പത്തനംതിട്ട സ്വദേശിയെ ബഹ്റൈനിലെ താമസസ്ഥലത്ത് മരിച്ച നിലയിൽ കണ്ടെത്തി

മനാമ: പത്തനംതിട്ട സ്വദേശിയെ ബഹ്റൈനിലെ താമസസ്ഥലത്ത് മരിച്ച നിലയിൽ കണ്ടെത്തി. തിരുവല്ല സ്വദേശി വിനയ കൃഷ്ണൻ (32) നെയാണ് മരിച്ച നിലയിൽ കണ്ടെത്തിയത്.

കഴിഞ്ഞ അഞ്ചു വർഷമായി ബഹ്റൈനിൽ ജോലി ചെയ്യുകയായിരുന്നു. തൊഴിൽ വിസയിലാണ് ബഹ്റൈനിലെത്തിയതെങ്കിലും പിന്നീട് ഫ്രീ വിസയിലേക്ക് മാറിയിരുന്നു. വിനയ കൃഷ്ണൻ ഇതുവരെ അവധിക്കായി നാട്ടിൽ പോയിട്ടില്ലെന്നാണ് ബന്ധപ്പെട്ടവർ അറിയിക്കുന്നത്.

ഭാര്യ: അതുല്യ. മകൻ: ഹേമന്ത്. മൃതദേഹം നാട്ടിൽ കൊണ്ടു പോകാനുള്ള നടപടികൾ സാമൂഹിക പ്രവർത്തകരുടെ നേതൃത്വത്തിൽ ചെയ്തു വരുന്നു.