പ്രോഗ്രസീവ്​ പാനലിൽ ജാതി-മത പ്രതിനിധികളി​െല്ലന്ന്​ നേതാക്കൾ 

മനാമ: ​ബഹ്​റൈൻ കേരളീയ സമാജം തെരഞ്ഞെടുപ്പിൽ മത്​സരിക്കുന്ന ​​​​​പ്രോഗ്രസീവ്​ പാനലിലെ സ്ഥാനാർഥികൾ ഏതെങ്കിലും ജാതിയുടെയോ മതത്തി​​​െൻറയോ പ്രതിനിധികളായി വന്നവരല്ലെന്ന്​ നേതാക്കളും സ്ഥാനാർഥികളും വാർത്താസമ്മേളനത്തിൽ പറഞ്ഞു. നിരവധി വർഷങ്ങളായി സമാജത്തിലും അതോടൊപ്പം സമൂഹത്തിലും സേവനം നടത്തിവരുന്നവരാണ്​. ഭരണ നേതൃത്വത്തി​​​െൻറ ജനാധിപത്യ വിരുദ്ധ നടപടികളിലും പാർശ്വവർത്തികളെ തിരുകികയറ്റി ഭൂരിപക്ഷം ഉണ്ടാക്കാനുള്ള ശ്രമത്തിനെതിരെ പ്രതികരിച്ചതിനുമാണ്​ ഭരണസമിതിയിൽ നിന്നും തങ്ങളുടെ പക്ഷത്തുള്ള രണ്ടുപേർ രാജിവെച്ചത്​. എന്നാൽ ​​​​​പ്രോഗ്രസീവ്​  പാനലിനെതിരെ  ഭരണപക്ഷം പരാജയഭീതിപൂണ്ട്​ അടിസ്ഥാന രഹിതമായ ആരോപണങ്ങൾ ഉന്നയിക്കുകയാണ്​. ഇതൊന്നും സമാജം അംഗങ്ങൾ വിശ്വാസിക്കില്ലെന്നും അവർ പറഞ്ഞു. 

സമാജത്തി​​​െൻറ ഭാവി എന്തെന്ന്​ തീരുമാനിക്കപ്പെടുന്ന തെരഞ്ഞെടുപ്പാണിതെന്നും അതിനാൽ ജനാധിപത്യവും സുതാര്യതയും ഉറപ്പുവരുത്തിയാണ്​ 
പ്രോഗ്രസീവ്​ പാനൽ തെരഞ്ഞെടുപ്പിനെ നേരിടുന്നത്​. സമാജത്തി​​​െൻറ കെട്ടിട നിർമ്മാണത്തിനെതിരെ വ്യാജ പരാതി നൽകിയതിൽ പങ്കുളളവർ  ഭ​​രണപക്ഷത്തിനൊപ്പം ചേർന്ന്​ മത്​സരിക്കുന്നതായും നേതാക്കൾ ആരോപിച്ചു. തങ്ങളിലാർക്കും അന്ന്​ പരാതി നൽകിയതിൽ പങ്കില്ല. ഇപ്പോഴ​ത്തെ കെട്ടിടം നിർമ്മിക്കുന്നതിനായി അന്ന്​ ബാങ്ക്​ അക്കൗണ്ട്​ തുറന്നവരും സ്ഥലം വാങ്ങി കരാർ ഒപ്പിട്ടവരും തറക്കല്ലിട്ടവരും തങ്ങളുടെ പാനലിലുണ്ട്​.

നൂറുകണക്കിന്​ പേരുടെ അദ്ധ്വാനത്തി​​​െൻറ ഫലമാണ്​ ഇൗ കെട്ടിടം. ഇപ്പോൾ വ്യാപകമായി മെമ്പർഷിപ്പ്​ ചേർത്തതിൽ ക്രമക്കേടുണ്ട്​. മെമ്പർഷിപ്പ്​ സെക്രട്ടറി അറിയാതെയാണ്​ ഇതുനടന്നത്​. ഇപ്പോൾ തെരഞ്ഞെടുപ്പിൽ നടപ്പാക്കാൻ കഴിയാത്ത വാഗ്​ദാനങ്ങളല്ല; നടപ്പാക്കാൻ കഴിയുന്നവ മാത്രമാണ്​ തങ്ങൾ ​മുന്നോട്ട്​ വക്കുന്നതെന്നും പ്രോഗ്രസീവ്​ പാനൽ വക്താക്കൾ അറിയിച്ചു. ഇത്​ വോട്ടർമാർ അംഗീകരിക്കുമെന്ന്​ കരുതുന്നതായും അവർ പറഞ്ഞു. വാർത്ത സമ്മേളനത്തിൽ പ്രസിഡൻറ്​ സ്ഥാനാർഥി സുധിൻ എബ്രഹാം, ജനറൽ സെക്രട്ടറി സ്ഥാനാർഥി ശിവകുമാർ കൊല്ലറോത്ത്​, മറ്റ്​ സ്ഥാനാർഥികളായ എം ശശിധരൻ, ജഗദീഷ്​ ശിവൻ, ജനാർദ്ദനൻ, കെ.എസ്​.സി.എ പ്രസിഡൻറ്​ പമ്പാവാസൻ നായർ തുടങ്ങിയവർ സംബന്​ധിച്ചു.