പഠനോത്​സവം; വിദ്യാർഥികൾക്ക്​ നവ്യാനുഭവമായി

മനാമ: കേരള സർക്കാർ സാംസ്‌കാരിക വകുപ്പി​​െൻറ കീഴിലുള്ള മലയാളം മിഷൻ ബഹ്‌റൈൻ മേഖലയിലെ ‘കണിക്കൊന്ന, സൂര്യകാന്ത ി, ആമ്പൽ’ ക്ലാസ്സുകളുടെ പഠനോത്സവം ബഹ്‌റൈൻ കേരളീയ സമാജത്തിൽ നടന്നതായി സമാജം പ്രസിഡൻറ്​ പി.വി. രാധാകൃഷ്ണ പിള്ള ,ജ നറല്‍സെക്രട്ടറി എം പി രഘു എന്നിവര്‍ പത്രകുറിപ്പില്‍ അറിയിച്ചു. ബഹ്‌റൈൻ കേരളീയ സമാജം പാഠശാല , ശ്രീനാരായണ കൾച്ചറൽ സൊസൈറ്റി , കേരള സോഷ്യൽ ആൻഡ് കൾച്ചറൽ അസോസിയേഷൻ എന്നീ കേന്ദ്രങ്ങളിലെ കുട്ടികളാണ് പഠനോത്സവത്തിൽ പങ്കെടുത്തത്.

മലയാളം മിഷൻ ഡയറക്​ടർ പ്രൊഫ. സുജ സൂസൻ ജോർജ് , രജിസ്ട്രാർ ഡോ. എം. സേതു മാധവൻ, ഭാഷാധ്യാപക ന്‍എം.ടി. ശശി എന്നിവർ വീഡിയോ കോൺഫറൻസിലൂടെയും വ്യക്തിപരമായും നല്കിയ നിർദേശങ്ങള്‍ സ്വീകരിച്ച്​ നാൽപ്പതോളം അധ്യാപകരുടെയും , ഇരുപതോളം സന്നദ്ധപ്രവർത്തകരുടെയും പ്രവർത്തനങ്ങൾ പഠനോത്സവത്തെ മികച്ചതാക്കി.

പാoശാലാ വിദ്യാർഥികൾ അവതരിപ്പിച്ച ചെണ്ടമേളത്തോടെയായിരുന്നു ഉത്സവ പരിപാടികൾ ആരംഭിച്ചത്. ചടങ്ങിൽ സമാജം പ്രസിഡൻറും മിഷൻ ബഹ്റൈൻ ഘടകത്തി​​െൻറ ചെയർമാനുമായ പി.വി. രാധാകൃഷ്ണ പിള്ള ആശംസകൾ നേർന്നു. സഹിതവിഭാഗം സെക്രട്ടറിയും പാഠശാല കോർഡിനേറ്ററുമായ ബിജു .എം.സതീഷ് , പാഠശാല കൺവീനർ നന്ദകുമാർ , സുധി പുത്തൻ വേലിക്കര , മിഷ നന്ദകുമാർ എന്നിവർ പഠനോത്സവത്തിന്​ നേതൃത്വം നൽകി. കഥകൾ പറഞ്ഞും കവിതകൾ ചൊല്ലിയും വിവരണങ്ങൾ നൽകിയും വഞ്ചിപ്പാട്ടുകൾക്കൊപ്പം തോണി തുഴഞ്ഞും രസകരവും ആനന്ദകരവും ആയ രീതിയിൽ എല്ലാ പഠന പ്രവർത്തനങ്ങളും പൂർത്തിയാക്കിയ കൂട്ടായ്​മ വേറിട്ടതായി.