പ്രവാസികൾ ഭൂമിയും വീടും വാങ്ങുന്നത്​ നിയന്ത്രിക്കുന്ന നീക്കത്തിന്​ എം.പിമാരുടെ പിന്തുണ

മനാമ: ടൂറിസത്തിനും നിക്ഷേപത്തിന​ുമായി മാറ്റിവെച്ച സ്​ഥലങ്ങളിൽ ഒഴികെ പ്രവാസികൾ വീടും ഭൂമിയും വാങ്ങുന്നത്​ നിരോധിക്കുന്ന നീക്കത്തിന്​ എം.പിമാരുടെ പിന്തുണ. റിയൽ എസ്​റ്റേറ്റ്​ വിപണിയിൽ ബഹ്​റൈനികൾ തഴയപ്പെടുന്നു എന്ന പരാതിയെ തുടർന്നാണിത്​. വിദേശികൾക്ക്​ ബഹ്​റൈനിൽ എവിടെ വേണമെങ്കിലും ഭൂമിയും വീടും വാങ്ങാമായിരുന്നെങ്കിലും 2003ൽ സർക്കാർ ഇതിന്​ നിയന്ത്രണം ഏർപ്പെടുത്തിയിരുന്നു.അതു പ്രകാരം ഹൂറ, മനാമയിൽ അബു ഗസൽ, ജുഫൈറിൽ അൽ ഫാത്തിഹ്​ ഡിസ്​ട്രിക്​ട്​, ഡിപ്ലോമാറ്റിക്​ ഏരിയ, റീഫ്​ ​െഎലൻറ്​, സീഫ്​ തുടങ്ങിയ സ്​ഥലങ്ങളിലും അംവാജ്​ ​െഎലൻറ്​ ​േ​പാലുള്ള നിക്ഷേപ പദ്ധതികളിലുമാണ്​ പ്രവാസികൾക്ക്​ ഭൂമി വാങ്ങാനുള്ള അവകാശം നിജപ്പെടുത്തിയത്. പ്രവാസികൾക്ക്​ ഇഷ്​ടം പോലെ പണമുള്ളതിനാൽ അവരുടെ സാന്നിധ്യം വസ്​തുവില വർധിക്കാൻ ഇടയായതായി എം.പി ശൈഖ്​ മാജിദ്​ അൽ മാജിദ്​ പറഞ്ഞെന്ന്​ പ്രാദേശിക പത്രം റിപ്പോർട്ട്​ ചെയ്​തു. കഴിഞ്ഞ ദിവസം പാർലമ​​െൻറിലാണ്​ എം.പി ഇങ്ങനെ പറഞ്ഞത്​. പാർലമ​​െൻറി​​​െൻറ ധനകാര്യ സമിതി വൈസ്​ ചെയർമാൻ ജലാൽ അൽ ഖാദിം ആണ്​ ഇതു സംബന്ധിച്ച നിർദേശം കൊണ്ടുവന്നത്​. ബഹ്​റൈനികൾക്ക്​ വീടുവാങ്ങാൻ ബുദ്ധിമുട്ട്​ അനുഭവപ്പെടുന്ന സാഹചര്യത്തിൽ പ്രവാസികളെ വീടുവാങ്ങാൻ അനുവദിക്കരുതെന്ന്​ അദ്ദേഹം പറഞ്ഞു. പ്രവാസികൾക്ക്​ ഭൂമിയും വീടും വാങ്ങാൻ അവകാശം നൽകുന്ന 2001ലെ നിയമത്തിൽ ഭേദഗതി ആവശ്യപ്പെട്ട്​ പാർലമ​​െൻറ്​ കഴിഞ്ഞ ദിവസം വോട്ട്​ രേഖപ്പെടുത്തുകയും  ചെയ്​തു.ഇൗ അവകാശം ടൂറിസം, നിക്ഷേപ പദ്ധതികളിൽ മാത്രമാക്കണമെന്ന അനുഛേദം ഉൾപ്പെടുത്തണമെന്നാണ്​ എം.പിമാർ ആവശ്യപ്പെട്ടത്​. അഞ്ച്​ എം.പിമാർ ചേർന്നാണ്​ നിർദേശം അവതരിപ്പിച്ചത്​. ഇത്​ കാബിനറ്റ്​ ഒൗദ്യോഗിക നിയമ ഭേദഗതിയായി അംഗീകരിച്ച്​ ആറുമാസത്തിനകം ദേശീയ അസംബ്ലിയിൽ വോട്ടിങ്ങിനായി നൽകണം.ഇൗ വിഷയത്തിൽ കൃത്യമായ ആസൂത്രണം നടത്താൻ അടിയന്തരമായി റിയൽ എസ്​റ്റേറ്റ്​ രംഗത്തെയും നിക്ഷേപ മേഖലയെയും കുറിച്ച്​ പഠനം നടത്തണമെന്ന്​ എം.പി ഇൗസ അൽ കൂഹ്​ജി ആവശ്യപ്പെട്ടു.