പത്തനംതിട്ട സ്വദേശി ബഹ്റൈനിൽ നിര്യാതനായി

മനാമ: പത്തനംതിട്ട കുളനട സ്വദേശി വിജയകുമാരൻ ഗംഗാധരൻ (55) ബഹ്റൈനിൽ നിര്യാതനായി. വൃക്ക സംബന്ധമായ അസുഖത്തെത്തുടർന്ന് സൽമാനിയ ഹോസ്പിറ്റലിൽ ചികിത്സയിലിരിക്കെയാണ് മരിച്ചത്. ബഹ്‌റൈനിൽ കഴിഞ്ഞ 25 വർഷത്തിലധികമായി പ്ലമ്പിങ് ജോലിക്കാരനായി തുടരുകയായിരുന്നു. മാതാപിതാക്കളും ഭാര്യയും രണ്ട് ആൺ മക്കളും അടങ്ങുന്നതാണ് കുടുംബം. മൃതദേഹം നാട്ടിലേക്ക് കൊണ്ടുപോവാനുള്ള നടപടികൾ സാമൂഹിക പ്രവർത്തകരുടെ മേൽനോട്ടത്തിൽ പുരോഗമിക്കുന്നു.