കടലിലെ പ്ലാസ്​റ്റിക്​ മാലിന്യം ഗുരുതര പ്രത്യാഘാതമുണ്ടാക്കുമെന്ന്​ വിലയിരുത്തൽ

മനാമ: ബഹ്​റൈ​​െൻറ കടലിൽ പ്ലാസ്​റ്റിക്​ മാലിന്യങ്ങൾ കുമിഞ്ഞ്​ കൂടുന്നത്​ ഗുരുതര പ്രത്യാഘാതമുണ്ടാക്കുമെന്ന്​ പ്രമുഖ പരിസ്​ഥിതി ശാസ്​ത്രജ്​ഞനും സുപ്രീം കൗൺസിൽ ഫോർ എൻവിയോൺമ​െൻറ്​ ചീഫ്​ എക്​സിക്യൂട്ടിവുമായ ഡോ.മുഹമ്മദ്​ ബിൻ ദെയ്​ന പറഞ്ഞു. നിലവിലുള്ള തോതിൽ മലിനീകരണം തുടർന്നാൽ, അത്​ കടലിലെ ലോലമായ ആവാസ വ്യവസ്​ഥയെ തന്നെ തകിടം മറിക്കുമെന്നും അദ്ദേഹം പ്രാദേശിക പ​ത്രത്തോട്​ പറഞ്ഞു. 
അടുത്ത മൂന്ന്​ ദശകങ്ങൾക്കുള്ളിൽ കടൽ ജീവികളേക്കാൾ കൂടുതൽ പ്ലാസ്​റ്റിക്​ മാലിന്യങ്ങൾ നിറയുന്ന അവസ്​ഥയിലേക്കാണ്​ കാര്യങ്ങൾ പോകുന്നത്​. ആ​േഗാളതലത്തിലെ കണക്കനുസരിച്ച്​, കടലിലേക്ക്​ ഒാരോ വർഷവും ഏട്ടുദശലക്ഷം ടണ്ണിലധികം പ്ലാസ്​റ്റിക്​ ആണ്​ എത്തുന്നത്​. ഒാരോ മിനിറ്റിലും ഒാരോ ട്രക്ക്​ മാലിന്യം കടലിൽ തള്ളുന്നതിന്​ തുല്ല്യമാണിത്​. 
കടലിൽ തള്ളുന്ന മാലിന്യങ്ങളിൽ 80 ശതമാനവും പ്ലാസ്​റ്റിക്​ ആണെന്നാണ്​ പഠനങ്ങൾ പറയുന്നത്​. കടലിലും ജലാശയങ്ങളിലും ബീച്ചിലും പ്ലാസ്​റ്റിക്​ മാലിന്യങ്ങൾ തള്ളുന്നത്​ ഒഴിവാക്കാനുള്ള പദ്ധതികൾ സുപ്രീം കൗൺസിൽ ഫോർ എൻവിയോൺമ​െൻറ്​ ആലോചിച്ചു വരികയാണ്​. ഇതിനായി വിവിധ മന്ത്രാലയങ്ങളും സംഘടനകളുമായി ചേർന്ന്​ പ്രവർത്തിക്കും. ഇൗ വ്യവസ്​ഥ ലംഘിക്കുന്നവർക്കെതിരെ പിഴ ചുമത്തുന്ന കാര്യം അതാത്​ മുനിസിപ്പൽ ഗവർണറേറ്റുകൾ പരിഗണിക്കുന്നുണ്ട്​.
പ്ലാസ്​റ്റിക്​ മാലിന്യമാണ്​ ബഹ്​റൈനിലെ ഏറ്റവും വലിയ പരിസ്​ഥിതി പ്രശ്​നം. പല തരത്തിലുള്ള പ്ലാസ്​റ്റിക്കുകളുടെ വലിയ തോതിലുള്ള ഉപയോഗമാണ്​ രാജ്യത്തുള്ളത്​. ദൈർഘ്യമുള്ള കടൽതീരവും ലോലമായ ആവാസ വ്യവസ്​ഥയുമുള്ള രാജ്യമെന്ന നിലയിൽ പ്ലാസ്​റ്റിക്​ മാലിന്യം തള്ളുന്നത്​ ബഹ്​റൈനിൽ ഗുരുതരമായ പ്രത്യാഘാതങ്ങളുണ്ടാക്കും. ഇൗ പ്രശ്​നത്തിനുള്ള പരിഹാരമായി പലവിധ പദ്ധതികൾ ആലോചനയിലുണ്ട്​. ഉൗർജിത മാലിന്യ മാനേജ്​മ​െൻറ്​ പദ്ധതിയുൾപ്പെടെയുള്ള കാര്യങ്ങളാണ്​ ആലോചനയിലുള്ളത്​. 
പ്ലാസ്​റ്റിക്​ ഉപയോഗം കുറക്കാനുള്ള കാര്യങ്ങൾ സജീവ പരിഗണനയിലാണ്​. ഇതിനായി പൊതുമരാമത്ത്​, മുനിസിപ്പാലിറ്റി കാര്യ നഗരാസൂത്രണ മന്ത്രാലയം, സംഘടനകൾ, സർക്കാറിത സംഘടനകൾ തുടങ്ങിയവയുമായി ചേർന്ന്​ ബോധവത്​കരണ പ്രവർത്തനങ്ങൾ നടത്തും. പ്ലാസ്​റ്റിക്കി​​െൻറ ഉപയോഗം കുറക്കുക, സാധനങ്ങൾ വലിച്ചെറിയുന്ന ശീലം മാറ്റുക തുടങ്ങിയ കാര്യങ്ങൾക്ക്​ മുൻഗണന നൽകും. ബീച്ച്​ ശുചീകരണ കാമ്പയിനുകൾക്ക്​ സുപ്രീം കൗൺസിൽ ഫോർ എൻവിയോൺമ​െൻറ്​  എന്നും പിന്തുണ നൽകിയിട്ടുണ്ട്​. ഇതുവഴി അതാത്​ പ്രദേശങ്ങളിലെ ജനങ്ങളിൽ പ്ലാസ്​റ്റിക്​ ഭീഷണിയുടെ സന്ദേശം എത്തിക്കാനാകും. പ്ലാസ്​റ്റിക്​ ഉപയോഗം കുറക്കാനുള്ള യു.എൻ.​ നേതൃത്വത്തിലുള്ള ബോധവത്​കരണ പരിപാടിയെ സുപ്രീം കൗൺസിൽ ഫോർ എൻവിയോൺമ​െൻറ്​ പിന്തുണക്കുന്നുണ്ട്​. ഇതി​​െൻറ പ്രവർത്തനങ്ങൾക്ക്​ കഴിഞ്ഞ മാസം തുടക്കമായിട്ടുണ്ട്​.