മുത്ത്​ വാരൽ ലൈസൻസ്​ പദ്ധതിക്ക്​ നാളെ തുടക്കം

മനാമ: മുത്തുവാരലുമായി ബന്ധപ്പെട്ട പ്രവൃത്തികൾക്ക്​ ലൈസൻസ്​ നൽകുന്ന പുതിയ പദ്ധതി ബുധനാഴ്​ച ആരംഭിക്കുമെന്ന്​ പൊതുമരാമത്ത്​^നഗസഭകാര്യ^നഗരാസൂത്രണ മന്ത്രാലയം അറിയിച്ചു. ബുദയ്യയിൽ സ്​ഥിതി ചെയ്യുന്ന മറൈൻ ലൈസൻസിങ്​ ഒാഫിസിലായിരിക്കും പദ്ധതി സംബന്ധിച്ച നടപടിക്രമങ്ങൾ നടത്തുക. കിരീടാവകാശിയും ഒന്നാം ഉപപ്രധാനമ​ന്ത്രിയുമായ പ്രിൻസ്​ സൽമാൻ ബിൻ ഹമദ്​ ആൽ ഖലീഫയുടെ അധ്യക്ഷതയിലുള്ള ഗവൺമ​െൻറ്​ എക്​സിക്യൂട്ടീവ്​ കമ്മിറ്റിയുടെ നിർദേശ പ്രകാരമാണ്​ പദ്ധതി തുടങ്ങുന്നത്​. 

ലൈസൻസിന്​ അപേക്ഷിക്കുന്ന വ്യക്​തികൾ 25 ദിനാറും മുങ്ങൽ കേന്ദ്രങ്ങൾ 100 ദിനാറും ഫീസ്​ നൽകണം. നേരത്തെയുണ്ടായിരുന്ന ലൈസൻസി​​െൻറ കാലാവധി കഴിഞ്ഞാലും ഇല്ലെങ്കിലും മന്ത്രിതല ഉത്തരവ്​ 43/2017 പ്രകാരം പുതുക്കലിന്​ അപേക്ഷ സമർപ്പിക്കണം. പ്രാരംഭ രജിസ്​ട്രേഷന്​ ശേഷം അപേക്ഷകരായ വ്യക്​തികളും മുങ്ങൽകേന്ദ്രങ്ങളും പാരിസ്​ഥിതിക ഉന്നത സമിതി സംഘടിപ്പിക്കുന്ന മുത്തുവാരൽ ശിൽപശാലയിൽ പ​െങ്കടുക്കണമെന്ന്​ പൊതുമരാമത്ത്​^നഗരസഭകാര്യ^നഗരാസൂത്രണ മന്ത്രി ഇസ്സാം ബിൻ അബ്​ദുല്ല ഖലഫ്​ അറിയിച്ചു. തദ്ദേശീയ മുത്ത്​ വ്യവസായത്തിൽ പുതിയ ലൈസൻസിങ്​ പദ്ധതിക്ക്​ വലിയ പ്രാധാന്യമുണ്ടെന്ന്​ മന്ത്രി പറഞ്ഞു.

സുസ്​ഥിര നടപടികളിലൂടെ മുത്ത്​ വാരൽ കൂടുതൽ സജീവമാക്കാൻ സാധിക്കും. ദീർഘ കാലം ബഹ്​റൈ​ൻ ദേശീയ സമ്പദ്​ വ്യവസ്​ഥയുടെ ന​െട്ടല്ലായിരുന്ന മുത്ത്​ വ്യവസായത്തി​​െൻറ അന്താരാഷ്​ട്ര കേന്ദ്രമെന്ന പദവി കൈവരിക്കാൻ സാധിക്കുമെന്ന്​ മന്ത്രി പ്രത്യാശ പ്രകശിപ്പിച്ചു. കൂടുതൽ തൊഴിലവസരങ്ങളും ഇതിലൂടെ ലഭിക്കും. ഒൗദ്യോഗിക മുത്ത്​ വാരൽ യാത്രകൾ ആഗസ്​റ്റ്​ 26ന്​ തുടങ്ങുമെന്നും മന്ത്രി പറഞ്ഞു. മുത്തുവാരൽ യാത്രയുടെ ഭാഗമാകാൻ മുങ്ങൽകേന്ദ്രങ്ങളും ഇൻസ്​ട്രക്​ടർമാരും ഡൈവിങ്​ മാസ്​റ്റർമാരും ജലയാന ജീവനക്കാരും സമുദ്ര നിരീക്ഷണ ഡയറക്​ടറേറ്റിൽനിന്നുള്ള ഒരു വർഷ​െത്ത ലൈസൻസ്​ നേടിയിരിക്കണം. മുത്തുവാരൽ യാ​ത്ര തുടങ്ങുന്നതിനും അവസാനിപ്പിക്കുന്നതിനുമുള്ള സ്​ഥലമായി മുഹറഖിലെ റാസ്​ റയ ഫിഷിങ്​ ഹാർബർ നിശ്ചയിച്ചിട്ടുണ്ട്​. മുത്തുവാരലുകാർക്ക്​ ബഹ്​റൈൻ എക്​സിബിഷൻ ആൻഡ്​ കൺവെൻഷൻ അതോറിറ്റിയിൽനിന്ന്​ അഞ്ച്​ ദീനാറി​​െൻറ ടിക്കറ്റ്​ വാങ്ങാൻ സാധിക്കും. യാത്രക്ക്​ മുമ്പ്​ മുത്തുവാരലിൽ പ​െങ്കടുക്കുന്നവരുടെ പട്ടിക മുങ്ങൽ കേന്ദ്രങ്ങൾ തീരസംരക്ഷണ ഡയറക്​ടറേറ്റിൽ നിർബന്ധമായും സമർപ്പിക്കണം.