പാണക്കാട് പി.എം.എസ്.എ പൂക്കോയ തങ്ങൾ അനുസ്മരണ സംഗമം

മനാമ: സമസ്ത ബഹ്റൈൻ കേന്ദ്ര കമ്മിറ്റി സ്മരണീയം 2024 എന്ന ശീർഷകത്തിൽ സംഘടിപ്പിക്കുന്ന പാണക്കാട് പി.എം.എസ്.എ പൂക്കോയ തങ്ങൾ അനുസ്മരണവും ദുആ മജ് ലിസും വെള്ളിയാഴ്ച രാത്രി 8.30ന് മനാമ സമസ്ത ഓഡിറ്റോറിയത്തിൽ നടക്കും.

സമസ്ത ബഹ്റൈൻ പ്രസിഡന്‍റ് ഫഖ്റുദ്ദീൻ പൂക്കോയ തങ്ങൾ ഉദ്ഘാടനം ചെയ്യും. വെങ്ങപ്പള്ളി ശംസുൽ ഉലമ ഇസ്‍ലാമിക് അക്കാദമി പ്രിൻസിപ്പൽ ഇബ്രാഹിം ഫൈസി പേരാൽ, മുഹിയിദ്ദീൻ കുട്ടി യമാനി എന്നിവർ അനുസ്മരണ പ്രഭാഷണങ്ങൾ നിർവഹിക്കും.