ ഏൽപിക്കാൻ നിർദേശമുണ്ട്​. ഖത്തറുമായുണ്ടായ പ്രശ്നങ്ങളെ തുടർന്ന്​ ബഹ്​റൈനിൽ നിന്ന്​ ആദ്യമായാണ്​ ഒരു സംഘം ആളുകൾ എൻ.​െഎ. എച്ച്​.ആറിനെ സമീപിക്കുന്നതെന്ന്​ ആക്​ടിങ്​ സെക്രട്ടറി ജനറൽ ഡോ.ഖലീഫ അൽ ഫാദിൽ വ്യക്തമാക്കി. ഖത്തർ എയർവേസിൽ ജോലി ചെയ്​തിരുന്ന പ്രവാസികൾക്ക്​ മറ്റു രാജ്യങ്ങളിൽ ​േജാലി നൽകിയപ്പോൾ തങ്ങളെ പരിഗണിച്ചില്ലെന്ന്​ ബഹ്​റൈനികളായ ​ജീവനക്കാർ ആരോപിക്കുന്നതായി പ്രാദേശിക പത്രം   റിപ്പോർട്ട്​ ചെയ്​തു. 

ഇവരുടെ പരാതി എൻ.​െഎ. എച്ച്​.ആർ ഗൗരവമായെടുക്കുമെന്നാണ്​ റിപ്പോർട്ട്​. മാന്യമായ തൊഴിൽ സാഹചര്യം, അഭിമാനം തുടങ്ങിയ കാര്യങ്ങളിൽ അനുരഞ്​ജനമില്ലെന്ന്​ ഡോ.ഖലീഫ അൽ ഫാദിൽ  പറഞ്ഞു. ഖത്തർ എയർവേസ്​ നടപടിയുടെ ഇരകളാണ്​ ഇൗ 27 പേർ എന്നും​ അദ്ദേഹം കൂട്ടിച്ചേർത്തു. ഇൗ ജീവനക്കാർ മികച്ച ശമ്പളം വാങ്ങിയിരുന്നവരാണെന്നും അവർക്ക്​ സമാന ശമ്പള സ്​കെയിൽ ​ഇപ്പോഴത്തെ തൊഴിൽ വിപണിയിൽ ലഭിക്കാൻ ബുദ്ധിമുട്ടാകുമെന്നും ജനറൽ ഫെഡറേഷൻ ഒാഫ്​ ബഹ്​റൈൻ ട്രേഡ്​ യൂനിയൻസ്​ അസി.സെക്രട്ടറി (ഇൻറർനാഷണൽ റിലേഷൻസ്​) കരീം റാഥി പറഞ്ഞു. 

ഇക്കഴിഞ്ഞ ജൂണിലാണ്​ സൗദി അറേബ്യ, യു.എ.ഇ, ഇൗജിപ്​ത്​, ബഹ്​റൈൻ എന്നീ രാഷ്​ട്രങ്ങൾ വിവിധ പ്രശ്​നങ്ങൾ ഉയർത്തി ഖത്തറുമായുള്ള എല്ലാ ബന്ധങ്ങളും വിഛേദിച്ചത്​.പ്രതിസന്ധി പരിഹരിക്കാനായി ഖത്തറിന്​ ഇൗ രാഷ്​ട്രങ്ങൾ 13ഇന നിർദേശങ്ങൾ നൽകിയിരുന്നെങ്കിലും അത്​ പരിഗണിക്കപ്പെട്ടിട്ടില്ല. ഖത്തറിലെ തുർക്കി സൈനിക താവളം അടക്കുക, അൽ ജസീറ ചാനൽ നിർത്തുക തുടങ്ങിയവ നിർദേശങ്ങളിലുണ്ട്​. ഖത്തർ എയർവേസ്​ വിമാനങ്ങൾക്ക്​ ഇൗ നാലുരാജ്യങ്ങളും വ്യോമപാതയും നിഷേധിച്ചിട്ടുണ്ട്​.