ഒാണാരവമില്ലാതെ പ്രവാസലോകം

മനാമ: ഇന്ന്​ ഉത്രാടപ്പാച്ചിൽ ദിനമാണ്​. സാധാരണ പ്രവാസലോകത്ത്​ നാട്ടിലെക്കാൾ വലിയ ആവേശമാണ്​ ഒന്നാം ഒാണം നൽകുക. എന്നാൽ കേരള
ത്തി​​​​െൻറ പ്രളയദു:ഖം പ്രവാസലോകത്തെ മലയാളി സമൂഹത്തെയും ബാധിച്ചിരിക്കുന്നു. ഒാണത്തി​​​​െൻറ പകിട്ടും ആരവമൊന്നും ആരെയും ബാധിച്ചിട്ടില്ല.  മറിച്ച്​ പ്രകൃതിക്ഷോഭം തകർത്തെറിഞ്ഞ നാടിന​ുവേണ്ടി എന്തെല്ലാം കാരുണ്യ പ്രവർത്തനങ്ങൾ ചെയ്യാം എന്നുള്ള ചിന്തയിലാണ്​ സംഘടനകളും വ്യക്തികളുമെല്ലാം. 
സർവതും നഷ്​ടപ്പെട്ട നമ്മുടെ നാട്ടുകാരുടെ വേദനക്ക്​ കഴിയുന്ന പരിഹാരം ചെയ്യണമെന്നതാണ്​ എല്ലാവരുടെയും അഭിപ്രായങ്ങൾ. ബലിപ്പെരുന്നാൾ ആഘോഷ പരിപാടികളും മലയാളികൾ ദുരിതാശ്വാസ പ്രവർത്തനങ്ങൾക്കായി ഒഴിവാക്കിയിരുന്നു. മലയാളികളുടെ ഇൗദ്​ ഗാഹുകളിൽ കേരളത്തെ സാമ്പത്തികമായി സഹായിക്കാനുള്ള ആഹ്വാനങ്ങളും പ്രത്യേക പ്രാർഥനകളും നടത്തിയിരുന്നു. 

ബഹ്​റൈനിലെ ചെറുതും വലുതുമായ മുപ്പതോളം മലയാളി കൂട്ടായ്​മകളാണ്​ ഒാണം^ബലിപ്പെരുന്നാൾ ആഘോഷം വേണ്ടന്ന്​ തീരുമാനിച്ചതും ആഘോഷത്തിനായുള്ള തുക കേരളത്തി​​​​െൻറ ദുരിതാശ്വാസ പ്രവർത്തനങ്ങൾക്കായി സമർപ്പിക്കുമെന്ന്​ അറിയിച്ചിട്ടുളളതും. മാസങ്ങൾക്ക്​ മു​െമ്പ ഒാണം^ബലിപ്പെരുന്നാൾ ആഘോഷങ്ങൾക്കായി പരിപാടികൾ തയ്യാറാക്കി അതിഥികളെ നാട്ടിൽ നിന്ന്​ ക്ഷണിച്ച്​ വിപുലമായ പ്രചരണ പ്രവർത്തനങ്ങൾക്ക് ഒരുക്കം നടത്തിവന്ന സംഘടനകളാണ്​ ആഘോഷമെല്ലാം റദ്ദാക്കിയത്​. ബഹ്​റൈൻ കേരളീയ സമാജം, സിംസ്​, കെ.സി.എ, കെ.എം.സി.സി, ശ്രീ നാരായണ കൾച്ചറൽ സ​​​െൻറർ, ഒ.​െഎ.സി.സി, പ്രതിഭ, ഗുരുദേവ സോഷ്യല്‍ സൊസൈറ്റി (കാനു ഗാര്‍ഡന്‍ തുടങ്ങി നിരവധി സംഘടനകളാണ്​ പരിപാടികൾ റദ്ദാക്കിയത്​. 

ബഹ്​റൈനിൽ എല്ലാവർഷവും മലയാളി സമൂഹം ആവേശത്തോടും ആഹ്ലാദത്തോടെയും പങ്കുചേരുന്നതാണ്​ ഒാണസദ്യകളിൽ. ഒാരോ പ്രവാസി സംഘടനയും ഒാണസദ്യ കെ​േങ്കമമാക്കാൻ അരയും തലയും മുറുക്കിയാണ്​ രംഗത്തിറങ്ങുന്നത്​. കേരളത്തിൽ നിന്നുള്ള വാഴയിലയും നാടൻ വിഭവങ്ങളും എത്തിച്ച്​ നാട്ടിൽ നിന്നുള്ള പാചക വിദഗ്​ധരെ കൊണ്ടുവന്നുമാണ്​ മുൻനിരയിലുള്ള സംഘടനകൾ ഒാണസദ്യ നടത്തുന്നത്​. വിവധി മേഖലകളിലുള്ള ആളുകൾ ഒാരോ സംഘടനയുടെയും സദ്യയിൽ സംബന്​ധിക്കാറുണ്ട്​. 
എന്നാൽ ഇൗ വർഷം ഒാണസദ്യയും സാംസ്​കാരിക കലാപരിപാടികളും എല്ലാം മാററിവെച്ചതി​​​​െൻറ നിരാശയൊന്നും ആരിലുമില്ല. സ്വന്തം വീട്ടിൽ 
ദു:ഖകരമായ സംഭവം നടന്നാൽ ആഘോഷ പരിപാടികൾ ഒഴിവാക്കുകയല്ലെ പതിവ്​  എന്ന അഭിപ്രായമാണ്​ എല്ലാവരിലും. 

നമ്മുടെ നാട്ടിലെ ആയിരക്കണക്കിന്​ ആളുകൾക്ക്​ ദുരിതം നേരിട്ട അവസരത്തിൽ ആ വിഷമം നമ്മളും ഏറ്റെടുക്കുന്നു എന്നും പ്രവാസലോകം പറയുന്നു. പ്രവാസി മലയാളികൾ സഹായ പ്രവർത്തനങ്ങൾ വാക്കുകളിൽ ഒതുക്കാതെ അത്​ പ്രാവർത്തികമാക്കുകയായിരുന്നു കഴിഞ്ഞ ദിനങ്ങളിൽ. ടൺകണക്കിന്​ വിഭവങ്ങളാണ്​ നാട്ടിലെ ദുരിതാശ്വാസ ക്യാമ്പുകളിലേക്ക്​ ഒഴുകിയത്​. ഒറ്റക്കും കൂട്ടായും മലയാളികൾ വിഭവ സമാഹരണം നടത്തി. പുതുവസ്​ത്രങ്ങളും പുതപ്പുകളും കമ്പിളി വസ്​ത്രവും ഭക്ഷണവും മരുന്നും സാനിറ്ററി നാപ്​കിനുകളും അവർ കേരളത്തി​​​​െൻറ വിവിധ മേഖലകളിലേക്ക്​ അയച്ചു. അതിനൊപ്പം മ​ുഖ്യമന്ത്രിയുടെ ദുരിതാശ്വാസ ഫണ്ടിലേക്കും മലയാളി സമൂഹം തങ്ങളാൽ കഴിയുന്ന സഹായം എത്തിക്കുന്നുണ്ട്​. സമാനതകളില്ലാത്ത ജീവകാരുണ്യ പ്രവർത്തനങ്ങളാണ്​ പ്രളയബാധയുടെ പശ്​ചാത്തലത്തിൽ പ്രവാസി മലയാളികൾ കേരളത്തിലേക്ക്​ നൽകികൊണ്ടിരിക്കുന്നത്​. ദുരിതാശ്വാസത്തിനായി ബഹ്റൈൻ മലയാളി കൂട്ടായ്​മ എന്ന പേരിൽ അട​ുത്തിടെ യോഗം ചേർന്ന്​  ദുരിതാശ്വാസ പ്രവർത്തനങ്ങൾക്ക്​ രൂപം നൽകിയിരുന്നു.