പ്രധാനമന്ത്രിയും കിരീടാവകാശിയും കൂടിക്കാഴ്​ച നടത്തി

മനാമ: പ്രധാനമന്ത്രി പ്രിൻസ്​ ഖലീഫ ബിൻ സൽമാൻ ആൽ ഖലീഫയെ ഗുദൈബിയ പാലസിൽ കിരീടാവകാശിയും ഒന്നാം ഉപപ്രധാനമന്ത്രിയുമായ പ്രിൻസ്​ സൽമാൻ ബിൻ ഹമദ്​ ആൽ ഖലീഫ സന്ദർശിച്ചു.
ഗവൺമ​​െൻറ്​ ഫോറത്തി​​​െൻറ വിജയവും വിലയിരുത്തലുകളും കൂടിക്കാഴ്​ചയിലുണ്ടായി. പൊതുമേഖലയിൽ ജോലി ചെയ്യുന്നവരെ പ്രോത്​സാഹിപ്പിക്കുന്നതിനും ഗവൺമ​​െൻറ്​ ​അംഗങ്ങളിൽ സാംസ്​കാരിക സംഭാവനകൾ കാര്യക്ഷമമാക്കുന്നതിനെ കുറിച്ചും അഭിപ്രായമുയർന്നു. ഉത്​പാദന ക്ഷമതയും ഫാസ്റ്റ് ട്രാക്ക് വളർച്ചയും വർദ്ധിപ്പിക്കുന്നതിനും വികസന ദർശനങ്ങൾ ഉയർത്തിക്കാട്ടുന്നതിനുമുള്ള വിവിധ കാര്യങ്ങളെ കുറിച്ചും ചർച്ച ചെയ്​തു.
പ്രാദേശിക, അന്താരാഷ്ട്ര സംഭവവികാസങ്ങളും അവലോകനം ചെയ്​തതിനൊപ്പം മേഖലയിലെ രാജ്യങ്ങളുടെ ശേഷി വർധിപ്പിക്കൽ, സുരക്ഷ, അറബ് യോഗങ്ങളുടെ പ്രാധാന്യം, രാഷ്ട്രീയ, സാമ്പത്തിക വെല്ലുവിളികളെ മറികടക്കുന്നതിനായുള്ള മാർഗങ്ങൾ എന്നിവയും പ്രധാനമന്ത്രിയും കിരീടാവകാശിയും വിലയിരുത്തി.