ഫലസ്തീൻ വിപ്ലവത്തി​െൻറ 53-ാം വാർഷികാഘോഷം നടന്നു

മനാമ: മനാമയിലുള്ള ഫലസ്തീൻ  എംബസിയിൽ നടന്ന പലസ്തീൻ വിപ്ലവത്തി​​​െൻറ  53-ാം വാർഷികാഘോഷത്തിൽ  ബഹ്​റൈൻ വിദേശകാര്യമന്ത്രാലയത്തിലെ ജി.സി.സി കാര്യ അണ്ടർസെക്രട്ടറി വാഹിദ് മുബാറക് സയാർ  പങ്കെടുത്തു. ഫലസ്തീൻ ജനതയുടെ സമരത്തെയും നിയമപരമായ അവകാശങ്ങളെയും പിന്തുണയ്ക്കാൻ രാജാവ്​ ഹമദ് ബിൻ ഇസ അൽ ഖലീഫ നടത്തുന്ന  പരിശ്രമങ്ങളെ അണ്ടർസെക്രട്ടറി ത​​​െൻറ  പ്രഭാഷണത്തിൽ പരാമർശിച്ചു. അന്തരിച്ച അമീർ ശൈഖ്​ ശൈഖ്​ ഇൗസ ബിൻ സൽമാൻ ആൽ ഖലീഫ ഫലസ്​തീൻ ജനതയെ പിന്തുണച്ചിരുന്നതിനെകുറിച്ചും ഫലസ്​തീൻ പ്രസിഡൻറായിരുന്ന യാസർ അറഫാത്തുമായി പുലർത്തിയിരുന്ന സഹോദര തുല്ല്യ ബന്​ധത്തെയും വാഹിദ് മുബാറക് സയാർ എടുത്തുപറഞ്ഞു.