വീരമൃതൃു വരിച്ച ജവാന്‍മാർക്ക്​ പ്രണാമവുമായി പ്രവാസലോകം

മനാമ: ജമ്മു-കാശ്​മീരിൽ ഭീകരാക്രമണത്തിൽ വീരമൃതു വരിച്ച ഇന്ത്യൻ ജവാന്‍മാർക്ക്​ പ്രണാമം അർപ്പിച്ച്​ ബഹ്​റൈനില െ ഇന്ത്യൻ പ്രവാസലോകം. നിരവധി സംഘടനകൾ ധീരജവാൻമാർക്കായി അന്ത്യാഞ്​ജലി അർപ്പിച്ചു. ഇന്നലെ സന്​ധ്യക്ക്​ ബഹ്​റൈൻ കേരളീയ സമാജത്തിൽ പ്രത്യേക ആദരവ്​ അർപ്പിച്ച്​ ചടങ്ങ്​ നടന്നു. മെഴുക​ുതിരികൾ തെളിച്ചുക്കൊണ്ട്​ പ്രാർഥനയും പ്രത്യേകം തയ്യാറാക്കിയ സ്​മൃതി മണ്ഡപത്തിൽ പൂക്കൾ അർപ്പിക്കുകയും ചെയ്​തു. ബഹ്റൈൻ കേരളീയസമാജം ആക്​ടിങ്​ പ്രസിഡൻറ്​ മോഹൻരാജ്, ബഹ്‌റൈന്‍ കേരളീയ സമാജം ജനറല്‍സെക്രട്ടറി എം.പി രഘു , സമാജം ഭരണസമിതി അംഗങ്ങള്‍ എന്നിവർ സംബന്​ധിച്ചു.

കുടുംബ സൗഹൃദവേദി പുല്‍ വാമ ഭീകരാക്രമണത്തില്‍ വീരമൃതൃു വരിച്ച ജവാന്‍മാരുടെ വിയോഗത്തില്‍ അനുശോചന യോഗവും മെഴുകുതിരി കത്തിച്ച് കൂട്ട പ്രാർഥനയും നടത്തി. രക്ഷാധികാരി അജിത് കുമാര്‍, പ്രസിഡൻറ്​ വി.സി.ഗോപാലന്‍, സെക്രട്ടറി ജൃോതിഷ് പണിക്കര്‍, എബ്രഹാം ജോണ്‍, മോനി ഒടിക്കണ്ടത്തില്‍, എഫ്.എം. ഫൈസല്‍, എബി തോമസ്സ് , ഗണേഷ് കുമാര്‍ , രാജേഷ് കുമാര്‍ , സൈറാ പ്രമോദ്,ഷില്‍സ റിലീഷ്, നിഷ രാജീവ്, മൊയ്തീന്‍ , എന്നിവര്‍ എന്നിവര്‍ അനുശോചന രേഖപ്പെടുത്തി സംസാരിച്ചു. ജെ.രാജീവന്‍,സുമിത സതീഷ്, തോമസ് ഫിലിപ്പ് എന്നിവര്‍ നിയന്ത്രിച്ചു.