പ്ര​മു​ഖ സ​മൂ​ഹി​ക പ്ര​വ​ർ​ത്ത​ക സ​ഫി​യ അ​ലി മു​ഹ​മ്മ​ദ് കാ​നൂ നി​ര്യാ​ത​യാ​യി

മ​നാ​മ: പ്ര​മു​ഖ സ​മൂ​ഹി​ക പ്ര​വ​ർ​ത്ത​ക​യും ജീ​വ​കാ​രു​ണ്യ പ്ര​വ​ർ​ത്ത​ന​ങ്ങ​ളി​ൽ നി​റ​സാ​ന്നി​ധ്യ​വു​മാ​യ സ​ഫി​യ അ​ലി മു​ഹ​മ്മ​ദ് കാ​നൂ നി​ര്യാ​ത​യാ​യി. സാ​മൂ​ഹി​ക വി​ക​സ​നം, സ്ത്രീ ​ശാ​ക്തീ​ക​ര​ണം, രാ​ജ്യ​ത്തെ സാം​സ്കാ​രി​ക, ക​ലാ രം​ഗം എ​ന്നി​വ​യി​ലെ ഉ​ന്ന​മ​ന​ത്തി​നാ​യി പ്ര​വ​ർ​ത്തി​ച്ച അ​വ​ർ നി​സ്വാ​ർ​ഥ​മാ​യ സേ​വ​നം കൊ​ണ്ടും ചേ​ർ​ത്തു​പി​ടി​ക്ക​ൽ കൊ​ണ്ടും ബ​ഹ്റൈ​നി​ലെ നി​രാ​ലം​ബ​രാ​യ മ​നു​ഷ്യ​രു​ടെ ഹൃ​ദ​യ​ങ്ങ​ളി​ലും ഉ​ന്ന​ത സ്ഥാ​ന​ത്താ​യി​രു​ന്നു. കാ​ൻ​സ​ർ ബാ​ധി​ച്ച കു​ട്ടി​ക​ൾ, പ്രാ​യ​മാ​യ​വ​ർ, അ​വ​ശ​ത അ​നു​ഭ​വി​ക്കു​ന്ന കു​ടും​ബ​ങ്ങ​ൾ എ​ന്നി​വ​ർ​ക്ക് താ​ങ്ങാ​വു​ന്ന അ​ന​വ​ധി സം​രം​ഭ​ങ്ങ​ൾ സ​ഫി​യ അ​ലി​യു​ടെ മേ​ൽ​നോ​ട്ട​ത്തി​ൽ ന​ട​ത്തി​യി​ട്ടു​ണ്ട്.

സ​ൽ​മാ​നി​യ മെ​ഡി​ക്ക​ൽ കോം​പ്ല​ക്സി​ലെ സ​ഫി​യ അ​ലി കാ​നൂ പീ​ഡി​യാ​ട്രി​ക് വാ​ർ​ഡ്, ര​ണ്ട് വ​യോ​ജ​ന പ​രി​ച​ര​ണ യൂ​നി​റ്റു​ക​ൾ, പ​ള്ളി​ക​ൾ, ക​ല​യും പൈ​തൃ​ക​വും സം​ര​ക്ഷി​ക്കു​ന്ന​തി​നാ​യി സ്ഥാ​പി​ച്ച സ​ഫി​യ അ​ലി കാ​നൂ സെ​ന്‍റ​ർ ഫോ​ർ ആ​ർ​ട്സ് ആ​ൻ​ഡ് ഹാ​ൻ​ഡി​ക്രാ​ഫ്റ്റ്സ് എ​ന്നി​വ അ​വ​രു​ടെ സം​ഭാ​വ​ന​ക​ളാ​ണ്.

സാ​മ്പ​ത്തി​ക മേ​ഖ​ല​യി​ൽ പ്ര​ത്യേ​കി​ച്ച് സ്ത്രീ​ക​ൾ ന​യി​ക്കു​ന്ന ചെ​റു​കി​ട, ഇ​ട​ത്ത​രം സം​രം​ഭ​ങ്ങ​ളെ അ​വ​ർ വ​ലി​യ രീ​തി​യി​ൽ ത​ന്നെ പി​ന്തു​ണ​ച്ചി​ട്ടു​ണ്ട്. സം​സ്കാ​ര​ത്തി​ലും ബി​സി​ന​സി​ലും സ്ത്രീ ​പ​ങ്കാ​ളി​ത്തം വ​ർ​ധി​പ്പി​ക്കാ​ൻ സ​ജീ​വ​മാ​യി പ്ര​വ​ർ​ത്തി​ക്കു​ക​യും ചെ​യ്തു. പ​ക​രം വെ​ക്കാ​നി​ല്ലാ​ത്ത അ​വ​രു​ടെ സം​ഭാ​വ​ന​ക​ളെ ആ​ദ​രി​ക്കു​ക എ​ന്ന ല​ക്ഷ്യ​ത്തോ​ടെ രാ​ജാ​വ് ഹ​മ​ദ് ബി​ൻ ഈ​സ ആ​ൽ ഖ​ലീ​ഫ ഫ​സ്റ്റ് ക്ലാ​സ് മെ​ഡ​ൽ ഓ​ഫ് കോം​പി​റ്റ​ൻ​സ് 2001ലും 2012​ലും ന​ൽ​കി​യി​രു​ന്നു. സാ​മൂ​ഹി​ക മേ​ഖ​ല​യി​ലെ അ​സാ​മാ​ന്യ പ്ര​തി​ഭ​യാ​യി​രു​ന്ന സ​ഫി​യ അ​ലി​യു​ടെ വി​യോ​ഗം ബ​ഹ്റൈ​ന് തീ​രാ ന​ഷ്ട​മാ​യാ​ണ് ക​ണ​ക്കാ​ക്കു​ന്ന​ത്.