പ്രവാസി ഗൈഡന്‍സ് ഫോറം കർമജ്യോതി അവാര്‍ഡ് എസ്​.വി.ജലീലിന് 

മനാമ:  ബഹ്‌റൈനിലെ കൗൺസിലര്‍മാരുടെ സംഘടനയായ പ്രവാസി ഗൈഡന്‍സ് ഫോറം ഈ വര്‍ഷത്തെ ഏറ്റവും നല്ല സാമൂഹിക സേവകനുള്ള അവാര്‍ഡിന്​ കെ. എം.സി.സി സംസ്ഥാന പ്രസിഡൻറ്​ എസ്​.വി.ജലീലിനെ തെരഞ്ഞെടുത്തതായി ഭാരവാഹികള്‍ അറിയിച്ചു. ‘കര്‍മജ്യോതി’ അവാര്‍ഡാണ്​ ജലീലിന്​ നൽകുന്നത്​. നാലു പതിറ്റാണ്ടിലേറെ ബഹ്‌റൈന്‍ പ്രവാസി സമൂഹത്തില്‍ സജീവമാണ്​ അദ്ദേഹം. മറ്റ്​ അവാർഡുകൾ: മികച്ച അംഗം^രവി മാറാത്ത്​, മികച്ച കോഓഡിനേറ്റര്‍^ ലേഖ ലതീഷ്, മികച്ച കൗൺസിലര്‍ ബി. വിശ്വനാഥ്, മികച്ച ട്രെയിനര്‍-ലത്തീഫ് കോഴിക്കല്‍. അവാര്‍ഡുകൾ ഫെബ്രുവരി രണ്ടിന്​ നൽകുമെന്ന്​ പ്രസിഡൻറ്​ ലത്തീഫ് ആയഞ്ചേരിയും ജനറല്‍ സെക്രട്ടറി പ്രദീപ് പതേരിയും അറിയിച്ചു. വിദ്യാർഥി ശാക്തീകരണ പരിപാടിയുടെ ഭാഗമായി ഡിസംബര്‍ 29, 30 തിയതികളില്‍ ‘കാര്‍ണിവല്‍ ഓഫ് സ്‌കില്‍സ്’ നടക്കും. പ​െങ്കടുക്കാൻ താൽപര്യമുള്ളവർ 38024189, 38494889 എന്നീ നമ്പറുകളില്‍ ബന്ധപ്പെടണം.