ബി.​ഡി.​എ​ഫ് പു​തി​യ ബാ​ച്ചി​ന്‍റെ പാ​സി​ങ് ഔ​ട്ട് പ​രേഡ്; സ​ല്യൂ​ട്ട് സ്വീ​ക​രി​ച്ച് ശൈ​ഖ് നാ​സ​ർ

മ​നാ​മ: ബ​ഹ്റൈ​ൻ പ്ര​തി​രോ​ധ​യു​ടെ പു​തി​യ ബാ​ച്ചി​ന്‍റെ പാ​സി​ങ് ഔ​ട്ട് പ​രേ​ഡി​ന് സ​ല്യൂ​ട്ട് സ്വീ​ക​രി​ച്ച് മാ​നു​ഷി​ക കാ​ര്യ​ങ്ങ​ൾ​ക്കും യു​വ​ജ​ന​കാ​ര്യ​ങ്ങ​ൾ​ക്കു​മു​ള്ള ഹ​മ​ദ് രാ​ജാ​വി​ന്റെ പ്ര​തി​നി​ധി​യും റോ​യ​ൽ ഗാ​ർ​ഡ് ക​മാ​ൻ​ഡ​റു​മാ​യ ശൈ​ഖ് നാ​സ​ർ ബി​ൻ ഹ​മ​ദ് ആ​ൽ ഖ​ലീ​ഫ. രാ​ജ്യ​സു​ര‍ക്ഷ‍ക്ക് ക​രു​ത്തേ​കാ​ൻ ബി.​ഡി.​എ​ഫി​ന്‍റെ 57ാം വാ​ർ​ഷി​ക​ത്തി​ൽ പ​രി​ശീ​ല​നം പൂ​ർ​ത്തി​യാ​ക്കി​യ സേ​നാം​ഗ​ങ്ങ​ളെ ശൈ​ഖ് നാ​സ​ർ ച​ട​ങ്ങി​ൽ ബി​രു​ദം ന​ൽ​കി ആ​ദ​രി​ച്ചു. റോ​യ​ൽ ഗാ​ർ​ഡ് സ്പെ​ഷ​ൽ ഫോ​ഴ്സ് ക​മാ​ൻ​ഡ​ർ കേ​ണ​ൽ ശൈ​ഖ് ഖാ​ലി​ദ് ബി​ൻ ഹ​മ​ദ് ആ​ൽ ഖ​ലീ​ഫ​യും ച​ട​ങ്ങി​ൽ സ​ന്നി​ഹി​ത​നാ​യി​രു​ന്നു.

ഖു​ർ​ആ​ൻ പാ​രാ​യ​ണ​ത്തോ​ടെ ആ​രം​ഭി​ച്ച ച​ട​ങ്ങി​ൽ പു​തു​താ​യി ബി​രു​ദം സ്വീ​ക​രി​ച്ച സേ​നാം​ഗ​ങ്ങ​ൾ സൈ​നി​കാ​ഭ്യാ​സ പ്ര​ക​ട​ന​ങ്ങ​ൾ കാ​ഴ്ച​വെ​ച്ചു. സേ​ന​യു​ടെ പ്ര​ക​ട​ന​ത്തെ​യും ആ​ർ​ജി​ച്ചെ​ടു​ത്ത സൈ​നി​ക വൈ​ദ​ഗ്ധ്യ​ത്തെ​യും പ​രി​ശീ​ല​ന നി​ല​വാ​ര​ത്തെ​യും അ​തി​നാ​യി പ​രി​ശ്ര​മി​ച്ച പ​രി​ശീ​ല​ക​രെ​യും ശൈ​ഖ് നാ​സ​ർ അ​ഭി​ന​ന്ദി​ച്ചു. സാ​യു​ധ സേ​ന​യു​ടെ സു​പ്രീം ക​മാ​ൻ​ഡ​റാ​യ രാ​ജാ​വ് ഹ​മ​ദ് ബി​ൻ ഈ​സ ആ​ൽ ഖ​ലീ​ഫ​യു​ടെ നേ​തൃ​ത്വ​ത്തി​ൽ റോ​യ​ൽ ഗാ​ർ​ഡി​ന്‍റെ പു​രോ​ഗ​തി​ക്കു​ള്ള ശ്ര​മ​ങ്ങ​ൾ​ക്കും കി​രീ​ടാ​വ​കാ​ശി​യും സാ​യു​ധ സേ​ന​യു​ടെ ഡെ​പ്യൂ​ട്ടി സു​പ്രീം ക​മാ​ൻ​ഡ​റും പ്ര​ധാ​ന​മ​ന്ത്രി​യു​മാ​യ പ്രി​ൻ​സ്​ സ​ൽ​മാ​ൻ ബി​ൻ ഹ​മ​ദ്​ ആ​ൽ ഖ​ലീ​ഫ​യു​ടെ പി​ന്തു​ണ​ക്കും ശൈ​ഖ് നാ​സ​ർ ബി​രു​ദ​ദാ​ന ച​ട​ങ്ങി​ൽ ആ​ശം​സ​യ​റി​യി​ച്ചു.

കൂ​ടാ​തെ ബി.​ഡി.​എ​ഫ് ക​മാ​ൻ​ഡ​ർ-​ഇ​ൻ-​ചീ​ഫ് ശൈ​ഖ് ഖ​ലീ​ഫ ബി​ൻ അ​ഹ്മ​ദ് ആ​ൽ ഖ​ലീ​ഫ​യു​ടെ മാ​ർ​ഗ നി​ർ​ദേ​ശ​ങ്ങ​ളെ​യും ത​ദ​വ​സ​ര​ത്തി​ൽ അ​ദ്ദേ​ഹം അ​ഭി​ന​ന്ദി​ച്ചു. രാ​ജ്യ​ത്തി​ന്‍റെ പ്ര​തി​രോ​ധ​ത്തി​നും അ​തി​നോ​ടു​ള്ള ക​ട​മ​ക​ളി​ലും പൂ​ർ​ണ​സ​മ​ർ​പ്പ​ണ ബോ​ധ​ത്തി​നും സ്ഥി​രോ​ത്സാ​ഹ​ത്തി​നും സേ​നാം​ഗ​ങ്ങ​ളോ​ട് ശൈ​ഖ് നാ​സ​ർ അ​ഭ്യ​ർ​ഥി​ച്ചു. മി​ക​ച്ച പ്ര​ക​ട​നം കാ​ഴ്ച​വെ​ച്ച അം​ഗ​ങ്ങ​ൾ​ക്ക് പ്രോ​ത്സാ​ഹ​ന സ​മ്മാ​ന​ങ്ങ​ൾ വി​ത​ര​ണം ചെ​യ്തു. ച​ട​ങ്ങി​ൽ റോ​യ​ൽ ഗാ​ർ​ഡി​ന്‍റെ ഡെ​പ്യൂ​ട്ടി ക​മാ​ൻ​ഡ​ർ മേ​ജ​ർ ജ​ന​റ​ൽ ഹ​മ​ദ് ഖ​ലീ​ഫ അ​ൽ നു​ഐ​മി, മ​റ്റ് സൈ​നി​ക ഉ​ദ്യോ​ഗ​സ്ഥ​ർ, റോ​യ​ൽ ഗാ​ർ​ഡ് ഉ​ദ്യോ​ഗ​സ്ഥ​ർ, ബി​രു​ദ​ധാ​രി​ക​ളു​ടെ കു​ടും​ബാം​ഗ​ങ്ങ​ൾ എ​ന്നി​വ​ർ പ​ങ്കെ​ടു​ത്തു.