പ്രധാനമന്ത്രി അൽ-ബസ്ത മാർക്കറ്റ് സന്ദർശിച്ചു

മനാമ: പ്രധാനമന്ത്രി പ്രിൻസ്​ ഖലീഫ ബിൻ സൽമാൻ ആൽ ഖലീഫ അൽബസ്ത മാർക്കറ്റ് സന്ദർശിച്ചു.  പൈതൃകവും സാംസ്​ക്കാരികതയും പ്രതിഫലിപ്പിക്കുന്ന രാജ്യത്തി​​​െൻറ ആധികാരികത മുറുകെ പിടിക്കുന്ന ഇടമാണ്​ അൽബസ്ത മാർക്കറ്റ് എന്ന്​ അദ്ദേഹം ഉണർത്തി. ചെറുകിട ഇടത്തരം വ്യവസായങ്ങൾ വളരാനും, ദേശീയ സമ്പദ് വ്യവസ്ഥയെ സേവിക്കുന്നതിൽ കൂടുതൽ പ്രധാന പങ്ക് വഹിക്കാനും ഗവൺമ​​െൻറ്​ പിന്തുണയ്ക്കും. മാർക്കറ്റിലെ വ്യാപാരികളെ പ്രോത്സാഹിപ്പിക്കുകയും ചെയ്യുമെന്നും പ്രധാനമന്ത്രി സന്ദർശനവേളയിൽ വ്യക്തമാക്കി. സ്വദേശി കുടുംബങ്ങൾക്ക് ബഹ്റൈനി​​​െൻറ യഥാർഥ പൈതൃകത്തെ പ്രതിഫലിപ്പിക്കുന്ന പാരമ്പര്യ ഉൽപ്പന്നങ്ങൾ ഉൽപ്പാദിപ്പിക്കുന്നതിനുള്ള അവസരങ്ങൾ പ്രദാനം ചെയ്യുന്നതിൽ വിപണിക്ക്​ പ്രാധാന്യമുള്ളതായും അദ്ദേഹം പറഞ്ഞു.