ഒ​രു ദി​വ​സം, ആ​റ്​ രാ​ജ്യ​ങ്ങ​ൾ; ച​രി​ത്ര​യാ​ത്ര​ക്ക് വ​ള​യം പി​ടി​ക്കാ​ൻ ഷാ​ഫി​യും സി​യാ​ദും

ദോഹ: അ​വ​ധി​ദി​വ​സ​ങ്ങ​ളി​ൽ കാ​റു​മെ​ടു​ത്ത്​ കൂ​ട്ടു​കാ​ർ​ക്കും കു​ടും​ബ​ങ്ങ​ൾ​ക്കു​മൊ​പ്പം അ​യ​ൽ രാ​ജ്യ​ങ്ങ​ളി​ലേ​ക്കു​ള്ള യാ​ത്ര ഗ​ൾ​ഫി​ലെ പ്ര​വാ​സി​ക​ൾ​ക്കി​ട​യി​ൽ പു​തു​മ​യു​ള്ള കാ​ര്യ​മ​ല്ല. എ​ന്നാ​ൽ, തൃ​​ശൂ​ർ സ്വ​ദേ​ശി​ക​ളും കൂ​ട്ടു​കാ​രു​മാ​യ ചാ​വ​ക്കാ​ട്ടു​കാ​ര​ൻ സി​യാ​ദും കൈ​പ്പ​മം​ഗ​ലം​കാ​ര​ൻ ഷാ​ഫി മോ​നും വ്യാ​ഴാ​ഴ്​​ച പു​റ​പ്പെ​ടു​ന്ന​ത്​ ആ​രും പ​രീ​ക്ഷി​ക്കാ​ത്തൊ​രു യാ​ത്ര​ക്കാ​ണ്.

24 മ​ണി​ക്കൂ​റി​നു​ള്ളി​ൽ ജി.​സി.​സി​യി​ലെ ആ​റു​ രാ​ജ്യ​ങ്ങ​ളും ക​ട​ന്ന്​ ​ല​ക്ഷ്യ​സ്​​ഥാ​ന​ത്തെ​ത്തു​ന്ന അ​പൂ​ർ​വ​മാ​യൊ​രു യാ​ത്ര. സ​മ​യ​സൂ​ചി​ക​യി​ൽ ഒ​ക്​​ടോ​ബ​ർ 19 വ്യാ​ഴാ​ഴ്​​ച തെ​ളി​യു​​മ്പോ​ൾ കു​വൈ​ത്തി​ലെ പ്ര​ശ​സ്​​ത​മാ​യ കു​വൈ​ത്ത്​ ട​വ​റി​ന്​ അ​രി​കി​ൽ​നി​ന്ന് ഇ​വ​രു​ടെ ടൊ​യോ​ട്ട ​ഫോ​ർ​ച്യൂ​ണ​ർ ഓ​ടി​ത്തു​ട​ങ്ങും. നു​വൈ​സി​ബ്​ അ​തി​ർ​ത്തി ക​ട​ന്ന്​ സൗ​ദി​യു​ടെ മ​ണ്ണി​ലൂ​ടെ ഓ​ടി, അ​ൽ​ഖോ​ബാ​ർ വ​ഴി നേ​രെ ബ​ഹ്​​റൈ​നി​ലേ​ക്ക്. ലോ​കാ​ത്ഭു​ത​മാ​യ കി​ങ്​ ഫ​ഹ​ദ്​ കോ​സ്​​വേ​യും ക​ട​ന്ന്​ ബ​ഹ്​​റൈ​നി​ലെ​ത്തി​യ​ശേ​ഷം തി​രി​കെ വീ​ണ്ടും സൗ​ദി​യു​ടെ മ​ണ്ണി​ൽ.

അ​റേ​ബ്യ​ൻ ഉ​ൾ​ക്ക​ട​ൽ തീ​ര​ത്തെ റോ​ഡു​ക​ളി​ലൂ​ടെ വി​ജ​ന​മാ​യ മ​രു​ഭൂ പാ​ത​ക​ളും മ​ണ​ൽ​ക്കാ​ടു​ക​ളും ക​ട​ന്ന്​ നീ​ണ്ടു​കി​ട​ക്കു​ന്ന റോ​ഡി​ലൂ​ടെ വീ​ണ്ടും യാ​ത്ര. സൗ​ദി​യു​ടെ അ​തി​ർ​ത്തി ന​ഗ​ര​ങ്ങ​ൾ ക​ട​ന്ന് സ​ൽ​വ വ​ഴി അ​ബൂ സം​റ​യും ക​ട​ന്ന് ഖ​ത്ത​റി​ന്റെ മ​ണ്ണി​ൽ ഉ​ച്ച​ക്കു മു​മ്പാ​യി പ്ര​വേ​ശി​ക്കും. ​ശേ​ഷം, ദോ​ഹ കോ​ർ​ണി​ഷി​ലെ​ത്തി ഖ​ത്ത​റി​ന്റെ ച​രി​ത്ര​മു​ദ്ര​ക​ൾ​ക്ക്​ സാ​ക്ഷ്യം​വ​ഴി​ച്ച അ​തേ വേ​ഗ​ത്തി​ൽ അ​തി​ർ​ത്തി ക​ട​ന്ന്​ അ​ടു​ത്ത ല​ക്ഷ്യ​സ്​​ഥാ​ന​മാ​യ ​യു.​എ.​ഇ​യി​ലേ​ക്ക്.

അ​ബൂ​ദ​ബി​യും പ​റ്റു​മെ​ങ്കി​ൽ ദു​ബൈ​യി​ലെ​ത്തി ബു​ർ​ജ്​ ഖ​ലീ​ഫ​ക്ക​രി​കി​ലെ​ത്തി, ഷാ​ർ​ജ​യും ക​ട​ന്ന്​ അ​ടു​ത്ത ല​ക്ഷ്യ സ്​​ഥാ​ന​ത്തേ​ക്ക്. ഷാം ​ക​ട​ന്ന്​ റാ​സ്​ അ​ൽ ദ​ഹ്​​റം അ​തി​ർ​ത്തി വ​ഴി യു.​എ.​ഇ​യു​ടെ തെ​ക്കു​ഭാ​ഗ​ത്താ​യി ​വേ​റി​ട്ടു​നി​ൽ​ക്കു​ന്ന ഒ​മാ​ന്റെ ഭാ​ഗ​മാ​യ മു​സ​ന്ദ​മി​ലേ​ക്ക്. ക​ട​ലും മ​ല​ക​ളും ചു​ര​ങ്ങ​ളു​മാ​യി ഏ​റെ മ​നോ​ഹ​ര​മാ​യ പ്ര​കൃ​തി കാ​ഴ്​​ച​യൊ​രു​ക്കു​ന്ന മു​സ​ന്ദ​മി​ൽ പ്ര​വേ​ശി​ക്കു​ന്ന​തോ​ടെ സാ​ഹ​സം നി​റ​ഞ്ഞ ത​ങ്ങ​ളു​ടെ ‘ഓ​ൾ ജി.​സി.​സി ടൂ​ർ’ അ​വ​സാ​നി​പ്പി​ക്കു​ക​യാ​ണ്​ സം​ഘ​ത്തി​ന്റെ ല​ക്ഷ്യം. പു​ല​ർ​ച്ചെ ആ​റി​ന്​ തു​ട​ങ്ങി, ​അ​ടു​ത്ത ദി​വ​സം ആ​രം​ഭി​ക്കും​മു​​മ്പേ ആ​റാ​മ​ത്തെ രാ​ജ്യ​മാ​യി ഒ​മാ​നി​ൽ പ്ര​വേ​ശി​ക്കു​ക​യാ​ണ്​ ഷാ​ഫി​യു​ടെ​യും സി​യാ​ദി​ന്റെ​യും ല​ക്ഷ്യം. 2000ത്തോ​ളം കി​ലോ​മീ​റ്റ​ർ ദൂ​ര​മാ​ണ്​ കു​വൈ​ത്തി​ൽ തു​ട​ങ്ങി, ആ​റു​ രാ​ജ്യ​ങ്ങ​ൾ പി​ന്നി​ടു​​മ്പോ​ഴേ​ക്കും താ​ണ്ടി​യെ​ത്തു​ക. കാ​ലാ​വ​സ്​​ഥ​യും സാ​ഹ​ച​ര്യ​ങ്ങ​ളും അ​നു​കൂ​ല​മാ​യാ​ൽ മ​ന​സ്സി​ൽ ക​ണ്ട സ​മ​യ​ത്തി​നു​ള്ളി​ൽ ത​ന്നെ ല​ക്ഷ്യ​ത്തി​ലെ​ത്തു​മെ​ന്ന്​ ഇ​വ​ർ പ​റ​യു​ന്നു.

എ​ല്ലാ ജി.​സി.​സി രാ​ജ്യ​ങ്ങ​ളും സ​ന്ദ​ർ​ശി​ക്കാ​ൻ ഒ​രു ടൂ​റി​സ്​​റ്റ്​ വി​സ എ​ന്ന ഏ​കീ​കൃ​ത പ​ദ്ധ​തി പ്രാ​ബ​ല്യ​ത്തി​ൽ വ​രാ​നി​രി​ക്കെ, ഗ​ൾ​ഫ്​ രാ​ജ്യ​ങ്ങ​ളി​ലേ​ക്ക്​ പ​ര​സ്പ​ര​മു​ള്ള യാ​ത്ര​ക്ക്​ പ്രോ​ത്സാ​ഹ​നം ന​ൽ​കു​ക എ​ന്ന ല​ക്ഷ്യ​വു​മാ​യാ​ണ്​ യാ​ത്രാ​പ്രി​യ​രാ​യ ര​ണ്ടു പേ​ർ ഇ​റ​ങ്ങി​ത്തി​രി​ക്കു​ന്ന​ത്.

10 വ​ർ​ഷ​ത്തോ​ള​മാ​യി ജോ​ലി​യു​ടെ ഭാ​ഗ​മാ​യും അ​ല്ലാ​തെ​യും എ​ല്ലാ ഗ​ൾ​ഫ്​ രാ​ജ്യ​ങ്ങ​ളി​ലും നി​ര​ന്ത​രം സ​ന്ദ​ർ​ശി​ക്കു​ന്ന സി​യാ​ദും ഷാ​ഫി​യും പു​തു​മ​യേ​റി​യ യാ​ത്ര​യെ​ന്ന നി​ല​യി​ലാ​ണ്​ ‘ജി.​സി.​സി യൂ​നി​ഫൈ​ഡ്​ ട്രി​പ്പു​മാ​യി പു​റ​പ്പെ​ടു​ന്ന​ത്. ദു​ബൈ​യി​ൽ ഫോ​​ട്ടോ​ഗ്ര​ഫി മേ​ഖ​ല​യി​ൽ പ്ര​വ​ർ​ത്തി​ക്കു​ക​യാ​ണ്​ ഷാ​ഫി മോ​ൻ. സ്വ​ന്തം സം​രം​ഭ​വു​മാ​യി ദു​ബൈ​യി​ൽ​ത​ന്നെ​യാ​ണ്​ സി​യാ​ദി​ന്റെ​യും ഇ​ടം. ക​ഴി​ഞ്ഞ ജൂ​ണി​ൽ​ത​ന്നെ ഇ​രു​വ​രും യാ​ത്ര​യു​ടെ ഒ​രു​ക്ക​ങ്ങ​ൾ തു​ട​ങ്ങി​യി​രു​ന്നു. ആ​വ​ശ്യ​മാ​യ വി​സ എ​ല്ലാ​യി​ട​​ത്തേ​ക്കും സ്വ​ന്ത​മാ​ക്കി.

ഒ​പ്പം, എ​ല്ലാ രാ​ജ്യ​ങ്ങ​ളി​ലു​മെ​ത്തി അ​തി​ർ​ത്തി​യി​ലെ എ​മി​ഗ്രേ​ഷ​ൻ ന​ട​പ​ടി​ക​ൾ ഒ​രു ട്ര​യ​ൽ എ​ന്ന നി​ല​യി​ൽ പ​രി​ശീ​ലി​ക്കു​ക​യും ചെ​യ്​​തു. സൗ​ദി​യു​ടെ മ​ൾ​ട്ടി എ​ൻ​ട്രി വി​സ​യും ഖ​ത്ത​റി​ന്റെ ഹ​യ ടൂ​റി​സ്​​റ്റ്​ വി​സ​യും കു​വൈ​ത്തി​ലേ​ക്ക്​ ബി​സി​ന​സ്​ വി​സ​യു​മാ​യി എ​ല്ലാ രേ​ഖ​ക​ളും ത​യാ​ർ.

ഭ​ക്ഷ​ണ​വും വെ​ള്ള​വും സൂ​ക്ഷി​ക്കാ​നും അ​ത്യാ​വ​ശ്യ​മെ​ങ്കി​ൽ പാ​ച​കം​ചെ​യ്യാ​നു​മെ​ല്ലാം സ​ജ്ജ​മാ​ക്കി​യ ത​ങ്ങ​ളു​ടെ ഫോ​ർ​ച്യൂ​ണ​ർ വാ​ഹ​ന​ത്തി​ന്റെ വ​ള​യം​പി​ടി​ച്ച്​ ഇ​നി ഒ​രു കു​തി​പ്പ്. 24 മ​ണി​ക്കൂ​റി​ൽ ല​ക്ഷ്യ​സ്​​ഥാ​ന​ത്ത്​ എ​ത്തി​ച്ചേ​രാ​ൻ​ത​ന്നെ​യാ​ണ്​ ശ്ര​മം. അ​വി​ചാ​രി​ത​മാ​യ കാ​ര​ണ​ങ്ങ​ളാ​ൽ സ​മ​യം വൈ​കി​യാ​ലും, യാ​ത്ര പൂ​ർ​ത്തി​യാ​ക്കു​​മെ​ന്ന്​ ഇ​രു​വ​രും പ​റ​യു​ന്നു.