തോപ്പുംപടിയിലെ ‘ന്യൂജൻ തലമുറ’ കാത്തിരിക്കുന്നു; പൊന്നൻ വരുന്നതും കാത്ത്​

മനാമ: കഴിഞ്ഞ 40 വർഷമായി നാട്​ കാണാതെയും കഴിഞ്ഞ ഏഴ്​ വർഷങ്ങളായി ഒാർമയില്ലാതെയും കഴിയുന്ന പൊന്നൻ എന്ന പോൾ സേവ്യറിന്​ നാടണയാനുള്ള സൗകര്യവും സംവിധാനങ്ങളും കേരള ഗവൺമ​​െൻറ്​ ഇടപെട്ട്​ ശരിയാക്കണമെന്ന്​ ബഹ്​റൈനിലെ പ്രവാസികളിൽ ആവശ്യമുയരുന്നു.
 മുഹറഖ്​ ജൂറിയാട്രിക് സ​​െൻററിൽ കഴിയുന്ന പൊന്നന്​ സ്വന്തം പേരും നാടും ഒന്നും ഒാർമയില്ലാത്ത അവസ്ഥയിലാണ്​. 

എന്നാൽ അദ്ദേഹത്തെ തിരിച്ചറിഞ്ഞതോടെ, നാട്ടിലുള്ള സഹോദരങ്ങളുടെ മക്കളും പേരക്കുട്ടികളും ഉൾപ്പെടെയുള്ള ‘ന്യൂജൻ തലമുറ’ തങ്ങളുടെ കുടുംബത്തിലെ കാരണവരെ തിരിച്ചുകിട്ടുന്നുവെന്ന സന്തോഷത്തിലാണ്​. ഒപ്പം പൊന്നനെ  ആദ്യമായി കാണണമെന്നുള്ള പ്രതീക്ഷയിലുമാണവർ. കൊച്ചി പള്ളുരുത്തി പുന്നക്കാട്ടുശ്ശേരി കുടുംബത്തിലെ പരേതനായ സേവ്യറി​​​െൻറയും, പരേതയായ സിസിലി സേവ്യറി​​​െൻറയും ആറു മക്കളിൽ മൂന്നാമനാണ് പോൾ. നാലു സഹോദരന്മാരും രണ്ടു സഹോദരിമാരുമാണ്​ ഇ​ദ്ദേഹത്തിനുള്ളത്​. ഇതിൽ ജസ്​റ്റിൻ എന്ന സെബാസ്​റ്റ്യൻ ദിവസങ്ങൾക്ക്​ മുമ്പ്​ മരിച്ചു. 

ബേബി, കുഞ്ഞ​ുമോൻ,ജൂഡി,ജോയി,  എന്നിവരാണ്​ മറ്റ്​ സഹോദരങ്ങൾ. ഇവരുടെയെല്ലാം  മക്കളും പേരകുട്ടികളും എല്ലാം പൊന്ന​​​െൻറ സിനിമയെ വെല്ലുന്ന കഥകൾ അറിഞ്ഞ്​ ത്രില്ലിലാണ്​. അദ്ദേഹത്തെ നാട്ടിൽ കൊണ്ടുവരണമെന്നാണ്​ അവരെല്ലാം ആഗ്രഹിക്കുന്നത്​. എന്നാൽ ഇല്ലായ്​മകളുള്ള കുടുംബത്തിന്​ അ​ദ്ദേഹത്തി​​​െൻറ യാത്രചെലവോ നാട്ടിൽ വന്നുള്ള ചികിത്​സക്കുള്ള തുകയോ കണ്ടെത്താൻ കഴിവില്ല. അത്​ കുടുംബത്തിലെ എല്ലാവരും അലട്ടുന്നുണ്ട്​. എന്നിരുന്നാലും നാട്ടിൽ നിന്നുള്ള അദ്ദേഹത്തി​​​െൻറ രേഖകളെല്ലാം തയ്യാറാക്കി എംബസിയുടെ ഒൗട്ട്​ പാസിനായി അപേക്ഷ നൽകാനുള്ള ശ്രമത്തിലാണ്​ കുടുംബാംഗങ്ങൾ.  

പൊന്ന​​​െൻറ നാട്ടിലേക്കുള്ള യാത്രക്കും പുനരധിവാസത്തിനും കേരള ഗവൺമ​​െൻറ്​ മുൻകൈ എടുക്കണമെന്നാണ്​ ബഹ്​റൈനലിലെ പ്രവാസികളുടെ ആവശ്യം. അതിനായി അപേക്ഷ നൽകാനുള്ള ഒരുക്കത്തിലാണ്​ നേതാക്കൾ. കഴിഞ്ഞ ഏപ്രിൽ 19ന്​ പൊന്നനെ കുറിച്ചുള്ള വാർത്ത ‘ഗൾഫ്​ മാധ്യമം’ പുറത്തുവിട്ടതിനെ തുടർന്ന്​  ബഹ്​റൈനിലെ നേതാവ്​ പി.ടി നാരായണൻ മുഖ്യമന്ത്രിക്ക്​ ഗൾഫ്​ മാധ്യമം വാർത്ത സഹിതം പൊന്ന​​​െൻറ ബന്​ധുക്കളെ അന്വേഷിച്ച്​ കണ്ടെത്തണമെന്നും ആവശ്യപ്പെട്ട്​ പരാതി അയച്ചിരുന്നു. ഇതി​​​െൻറ ഭാഗമായി അന്വേഷിക്കാൻ നോർക്കയെ ചുമതലപ്പെടുത്തി മുഖ്യമന്ത്രിയുടെ ആ^ഫീസ്​ ഉത്തരവ്​ ഇറക്കിയിരുന്നു. ​