വിദ്യാഭ്യാസ രംഗത്തെ നിക്ഷേപത്തിന് പ്രത്യേക പരിഗണന –പ്രധാനമന്ത്രി

മനാമ: വിദ്യാഭ്യാസ രംഗത്തെ നിക്ഷേപ സംരംഭങ്ങള്‍ക്ക് ബഹ്‌റൈന്‍ പ്രത്യേക പരിഗണന നല്‍കുമെന്ന് പ്രധാനമന്ത്രി പ്രിന്‍സ് ഖലീഫ ബിന്‍ സല്‍മാന്‍ ആല്‍ഖലീഫ വ്യക്തമാക്കി. കഴിഞ്ഞ ദിവസം അല്‍അഹ്‌ലിയ യൂനിവേഴ്‌സിറ്റി ഡയറക്ടര്‍ ബോർഡ്​ അംഗങ്ങളെ ഗുദൈബിയ പാലസില്‍ സ്വീകരിച്ച് സംസാരിക്കുകയായിരുന്നു അദ്ദേഹം. വിദ്യാഭ്യാസ രംഗത്ത് നവീകരണത്തിനുള്ള മാര്‍ഗങ്ങള്‍ കണ്ടെത്തി നടപ്പാക്കും. 

ഇൗ മേഖലയിൽ ബഹ്‌റൈന്‍ മുന്‍പന്തിയിലാണ്. സമൂഹത്തെ ചിന്താപരമായും വൈജ്ഞാനികമായും ഉന്നത നിലയിലെത്തിക്കുന്നതിലും അതുവഴി രാജ്യത്തി​​െൻറ വളര്‍ച്ചയും പുരോഗതിയും ഉറപ്പുവരുത്തുന്നതിലും വിദ്യാഭ്യാസ സ്ഥാപനങ്ങളുടെ പങ്ക് പ്രധാനമാണ്​. സമൂഹത്തി​​െൻറ പുരോഗതിക്ക് വിദ്യാഭ്യാസം അത്യന്താപേക്ഷിതമാണ്. മനുഷ്യ വിഭവശേഷിയുടെ വളര്‍ച്ച സാധ്യമാക്കുന്നതില്‍ മുഖ്യപങ്കും വിദ്യാഭ്യാസത്തിനാണ്. കഴിവുറ്റ തലമുറയെ വളര്‍ത്തിയെടുക്കുന്നതില്‍ വിദ്യാഭ്യാസത്തതിന് ശക്തമായ പങ്കുണ്ട്​. 

രാജ്യത്തി​​െൻറ ഐക്യത്തിനായി നിലകൊള്ളാൻ യുവാക്കള്‍ക്ക് സാധിക്കണമെന്നും  അദ്ദേഹം പറഞ്ഞു. അല്‍അഹ്‌ലിയ യൂനിവേഴ്‌സിറ്റി ഡയറക്ടര്‍ ബോര്‍ഡ് ചെയര്‍മാന്‍ ഫാറൂഖ് യൂസുഫ് അല്‍മുഅയ്യദ്, സെക്രട്ടറി പ്രഫ. അബ്​ദുല്ല യൂസുഫ് അല്‍ഹവാജ് എന്നിവരുടെ നേതൃത്വത്തിലുള്ള സംഘമാണ് കൂടിക്കാഴ്​ചയില്‍ പങ്കെടുത്തത്. പ്രധാനമന്ത്രിയുടെ രക്ഷാധികാരത്തില്‍ 12ാമത് ബിരുദ ദാനചടങ്ങ് സംഘടിപ്പിക്കാൻ സാധിച്ചതിൽ സംഘം നന്ദി അറിയിച്ചു. 

‘സർക്കാർ സേവനങ്ങൾ ജനങ്ങൾക്ക്​ എളുപ്പം ലഭ്യമാക്കണം’
മനാമ: വിവിധ മേഖലകളിലെ സർക്കാർ സേവനങ്ങൾ ജനങ്ങൾക്ക്​ എളുപ്പത്തിൽ ലഭ്യമാക്കുക എന്നതാണ്​ വിവിധ നവീകരണ പദ്ധതികളുടെ പ്രധാന ലക്ഷ്യങ്ങളിൽ ഒന്നെന്ന്​ പ്രധാനമന്ത്രി പ്രിൻസ്​ ഖലീഫ ബിൻ സൽമാൻ ആൽ ഖലീഫ പറഞ്ഞു. സർക്കാർ വിഭാഗങ്ങളുടെ പ്രവർത്തനം ചടുലമാക്കാനുള്ള ഏത്​ നീക്കത്തേയും പിന്തുണക്കും. അതുവഴി ജനങ്ങൾക്ക്​ മെച്ചപ്പെട്ട സേവനം ലഭ്യമാക്കാനാകുമെന്നും​ അദ്ദേഹം കൂട്ടിച്ചേർത്തു. രാജകുടുംബാംഗങ്ങളെയും ഉന്നത ഉദ്യോഗസ്​ഥരെയും സ്വീകരിച്ച്​ സംസാരിക്കുകയായിരുന്നു അദ്ദേഹം. വിവിധ പ്രാദേശിക വിഷയങ്ങൾ കൂടിക്കാഴ്​ചയിൽ വിലയിരുത്തി. മേഖലയിലെ പുതിയ സാഹചര്യത്തിൽ രൂപംകൊണ്ട വെല്ലുവിളികൾ സംയുക്തമായി നേരിടണം. ഇതിനായി സഹകരണം ​െമച്ചപ്പെടുത്തേണ്ടതുണ്ട്​.സംഘർഷം നിലനിൽക്കുന്ന രാജ്യങ്ങളുടെ പാഠങ്ങൾ ഉൾക്കൊള്ളണം. അസ്വസ്​ഥതകൾ രാജ്യപുരോഗതിയെ ബാധിക്കുമെന്നും പ്രധാനമന്ത്രി പറഞ്ഞു.