ഒറ്റ ഡോസ്​ സ്​പുട്​നിക്​ ലൈറ്റ് വാക്​സിന്​ അനുമതി

മനാമ: റഷ്യയുടെ ഒറ്റ ഡോസ്​ സ്​പുട്​നിക്​ ലൈറ്റ്​ കോവിഡ്​ വാക്​സി​െൻറ അടിയന്തര ഉപയോഗത്തിന്​ ബഹ്​റൈൻ അനുമതി നൽകി. വിദഗ്​ധ പഠനങ്ങൾക്കൊടുവിലാണ്​ വാക്​സിന്​ അംഗീകാരം നൽകാൻ തീരുമാനിച്ചത്​. ഇതോടെ ബഹ്​റൈൻ അനുമതി നൽകിയ വാക്​സിനുകളുടെ എണ്ണം ആറായി. ഫൈസർ-ബയോൺടെക്​, സിനോഫാം, അസ്​ട്ര സെനക, ജോൺസൻ ആൻഡ്​​ ജോൺസൻ, സ്​പുട്​നിക്​ 5 എന്നിവയാണ്​ നേരത്തെ അംഗീകരിച്ചത്​. സ്​പുട്​നിക്​ ലൈറ്റ്​ വാക്​സി​െൻറ ഇറക്കുമതി ആരോഗ്യ മന്ത്രാലയം ഉടൻ ആരംഭിക്കുമെന്ന്​ നാഷനൽ ഹെൽത്ത്​​ റെഗുലേറ്ററി അതോറിറ്റി അറിയിച്ചു.