പ്ലാസ്​റ്റിക് രഹിത ജീവിത രീതി: ബോധവത്​ക്കരണവുമായി ബഹ്​റൈൻ

മനാമ: രാജ്യത്ത്​ ജൂലൈ 21 മുതല്‍ രാജ്യത്ത്​ നടപ്പാക്കുന്ന പ്ലാസ്​റ്റിക് നിരോധനത്തിൽ, ആദ്യഘട്ടമെന്ന നിലയിൽ നില വാരം കുറഞ്ഞ പ്ലാസ്​റ്റിക് ഉല്‍പന്നങ്ങളും ഡിസ്പോസ്ബിള്‍ പ്ലാസ്​റ്റിക്കുകളും വിലക്കും. ബഹ്​റൈൻ പരിസ്ഥിതി സു പ്രീം കൗൺസിലും ഗവൺമ​​െൻറും സ്വീകരിച്ചുവരുന്ന പാരിസ്ഥിതിക സൗഹൃദ സമീപനങ്ങളുടെയും ഹരിത നയങ്ങളുടെയും ഭാഗമായാണി ത്​. രാജ്യത്ത് പ്ലാസ്​റ്റിക് ഉല്‍പന്നങ്ങളുടെ ഉപയോഗം നിയന്ത്രിക്കുന്നതിനുള്ള 2018 ലെ നിര്‍ദേശമനുസരിച്ചുള്ള ഇ ൗ സുപ്രധാന തീരുമാനം 2019/11 നമ്പരിലുള്ള മന്ത്രിതല നിയമത്തിനാണ്​ അംഗീകാരം നൽകി കഴിഞ്ഞ ദിവസം പ്രഖ്യാപനമാക്കിയത്​. പ ്ലാസ്​റ്റിക് ക്യാരിബാഗുകൾ ഫലത്തിൽ നിരോധിക്കും.

അതേസമയം പ്രാദേശികമായി സംസ്കരിക്കാന്‍ കഴിയാത്ത തരം പ്ലാ സ്​റ്റിക്കുകള്‍ ഇറക്കുമതി ചെയ്യുന്നതും നിര്‍ത്തലാക്കുമെന്നും പരിസ്ഥിതി കാര്യ സുപ്രീം കൗണ്‍സില്‍ ചീഫ് എക്സിക്യൂട്ടീവ് ഡോ. മുഹമ്മദ് മുബാറക് ബിന്‍ ദൈന അടുത്തിടെ വ്യക്തമാക്കിയിരുന്നു. ചില മേഖലകളിലും തെരഞ്ഞെടുക്കപ്പെട്ട മാളുകളിലും വലിയ സൂപ്പര്‍ മാര്‍ക്കറ്റുകളിലും പ്ലാസ്​റ്റിക്ക്​ ക്യാരിബാഗുകള്‍ പൂര്‍ണമായും ഒഴിവാക്കും. പ്ലാസ്​റ്റിക് നിര്‍മാതാക്കള്‍ക്കും ഇറക്കുമതി ചെയ്യുന്നവര്‍ക്കും അനുവദനീയമായ പ്ലാസ്​റ്റിക് ഇനങ്ങളെക്കുറിച്ച് വിശദീകരിക്കുന്നതിന് ചാര്‍ട്ട് പ്രസിദ്ധപ്പെടുത്തും.

കമ്പനികള്‍ക്കും ഡീലര്‍മാര്‍ക്കും ഉപഭോക്താക്കള്‍ക്കും പ്രയാസമുണ്ടാക്കാതിരിക്കാനാണ് പ്രസ്തുത തീരുമാനം. വരും കാലങ്ങളില്‍ ബാക്കിയുള്ള പ്ലാസ്​റ്റിക് ഉല്‍പന്നങ്ങള്‍ക്ക് കൂടി നിയമം ബാധകമാക്കുന്നതിനുള്ള പദ്ധതികള്‍ വാണിജ്യ-വ്യവസായ^ടൂറിസം മന്ത്രാലയവുമായി സഹകരിച്ച് തയാറാക്കുമെന്നും അദ്ദേഹം അറിയിച്ചു. ബഹ്റൈനിലെ പ്ലാസ്​റ്റിക്​ നിര്‍മാണ മേഖലയെക്കുറിച്ച് സമഗ്രമായ പഠനം സുപ്രീം കൗണ്‍സില്‍ നടത്തിയിട്ടുണ്ട്. തങ്ങളുടെ നിലവിലുള്ള ഉൽപാദനത്തെ ബാധിക്കാത്ത വിധം ഇവ മറ്റ് ഉല്‍പന്നങ്ങളാക്കി മാറ്റാനുള്ള പോംവഴികളുണ്ടെന്ന് മനസ്സിലാക്കിയിട്ടുണ്ട്. ഈ മേഖലയില്‍ സൗദിയുടെ അനുഭവ സമ്പത്ത് ഉപയോഗപ്പെടുത്തുമെന്നും ബിന്‍ ദൈന പറഞ്ഞു. പ്ലാസ്​റ്റിക് മാലിന്യങ്ങള്‍ കുറക്കുന്നതിന് നിരോധമല്ലാത്ത മാര്‍ഗ
ങ്ങളില്ലെന്നാണ് കരുതുന്നത്.

അതോടൊപ്പം പ്ലാസ്​റ്റിക് രഹിത ജീവിത രീതിയിലേക്ക് കൊണ്ടുവരാനുള്ള ബോധവല്‍ക്കരണവും നടത്തും. റെസ്​റ്റോറന്‍റുകളിലും ബേക്കറികളിലും ഉപയോഗിക്കുന്ന പ്ലാസ്​റ്റിക് കണ്ടയിനറുകള്‍ക്ക് ബദല്‍ മാര്‍ഗങ്ങളെക്കുറിച്ചും പഠനം നടത്തും. യു.എന്നി​​​െൻറ നിര്‍ദേശ പ്രകാരമുള്ള പ്ലാസ്​റ്റിക് മാലിന്യ ഇറക്കുമതിക്ക് നിരോധമേര്‍പ്പെടുത്തിയ രാജ്യങ്ങളില്‍ ആദ്യ സ്ഥാനക്കാര്‍ക്കിടയില്‍ നിലയുറപ്പിക്കാന്‍ ഇതോടെ ബഹ്റൈന് സാധിക്കും. ഗാര്‍ഹിക മാലിന്യങ്ങളുടെ 40 ശതമാനവും പ്ലാസ്​റ്റിക്കാണെന്നും അദ്ദേഹം ചൂണ്ടിക്കാട്ടി. പ്ലാസ്​റ്റിക് പുനരുപയോഗ സംരംഭങ്ങള്‍ക്ക് സ്വകാര്യ മേഖലയുടെ സഹായം തേടുകയും ചെയ്യും. മുനിസിപ്പാലിറ്റി കുഴിച്ചു മൂടുന്ന പ്ലാസ്​റ്റിക് മാലിന്യത്തി​​​െൻറ അളവ് കുറക്കാനും ഇത് വഴിയൊരുക്കും. മനുഷ്യനും പ്രകൃതിക്കും പ്ലാസ്​റ്റിക് ഏല്‍പിക്കുന്ന പരിക്കില്‍ നിന്ന് എത്രയും വേഗം രക്ഷപ്പെടുന്നതിന് ശക്തമായ ബോധവല്‍ക്കരണം അനിവാര്യമാണെന്നും അദ്ദേഹം കൂട്ടിച്ചേര്‍ത്തു.

ലക്ഷ്യം സമുദ്രത്തെ പ്ലാസ്​റ്റിക്​ വിമുക്തമാക്കലും
മനാമ: ബഹ്​റൈനിൽ പ്ലാസ്​റ്റിക്​ ക്യാരി ബാഗുകൾക്ക്​ നിയന്ത്രണം ഏർപ്പെട​ുത്താൻ ഗവൺമ​​െൻറ്​ തീരുമാനമെടുത്തത്​, സമുദ്ര സംരക്ഷണത്തി​​​െൻറ ഭാഗമായും​. 2018 ലെ പരിസ്ഥിതി ദിനത്തിൽ സമുദ്രത്തെ പ്ലാസ്​റ്റിക്ക്​ മാലിന്യങ്ങളിൽനിന്നും വിമുക്തമാക്കാനുള്ള യു.എൻ ആഹ്വാനം ഏറ്റെടുത്ത 40 രാജ്യങ്ങൾക്കൊപ്പം ബഹ്​റൈനും ഉണ്ടായിരുന്നു.

പ്ലാസ്​റ്റികിൽ നിന്നും സമുദ്രത്തെ സംരക്ഷിക്കാനുള്ള ഉടമ്പടിയിൽ യു.എന്നുമായി സുപ്രീം കൗൺസിൽ ഫോർ എൻവയോൺമ​​െൻറ്​ ചീഫ് എക്സിക്യൂട്ടീവ് ഡോ. മുഹമ്മദ് മുബാറക് ബിൻ ദൈന ഒന്നര വർഷംമു​മ്പ്​ ഒപ്പുവെച്ചിരുന്നു. രാജ്യത്തെ ആറ്​ സമുദ്ര ഭാഗങ്ങളെ പ്രത്യേകം സംരക്ഷിക്കാന​ുള്ള പദ്ധതിയും ബഹ്​​ൈറൻ അന്ന്​ പ്രഖ്യാപിച്ചിരുന്നു. രാജ്യത്തെ കടലുകൾ അത്യപൂർവ്വമായ മത്​സ്യ, ജൈവിക സമ്പത്തുകളാലും ദേശാടനപക്ഷികളുടെ ഇടത്താവളങ്ങൾ എന്ന നിലയിലും ആഗോള തലത്തിൽ ശ്രദ്ധേയമാണ്​. സുപ്രീം കൗൺസിൽ ​േഫാർ എൻവിറോൺമ​​െൻറി​ (എസ്​.സി.ഇ)​​​െൻറ അഭിമുഖ്യത്തിൽ സമുദ്രസമ്പത്ത്​ സംരക്ഷിക്കാനുള്ള രൂപരേഖക്ക്​ ഗവൺമ​​െൻറ്​ തലത്തിൽ രൂപരേഖ തയ്യാറാക്കിയിരുന്നു.

ലോകത്ത്​ സമുദ്രങ്ങൾ ഇന്ന്​ പ്ലാസ്​റ്റിക്​ നിറഞ്ഞ്​ മലിനീകരണത്തി​​​െൻറ വഴിയിലാണ്​. ലോകത്തെ വിവിധ കടലുകളിലായി ഒാരോ വർഷവും അടിഞ്ഞ്​ കൂടുന്നത്​ എട്ട് മില്യൺ ടൺ പ്ലാസ്​റ്റിക്കാണ്​.മലിനീകരണം മൂലം കടലിലെ 600 ഒാളം ജീവികൾക്കും അതിജീവനത്തിന്​ വെല്ലുവിളികൾ ഉയരുന്നുണ്ട്​. പരിസ്ഥിതിയുടെയും സമുദ്ര ആവാസ വ്യവസ്ഥയുടെയും അന്തകനാണ്​ പ്ലാസ്​റ്റിക്​. ഇങ്ങനെപോയാൽ 2050 ഒാടെ സമുദ്രത്തിൽ പ്ലാസ്​റ്റിക്​ കുന്നുകൂടുമെന്ന മുന്നറിയിപ്പുമുണ്ട്​. കടലിലെ പ്ലാസ്​റ്റിക് മാലിന്യങ്ങൾ നേരിടുന്നതിന് ബഹ്​റൈനിൽ ശക്തമായ ബോധവത്​കരണ പ്രവർത്തനങ്ങളാണ്​ നടക്കുന്നത്​.