മ​നാ​മ ഡ​യ​ലോ​ഗ് വി​ജ​യ​ക​ര​മാ​യ​ത്​ അ​ഭി​മാ​ന​ക​രം -മ​​​ന്ത്രി​സ​ഭ

മ​നാ​മ: 19ാമ​ത്​ മ​നാ​മ ഡ​യ​ലോ​ഗ്​ വി​ജ​യ​ക​ര​മാ​യി സ​മാ​പി​ച്ച​ത്​ നേ​ട്ട​മാ​ണെ​ന്ന്​ മ​ന്ത്രി​സ​ഭ യോ​ഗം വി​ല​യി​രു​ത്തി. മേ​ഖ​ല​യി​ലെ സ​മാ​ധാ​ന​മാ​യി​രു​ന്നു ഇ​പ്രാ​വ​ശ്യ​ത്തെ മു​ഖ്യ ച​ർ​ച്ചാ​വി​ഷ​യം. ഫ​ല​സ്​​തീ​ൻ പ്ര​ശ്​​ന​വും ​അ​തി​ന്‍റെ നി​ല​വി​ലു​ള്ള പ​രി​ണ​തി​യും ആ​ശ​ങ്ക​യു​ണ​ർ​ത്തു​ന്ന​താ​ണെ​ന്ന്​ ഡ​യ​ലോ​ഗി​ൽ പ​​ങ്കെ​ടു​ത്ത​വ​ർ അ​ഭി​പ്രാ​യ​പ്പെ​ട്ടി​രു​ന്നു.

കി​രീ​ടാ​വ​കാ​ശി​യും പ്ര​ധാ​ന​മ​ന്ത്രി​യു​മാ​യ പ്രി​ൻ​സ്​ സ​ൽ​മാ​ൻ ബി​ൻ ഹ​മ​ദ്​ ആ​ൽ ഖ​ലീ​ഫ​യു​ടെ ഉ​ദ്​​ഘാ​ട​ന​പ്ര​സം​ഗം ഫ​ല​സ്​​തീ​ൻ വി​ഷ​യ​ത്തി​ലേ​ക്ക്​ വെ​ളി​ച്ചം​വീ​ശു​ന്ന​താ​യി​രു​ന്നു.

ഫ​ല​സ്​​തീ​ൻ ജ​ന​ത​ക്ക്​ അ​വ​രു​ടെ അ​വ​കാ​ശം പൂ​ർ​ണ​മാ​യ തോ​തി​ൽ ന​ൽ​കാ​തെ ഫ​ല​സ്​​തീ​നി​ലും മേ​ഖ​ല​യി​ലും സ​മാ​ധാ​നം ക​ര​സ്​​ഥ​മാ​ക്കാ​ൻ ക​ഴി​യു​ക​യി​ല്ലെ​ന്ന്​ അ​ദ്ദേ​ഹം വ്യ​ക്ത​മാ​ക്കി​യി​രു​ന്നു. ദ്വി​രാ​ഷ്​​ട്ര ഫോ​ർ​മു​ല അം​ഗീ​ക​രി​ച്ച്​ പ്രാ​യോ​ഗി​ക ന​ട​പ​ടി​ക​ളി​ലേ​ക്ക്​ പോ​കാ​ൻ ​വൈ​കു​ന്ന​താ​ണ്​ പ്ര​ശ്​​നം ഇ​ത്ര​മേ​ൽ സ​ങ്കീ​ർ​ണ​മാ​ക്കു​ന്ന​തെ​ന്നും വി​ല​യി​രു​ത്തി.

ഗ​സ്സ​യി​ലു​ണ്ടാ​യ പു​തി​യ​ പ്ര​തി​സ​ന്ധി പ​രി​ഹ​രി​ക്കു​ന്ന​തി​നും അ​ടി​യ​ന്ത​ര വെ​ടി​നി​ർ​ത്ത​ലി​നും അ​ന്താ​രാ​ഷ്​​ട്ര കൂ​ട്ടാ​യ്​​മ​ക​ളും വേ​ദി​ക​ളും അ​ർ​ഥ​പൂ​ർ​ണ​മാ​യ ശ്ര​മ​ങ്ങ​ൾ ന​ട​ത്ത​ണ​മെ​ന്നും അ​ത്ത​രം ശ്ര​മ​ങ്ങ​ൾ​ക്ക്​ ബ​ഹ്​​റൈ​ൻ പൂ​ർ​ണ പി​ന്തു​ണ പ്ര​ഖ്യാ​പി​ക്കു​ക​യാ​ണെ​ന്നും ​കി​രീ​ടാ​വ​കാ​ശി വ്യ​ക്ത​മാ​ക്കി. വി​ദേ​ശ​കാ​ര്യ മ​ന്ത്രി​യു​ടെ​യും ഗ​സ്സ വി​ഷ​യ​ത്തി​ലെ പ​രാ​മ​ർ​​ശം ​ശ്ര​ദ്ധേ​യ​മാ​യി​രു​ന്നു​വെ​ന്ന്​ മ​ന്ത്രി​സ​ഭ വി​ല​യി​രു​ത്തി. ഗ​സ്സ​യി​ൽ സ​ഹാ​യ​മെ​ത്തി​ക്കു​ന്ന​തി​ന്​ മാ​നു​ഷി​ക ഇ​ട​നാ​ഴി തു​റ​ക്കു​ന്ന​തി​നു​ള്ള യു.​എ​ൻ ര​ക്ഷാ കൗ​ൺ​സി​ലി​ന്‍റെ 2712ാമ​ത്​ പ്ര​മേ​യ​ത്തെ കാ​ബി​ന​റ്റ്​ സ്വാ​ഗ​തം​ചെ​യ്​​തു.

യു​ദ്ധ​ക്കെ​ടു​തി അ​നു​ഭ​വി​ക്കു​ന്ന ഗ​സ്സ​യി​ലെ മു​ഴു​വ​നാ​ളു​ക​ൾ​ക്കും സ​ഹാ​യ​മെ​ത്തി​ക്കു​ന്ന​തി​ന്​ ശ്ര​മ​മു​ണ്ടാ​കേ​ണ്ട​തു​ണ്ട്. അ​ന്താ​രാ​ഷ്​​ട്ര മ​ര്യാ​ദ​ക​ൾ പാ​ലി​ക്കു​ന്ന​തി​നും ​പ്ര​യാ​സ​മ​നു​ഭ​വി​ക്കു​ന്ന​വ​ർ​ക്ക്​ സ​ഹാ​യ​മെ​ത്തി​ക്കു​ന്ന​തി​നും അ​ക്ര​മ​വും ന​ര​ഹ​ത്യ​യും ഒ​ഴി​വാ​ക്കു​ന്ന​തി​നും അ​ടി​യ​ന്ത​ര ന​ട​പ​ടി​ക​ളു​ണ്ടാ​കേ​ണ്ട​തു​ണ്ടെ​ന്നും മ​ന്ത്രി​സ​ഭ ഓ​ർ​മി​പ്പി​ച്ചു. യു.​എ​ൻ പ്ര​മേ​യം അം​ഗീ​ക​രി​ച്ച്​ മു​ന്നോ​ട്ടു പോ​കാ​ൻ എ​ല്ലാ​വ​രു​ടെ​യും ഭാ​ഗ​ത്തു​നി​ന്ന് ശ്ര​മ​മു​ണ്ടാ​ക​ണം. 19ാമ​ത്​ മ​നാ​മ ഡ​യ​ലോ​ഗ്​ വി​ജ​യ​ക​ര​മാ​യി സം​ഘ​ടി​പ്പി​ക്കാ​നും ഉ​ദ്ദേ​ശി​ച്ച വി​ഷ​യ​ങ്ങ​ൾ കൈ​കാ​ര്യം​ചെ​യ്യാ​നും സാ​ധി​ച്ച​തി​ലു​ള്ള കൃ​ത​ജ്ഞ​ത സം​ഘാ​ട​ക​ർ​ക്ക്​ രേ​ഖ​പ്പെ​ടു​ത്തി. രാ​ജാ​വ്​ ഹ​മ​ദ്​ ബി​ൻ ഈ​സ ആ​ൽ ഖ​ലീ​ഫ, കി​രീ​ടാ​വ​കാ​ശി​യും പ്ര​ധാ​ന​മ​ന്ത്രി​യു​മാ​യ പ്രി​ൻ​സ്​ സ​ൽ​മാ​ൻ ബി​ൻ ഹ​മ​ദ്​ ആ​ൽ ഖ​ലീ​ഫ എ​ന്നി​വ​ർ​ക്ക്​ മ​ന്ത്രി​സ​ഭ പ്ര​ത്യേ​കം ന​ന്ദി രേ​ഖ​പ്പെ​ടു​ത്തി.

ഖ​ത്ത​ർ പ്ര​ധാ​ന​മ​ന്ത്രി​യും വി​​ദേ​ശ​കാ​ര്യ മ​ന്ത്രി​യു​മാ​യ ​ശൈ​ഖ്​ മു​ഹ​മ്മ​ദ്​ ബി​ൻ അ​ബ്ദു​റ​ഹ്​​മാ​ൻ ബി​ൻ ജാ​സിം ആ​ൽ​ഥാ​നി​യു​ടെ സ​ന്ദ​ർ​ശ​ന​വും കി​രീ​ടാ​വ​കാ​ശി​യും പ്ര​ധാ​ന​മ​ന്ത്രി​യു​മാ​യ പ്രി​ൻ​സ്​ സ​ൽ​മാ​ൻ ബി​ൻ ഹ​മ​ദ്​ ആ​ൽ ഖ​ലീ​ഫ​യു​മാ​യി ന​ട​ത്തി​യ കൂ​ടി​ക്കാ​ഴ്ച​യും ച​ർ​ച്ച​യും പ്ര​തീ​ക്ഷ ന​ൽ​കു​ന്ന​താ​ണെ​ന്ന്​ കാ​ബി​ന​റ്റ്​ അ​ഭി​പ്രാ​യ​പ്പെ​ട്ടു. ബ​ഹ്​​റൈ​ൻ-​ഖ​ത്ത​ർ കോ​സ്​​വെ​യു​മാ​യി ബ​ന്ധ​പ്പെ​ട്ട ന​ട​പ​ടി​ക്ര​മ​ങ്ങ​ൾ വേ​ഗ​ത്തി​ലാ​ക്കു​ന്ന​തി​ന് കൂ​ടി​ക്കാ​ഴ്ച ഉ​പ​ക​രി​ച്ചി​ട്ടു​ണ്ട്.

എ​ല്ലാ മേ​ഖ​ല​ക​ളി​ലും ഇ​രു​രാ​ജ്യ​ങ്ങ​ളും ത​മ്മി​ൽ സ​ഹ​ക​ര​ണം ശ​ക്തി​പ്പെ​ടു​ത്താ​നും സ​ന്ദ​ർ​ശ​നം ഉ​പ​ക​രി​ച്ചു. അ​ടു​ത്ത​കാ​ല​ത്ത്​ ബ​ഹ്​​റൈ​നി​ൽ സം​ഘ​ടി​പ്പി​ച്ച വി​വി​ധ ച​ട​ങ്ങു​ക​ളും പ​രി​പാ​ടി​ക​ളും വി​ജ​യി​പ്പി​ക്കു​ന്ന​തി​ന്​ പി​ന്തു​ണ ന​ൽ​കി​യ മ​ന്ത്രാ​ല​യ​ങ്ങ​ൾ​ക്കും സ​ർ​ക്കാ​ർ ​അ​തോ​റി​റ്റി​ക​ൾ​ക്കും മ​ന്ത്രി​സ​ഭ പ്ര​ത്യേ​കം ന​ന്ദി പ്ര​കാ​ശി​പ്പി​ച്ചു. വി​ദേ​ശ​കാ​ര്യ മ​ന്ത്രാ​ല​യം, ആ​ഭ്യ​ന്ത​ര മ​ന്ത്രാ​ല​യം, ധ​ന​കാ​ര്യ മ​ന്ത്രാ​ല​യം, ടൂ​റി​സം മ​ന്ത്രാ​ല​യം, ഇ​ൻ​ഫ​ർ​മേ​ഷ​ൻ മ​ന്ത്രാ​ല​യം, വ്യാ​പാ​ര, വാ​ണി​ജ്യ മ​ന്ത്രാ​ല​യം തു​ട​ങ്ങി​യ​വ​യു​ടെ സ​ഹ​ക​ര​ണം പ്ര​ത്യേ​കം എ​ടു​ത്തു പ​റ​ഞ്ഞു. സി​റ്റി സ്​​കേ​പ്​ 2023 എ​ക്​​സി​ബി​ഷ​ൻ, ജ്വ​ല്ല​റി അ​റേ​ബ്യ എ​ക്​​സി​ബി​ഷ​ൻ 2023, അ​റ​ബ്​ പെ​ർ​ഫ്യൂം എ​ക്​​സി​ബി​ഷ​ൻ 2023 തു​ട​ങ്ങി​യ​വ​യു​ടെ വി​ജ​യം ശ്ര​ദ്ധേ​യ​മാ​ണെ​ന്നും വി​ല​യി​രു​ത്തി. റി​യ​ൽ എ​സ്​​റ്റേ​റ്റ്, വ്യാ​പാ​രം, ടൂ​റി​സം എ​ന്നീ മേ​ഖ​ല​ക​ളി​ൽ ബ​ഹ്​​റൈ​നി​ൽ ഈ​യി​ടെ​യാ​യി ഉ​ണ​ർ​വ്​ പ്ര​ക​ട​മാ​ക്കി​യി​ട്ടു​ണ്ട്. അ​ന്താ​രാ​ഷ്ട്ര എ​ക്​​സി​ബി​ഷ​നു​ക​ൾ​ക്കും സ​മ്മേ​ള​ന​ങ്ങ​ൾ​ക്കും ആ​തി​ഥ്യ​മ​രു​ളാ​ൻ വേ​ൾ​ഡ്​ എ​ക്​​സി​ബി​ഷ​ൻ സെൻറ​റി​ന്​ സാ​ധ്യ​മാ​യ​തും ഇ​തി​ൽ എ​ടു​ത്തു​പ​റ​യേ​ണ്ട​താ​ണ്.

ദേ​ശീ​യ​ദി​ന​മാ​ച​രി​ക്കു​ന്ന ഒ​മാ​ൻ ഭ​ര​ണാ​ധി​കാ​രി​ക​ൾ​ക്കും ജ​ന​ത​ക്കും കാ​ബി​ന​റ്റ്​ ആ​ശം​സ​ക​ൾ നേ​ർ​ന്നു. എ​ല്ലാ മേ​ഖ​ല​ക​ളി​ലും പു​രോ​ഗ​തി​യും വ​ള​ർ​ച്ച​യും നേ​ടാ​ൻ ഒ​മാ​ന്​ സാ​ധ്യ​മാ​കു​മെ​ന്ന പ്ര​തീ​ക്ഷ​യും പ​ങ്കു​വെ​ച്ചു. ഗു​ദൈ​ബി​യ പാ​ല​സി​ൽ ചേ​ർ​ന്ന കാ​ബി​ന​റ്റ്​ യോ​ഗ​ത്തി​ൽ ഉ​പ​പ്ര​ധാ​ന​മ​ന്ത്രി ശൈ​ഖ്​ അ​ബ്​​ദു​ല്ല ബി​ൻ ഖാ​ലി​ദ്​ ആ​ൽ ഖ​ലീ​ഫ അ​ധ്യ​ക്ഷ​ത വ​ഹി​ച്ചു.