പ്ലസ്​ വൺ സ്​റ്റേറ്റ്​ സിലബസ്​:  അപേക്ഷ സമയം കഴിഞ്ഞു; ​പ്രവാസി  വിദ്യാർഥികൾ നെ​േട്ടാട്ടത്തിൽ

മനാമ: ബഹ്​റൈനിലെ ഇന്ത്യൻ സ്​കൂളുകളിൽ പഠിച്ച്​ സി.ബി.എസ്​.ഇ കരിക്കുലത്തിൽ പരീക്ഷ എഴുതി വിജയിച്ചവർക്ക്​  കേരള സ്​റ്റേറ്റ്​ സിലബസിൽ പ്ലസ്​ വണിന്​ പ്രവേശനം നേടാനുള്ള കടമ്പകൾ ഏറെ. പ്രവേശനത്തിന്​ ഒാൺലൈനായി അപേക്ഷിക്കാനുള്ള അവസാന ദിവസം ഇന്നലെയായിരുന്നു. എന്നാൽ സി. ബി.എസ്​.ഇ പരീക്ഷയുടെ ഫലം വന്നത്​ മേയ്​ 28 നാണ്​. പരീക്ഷ ഫലം വന്നത്​ മുതൽ ഇന്നലെവരെ ആകെ മൂന്നുദിവസങ്ങൾ മാത്രമാണ്​ ഇതിനായുള്ള രേഖകൾ സംഘടിപ്പിക്കാനുള്ള സമയം കിട്ടിയുള്ളൂ. ആയിരത്തി അഞ്ഞൂറോളം ക​ുട്ടികൾ ബഹ്​റൈനിലെ ഇന്ത്യൻ സ്​കൂളുകളിൽ നിന്ന്​ പത്താം ക്ലാസ്​ വിജയിച്ചിട്ടുണ്ട്​. ഇതിൽ പകുതിയിലേറെ കുട്ടികൾ നാട്ടിൽ തുടർന്ന്​ പഠിക്കാൻ തീരുമാനിച്ചവരാണ്​. 

ഇതിനിടയിൽ  പ്ലസ്​വണ്ണിന്​ അപേക്ഷ നൽകാൻ കഴിഞ്ഞവരുടെ എണ്ണം കുറവാണന്ന്​ പറയപ്പെടുന്നു. പ്രവാസി കുട്ടികൾക്ക്​ ​സ്​റ്റേറ്റ്​ സിലബസിൽ പ്ലസ്​വണിന്​ അപേക്ഷിക്കാൻ വേണ്ടത്​ മാർക്ക്​ ലിസ്​റ്റ്​ കോപ്പിയും നേറ്റീവ്​ സർട്ടിഫിക്കറ്റുമാണ്​. കമ്യൂണിറ്റി ക്വാട്ടയിലേക്കുള്ളവർ അതി​​​െൻറ സർട്ടിഫിക്കറ്റുകളും നൽകണം. 

എന്നാൽ സി.ബി.എസ്​.ഇ പത്താം ക്ലാസ്​ പരീക്ഷയുടെ ഫലം വന്നശേഷമുള്ള മൂന്നുദിവസങ്ങൾ കൊണ്ടുമാത്രം ഇൗ രേഖകളെല്ലാം തയ്യാറാക്കാൻ കഴിയാൻ പറ്റാത്തതാണ്​ അപേക്ഷിക്കാൻ തടസമായത്​. ഇതിനുപുറമെ കമ്യൂണിറ്റി ക്വാട്ടയിലേക്ക്​ അപേക്ഷ നൽകുന്നവർക്കായുള്ള ജാതി സർട്ടി^ഫിക്കറ്റുകൾ നൽകേണ്ടത്​ നാട്ടിലെ വില്ലേജ്​ ഒാഫീസുകളാണ്​. രക്ഷകർത്താക്കൾ ഗൾഫിലുള്ളതിനാൽ ഇതുസമയത്ത്​ വാങ്ങുന്ന കാര്യവും പല കുട്ടികൾക്കും നടക്കാതെ​പോയി. 

പത്താം ക്ലാസ്​ കഴിഞ്ഞ്​ നാട്ടിൽ  ഉപരിപഠനം നാട്ടിൽ ആഗ്രഹിക്കുന്ന   പ്രവാസികളിൽ പലരും  തങ്ങളുടെ കുട്ടികളെ  നാട്ടിലേക്ക്​ അയച്ചിരുന്നു. എങ്കിലും സ്​റ്റേറ്റ്​ സിലബസ്​ പ്ലസ്​ വണിന്​ അപേക്ഷിക്കാനായി, രേഖകൾ സംഘടിപ്പിക്കാൻ മതിയായ സാവകാശം ലഭിക്കും എന്നായിരുന്നു പ്രവാസികളുടെ ധാരണ. ഇതിനുപുറമെ വിദ്യാഭ്യാസ സ്ഥാപനങ്ങളിലെ ടി.സി കേരളത്തിൽ അംഗീകരിക്കണമെങ്കിൽ ഇന്ത്യൻ എംബസി അത്​ അറ്റസ്​റ്റ്​ ചെയ്യണം. ഇത്​ മുന്നിൽ കണ്ട്​ ദിവസങ്ങൾക്ക്​ മു​െമ്പ ഇന്ത്യൻ എംബസി ഉണർന്നു പ്രവർത്തിച്ചു. ടി.സി അറ്റസ്​റ്റേഷന്​ വരുന്നവർ ഹാജ​രാക്കേണ്ട അനുബന്​ധ രേഖകളെ സംബന്​ധിച്ച്​ എംബസി ഉദ്യോഗസ്ഥർ ഇന്ത്യൻ സ്​കൂളുകൾക്ക്​ സർക്കുലർ നൽകിയിരുന്നു. കുട്ടിയുടെ പാസ്​പോർട്ടി​​​െൻറ കോപ്പി, രക്ഷകർത്താവി​​​െൻറ പാസ്​പോർട്ട്​, സി.പി.ആർ എന്നിവ അറ്റസ്​റ്റേഷന്​ ആവശ്യമാണന്നായിരുന്നു അറിയിപ്പ്​. എന്നാൽ ചില സ്​കൂളുകൾ മാത്രമാണ്​ ഇൗ അറിയിപ്പ്​ രക്ഷകർത്താക്കൾക്ക്​ കൈമാറിയത്​. ഇൗ നിർദേശങ്ങളെ കുറിച്ചറിയാതെ എംബസിയിൽ എത്തിയ നിരവധി രക്ഷകർത്താക്കളും ബുദ്ധിമുട്ടി. 

പലരുടെയും പാസ്​പോർട്ട്​ സ്​പോൺസറുടെ അടുക്കലാണ്​ എന്നതും ടി.സി അറ്റസ്​റ്റേഷന്​ തടസമായി.  അതേസമയം, പ്രവാസി കുട്ടികൾക്ക്​ സ്​റ്റേറ്റ്​ സിലബസിൽ പ്ലസ്​ വണിന്​ അ​േപക്ഷിക്കാൻ ഒരാഴ്​ച എങ്കിലും സമയ പരിധി കൂട്ടണമെന്ന ആവശ്യം ഉയർന്നിട്ടുണ്ട്​. വിദ്യാഭ്യാസ മന്ത്രിയും നോർക്കയും ഇക്കാര്യത്തിൽ ഇടപെടണമെന്നാണ്​ പ്രവാസികളുടെ ആവശ്യം.