ഹമദ്​ രാജാവിനെ ബി.ആർ.സി.എസ് പുതിയ ചെയർമാനും ബോർഡ്​ അംഗങ്ങളും സന്ദർശിച്ച​ു

മനാമ: രാജാവ്​ ഹമദ്​ ബിൻ ഇൗസ ആൽ ഖലീഫയെ സാഖിർ കൊട്ടാരത്തിൽ ബഹ്​റൈൻ റെഡ്​ക്രസൻറ്​ സൊസൈറ്റി (ബി.ആർ.സി.എസ്​) പുതിയ ച െയർമാൻ ശൈഖ്​ ഖാലിദ്​ ബിൻ അബ്​ദുല്ല ആൽ ഖലീഫയും ബോർഡ്​ അംഗങ്ങളും സന്ദ​ർശിച്ചു. പുതിയ ചെയർമാനെയും ഡയറക്​ടർ ബോർഡ്​ അംഗങ്ങളെയും ഹമദ്​ രാജാവ്​ അഭിനന്ദിച്ചു. ബഹ്​റൈൻ എന്നും സേവന, മാനവിക നൻമ, സന്നദ്ധ പ്രവർത്തനം എന്നിവക്ക്​ നൽകുന്ന പ്രാധാന്യത്തെക്കുറിച്ചും ഇസ്‌ലാമിക പ്രമാണങ്ങളിൽ നിന്നും അന്തർലീനമായ ബഹ്‌റൈൻ പാരമ്പര്യങ്ങളോട്​ ജനത െഎക്യദാർഡ്യം പുലർത്തുന്നതിനെക്കുറിച്ചും രാജാവ്​ കൂടിക്കാഴ്​ചയിൽ എടുത്തുപറഞ്ഞു.