പൊന്നൻ നാട്​ കണ്ടിട്ട്​ 40 വർഷം; സിനിമയെ വെല്ലുന്ന ജീവിതം

മനാമ: ബഹ്​റൈനിൽ കഴിഞ്ഞ ഏഴ്​ വർഷമായി  ഒാർമയില്ലാതെ കഴിയുന്ന പൊന്നൻ എന്ന പോൾ ​സേവ്യറിന്​ ഇപ്പോൾ 58 വയസായി. എന്നാൽ ​നാട്ടിൽപോയിട്ട്​ 40 വർഷവും. എറണാകുളം തോപ്പുംപടി സുറിയാനി പള്ളിക്ക്​ സമീപം ഇ.എസ്​.എ റോഡിനടുത്തെ കുടുംബത്തിലുള്ളവർ  പോൾ ജീവിച്ചിരിക്കുന്നുവോ എന്നുപോലും സംശയിച്ചിരുന്നു. ആറുപേരിൽ ഒരു സഹോദരൻ ജെൻസൺ എന്ന സെബാസ്റ്റ്യൻ സേവ്യർ ദിവസങ്ങൾക്ക്​ മുമ്പ്​ മരിച്ചു. പോളിനെ മരിക്കുംമുമ്പ്​ ഒന്നു കാണണം എന്ന ആഗ്രഹം  ബാക്കിവെച്ചായിരുന്നു ആ മടക്കം. 18 ാം വയസിൽ ത​​​െൻറ കുടുംബത്തി​​​െൻറ അത്താണിയാകാനായിരുന്നു പോൾ കപ്പലിൽ യാത്ര തിരിച്ചത്​. ഹോട്ടലിൽ ജോലിക്ക്​ കയറിയശേഷം രണ്ടു വർഷത്തോളം ഹോട്ടലിലും, സ്പോൺസറുടെ വീട്ടിലുമായി ജോലി ചെയ്​തിരുന്നു എന്നാണ് കുടുംബത്തെ അറിയിച്ചിട്ടുള്ളത്.

പിന്നീട് ശമ്പളവും മറ്റാനുകൂല്യങ്ങളും ലഭിക്കാതെ വന്നപ്പോൾ മറ്റൊരു ജോലിയിലേക്ക് മാറാനായി സ്പോൺസറിൽ നിന്നും പാസ്പോർട്ട് ലഭിച്ചില്ല. 
തുടർന്ന് മുഹറഖിലെ ഒരു സുഹൃത്തുമായി ചേർന്ന് കച്ചവടം നടത്തുന്നതിനുള്ള ത​​​െൻറ ആഗ്രഹം വീട്ടുകാരെ അറിയിച്ച് സമ്പത്തിക സഹായം ആവശ്യപ്പെട്ടതനുസരിച്ച് 300 ദിനാർ അവർ അയച്ചുകൊടുത്തു. പോൾ ഒറ്റത്തവണ ആയിരം രൂപ മാത്രമാണ് കുടുംബത്തിലേക്ക് അയച്ചിട്ടുള്ളൂവത്രെ. എന്നാൽ 2001 നുശേഷം നാട്ടിലേക്ക്​ വിളിക്കുകയോ കത്തയക്കുകയോ ചെയ്​തില്ല. നാട്ടിലേക്ക്​ പോകണമെന്ന ആഗ്രഹം ഒരു കാലത്ത്​ വച്ചുപുലർത്തിയിരുന്ന ​പോൾ പിന്നീട്​ അത്​ ഉപേക്ഷിച്ചതി​​​െൻറ കാരണം, സാമ്പത്തിക പ്രശ്​നങ്ങളും പാസ്​പോർട്ട്​ കൈവശമില്ലാത്തതുമായിരുന്നുവെന്ന്​ സുഹൃത്തുക്കൾ പറയുന്നു.  
ഒത്തിരി പ്രതീക്ഷകളുമായി ഗൾഫിലെത്തിയ അദ്ദേഹം പാസ്​പോർട്ടും തൊഴിലും എല്ലാം നഷ്​ടമായപ്പോൾ, നിലനിൽപ്പുതേടി പരക്കം പാച്ചിലിലായിരുന്നു. താമസിക്കാനുള്ള സ്ഥലവും  അന്നന്നത്തെ ചെലവിന്​ അല്ലറ ചില്ലറ പണികളും തേടി ചുറ്റി നടക്കുന്നതിനിടയിലാണ്​ പെയിൻറിങ്​ രംഗത്തേക്ക്​ തിരിഞ്ഞു. ഇതിനിടയിൽ രക്തസമർദ്ദം കൂടി പല തവണയും ആരോഗ്യം തകരാറിലായി.  

2011 ൽ രക്തസമർദം കൂടി വീണ്​ തലക്ക്​ പരി​േക്കൽക്കുന്നതും ആശുപത്രിയിലാകുന്നതും. വഴിയാത്രക്കാർ അറിയിച്ച പ്രകാരമാണ്​ ആംബുലൻസ്​ എത്തി പോളിനെ ആശുപത്രിയിലെത്തിച്ചത്​.  അവിടെ അയ്യാൾക്ക്​ സ്വന്തം പേരുപോലും കൃത്യമായി പറഞ്ഞുകൊടുക്കാൻ കഴിയാത്ത അവസ്ഥയിലായിരുന്നു. 
അങ്ങനെയാകാം ആശുപത്രിയിൽ പോൾ സേവ്യർ ‘പുരു’എന്ന്​ രേഖപ്പെടുത്തപ്പെട്ടത്​. പ്രായം അന്ന്​ 45 എന്നും രേഖപ്പെടുത്തപ്പെട്ടു. പിന്നീട്​ അ​യാൾ അഞ്​ജാതനായി. സ്വയം മറന്നുള്ള ജീവിതത്തിനിടക്ക്​ ഏഴ്​ വർഷം കഴിഞ്ഞപ്പോൾ അപ്രതീക്ഷിത വഴിത്തിരിവുകൾ വന്നുഭവിച്ചിരിക്കുന്നു. ബന്​ധുക്കളെ കണ്ടെത്തിയതോടെ, ഇനി നാട്ടിലേക്കുള്ള മടക്കം സാധ്യമാകുമോ, അതിന്​ ഇപ്പോഴുള്ള പശ​്​ചാത്തലങ്ങൾ അനുകൂലമാകുമോ എന്നാണ്​ ഇനി അറിയേണ്ടത്​. നാട്ടിലേക്ക്​ പോൾ വരുന്നതിൽ ബന്​ധുക്കൾക്ക്​ സന്തോഷമേയുള്ളൂ. 

എന്നെങ്കിലും മടങ്ങിവരുമെന്നുറപ്പുള്ളതുകൊണ്ടാണ്​ കുടുംബം റേഷൻ കാർഡിൽ നിന്നുപോലും ആ പേര്​ വെട്ടാതിരുന്നത്​. എന്നിരുന്നാലും കുടുംബത്തി​​​െൻറ സാമ്പത്തികാവസ്ഥ ഏറെ ദയനീയമാണ്​. സാമ്പത്തികമായി പിന്നോക്കം നിൽക്കുന്ന  കുടുംബമാണ് പൊന്നൻറത്. ദിവസങ്ങൾക്ക്​ മുമ്പ്​  ഒരനുജ​​​െൻറ മരണത്തോടെ അദ്ദേഹത്തി​​​െൻറ   ഭാര്യയും, രണ്ടു കുട്ടികളും അനാഥരായ അവസ്ഥയിലാണ്​. ഒാർമയില്ലാത്ത പൊന്നപ്പനും കൂടി ഇൗ കുടുംബത്തിൽ എത്തിയാലുള്ള അവസ്ഥയെ കുറിച്ച് പോളിനെ  കണ്ടെത്തിയ സന്തോഷത്തിൽപ്പോലും തികഞ്ഞ ആശങ്കയാണ് ബന്​ധുക്കൾ. എന്തായിരുന്നാലും യാത്രാരേഖകൾ ശരിയാക്കാൻ പള്ളിയിൽ നിന്നും ജനനസർട്ടിഫിക്കറ്റും, റേഷൻ കാർഡ് കോപ്പിയും സംഘടിപ്പിച്ച്​ നൽകാനുള്ള തീരുമാനത്തിലുമാണ്​ അവർ. ബേബി, കുഞ്ഞ​ുമോൻ,ജൂഡി,ജോയി, പരേതനായ ജസ്​റ്റിൻ എന്നിവരാണ്​ മറ്റ്​ സഹോദരങ്ങൾ. സഹോദരങ്ങളുടെ മക്കളും പേരകുട്ടികളും എല്ലാം തങ്ങൾ ഒരിക്കലും കണ്ടിട്ടില്ലാത്ത ക​ുടുംബക്കാരനെ കാണാൻ കാത്തിരിക്കുകയാണ്​.

പൊന്നൻ ജീവിച്ചിരിക്കുന്നു എന്ന വാർത്ത വീട്ടിലെത്തിയത്​ കൂടപ്പിറപ്പ്​ മരിച്ച ദിനത്തിൽ
മനാമ: ഒരു കൂടപ്പിറപ്പി​​​െൻറ വിയോഗ വാർത്ത മൂകമാക്കിയ കുടുംബത്തിലേക്കാണ്​, വർഷങ്ങൾക്ക്​ മു​െമ്പ മരണപ്പെട്ടു എന്ന്​ കരുതിയ മറ്റൊരു കൂടപ്പിറപ്പ്​ ജീവിച്ചിരിക്കുന്നു എന്ന വാർത്ത എത്തിയത്​. ഇതാക​െട്ട, മരണവീട്ടിൽ വികാര നിർഭരമായ മുഹൂർത്തങ്ങൾക്ക്​ കാരണമാക​ുകയും ചെയ്​തു. ആറുസഹോദരങ്ങൾ ഉള്ള കുടുംബത്തിൽ കൃത്യം 11 വർഷങ്ങൾക്ക്​ മുമ്പ്​ ഒരു ബന്​ധവുമില്ലാതായ പോൾ സേവ്യർ  ജീവിച്ചിരിക്കുന്നുണ്ടോ എന്ന സംശയത്തിലായിരുന്നു ബന്​ധുക്കളെല്ലാം. ബന്​ധുക്കളിൽ പലരും പോൾ മരിച്ചുകാണും എന്ന്​ വിശ്വാസിച്ചിരുന്നു. എന്നാൽ കൂടപ്പിറപ്പുകൾ ആക​െട്ട ​പോൾ തിരിച്ചുവരും എന്ന്​ പ്രതീക്ഷിച്ചിരുന്നു. എന്നാൽ വർഷങ്ങൾ കഴിഞ്ഞപ്പോൾ പ്രതീക്ഷ കെട്ടടങ്ങി. പോളി​​​െൻറ സഹോദരി ബേബിയും സഹോദരൻ ​ക​ുഞ്ഞുമോനും ഇതിനിടയിൽ പ്രവാസികളായി ദുബായി​െലത്തിയിരുന്നു.

കുഞ്ഞുമോൻ ഇപ്പോൾ പ്രവാസം അവസാനിപ്പിച്ച്​ നാട്ടിലാണ്​ ഉള്ളത്​. ബേബി ദുബായിയിലുണ്ട്​. സ്വന്തം നിലക്ക്​ സഹോദരങ്ങൾ ബഹ്​റൈനിലുള്ള മലയാളികളോട്​ പലതരത്തിലുള്ള അന്വഷണവും നടത്തിയിരുന്നു. എന്നാൽ പോളിനെ ഏഴെട്ട്​ വർഷങ്ങൾക്ക്​ മുമ്പ്​ അവസാനമായി കണ്ടതായിരുന്നു പലർക്കും അറിയാമായിരുന്നത്​. സാമ്പത്തികമായ പ്രശ്​നങ്ങളും പരാധീനതകളും ഉണ്ടെങ്കിലും നാട്ടിൽ കൊണ്ടുവരുന്നതിൽ സന്തോഷമെയുള്ളൂ എന്നാണ്​ സഹോദരങ്ങൾ പറയുന്നത്​.