മെഗാ മെഡിക്കൽ ക്യാമ്പ്​ സംഘടിപ്പിച്ചു

മനാമ: ഒരു വർഷം നീണ്ടു നിൽക്കുന്ന മെഗാ മെഡിക്കൽ ക്യാമ്പി​െന്‍റ ഭാഗമായി ഇന്ത്യൻ കമ്മ്യൂണിറ്റി റിലീഫ് ഫണ്ട് (ഐ.സി.ആർ.എഫ്) അസ്കറിലെ മിഡിൽ ഈസ്റ്റ് ഹോസ്പിറ്റലിൽ പത്താമത്തെ ക്യാമ്പ് സംഘടിപ്പിച്ചു. ഇതുവരെ 1300 ഓളം തൊഴിലാളികളാണ്​ വിവിധ ആശുപത്രികളിൽ ആരോഗ്യ പരിശോധനക്ക്​ വിധേയരായത്​. ഇന്ത്യൻ എംബസി സെക്കൻഡ്​ സെക്രട്ടറി രവിശങ്കർ ശുക്ല മുഖ്യാതിഥിതി ആയിരുന്നു.

ഐ.സി.ആർ.എഫ് ചെയർമാൻ ഡോ. ബാബു രാമചന്ദ്രൻ, ജനറൽ സെക്രട്ടറി പങ്കജ് നല്ലൂർ, അഡ്വൈസർ അരുൾദാസ് തോമസ്, ജോ. സെക്രട്ടറി അനീഷ് ശ്രീധരൻ, മെഗാ മെഡിക്കൽ ക്യാമ്പ് ജനറൽ കൺവീനർ നാസർ മഞ്ചേരി, കോഓർഡിനേറ്റർ മുരളീകൃഷ്ണൻ, ഈ മാസത്തെ കോഓർഡിനേറ്റർ സുനിൽ കുമാർ, വളണ്ടിയർമാരായ രമൺ പ്രീത്, ജവാദ് പാഷ, മുരളി നോമുല, ചെമ്പൻ ജലാൽ, കെ.ടി സലിം, പങ്കജ് മാലിക്, പവിത്രൻ നീലേശ്വരം, അജയകൃഷ്ണൻ, ക്ലിഫോർഡ് കൊറിയ, രാജീവൻ, മിഡിൽ ഈസ്റ്റ്​ ഹോസ്പിറ്റലിനെ പ്രധിനിധീകരിച്ച്​ രഹൽ ഉസ്‌മാൻ, ഫർഹ ഹഖ്, ജിത്തു ചാക്കോ സിറാജ് എന്നിവർ പങ്കെടുത്തു.