പുതിയ എണ്ണ, വാതക ശേഖരം:  ബഹ്​റൈന്​ ഉൽപാദക പട്ടികയിൽ സ്ഥാനക്കയറ്റത്തിന്​ സാധ്യത

മനാമ: ബഹ്​റൈനിൽ കണ്ടെത്തിയ പുതിയ എണ്ണ, വാതക ശേഖരം ബഹ്​റൈന്​ പുതിയ വികസനക്കുതിപ്പായി മാറുമെന്ന്​ നിരീക്ഷണം. ഭാവിയിൽ ഖനനം സാധ്യമാകുന്നതോടെ ലോക എണ്ണ ഉത്​പ്പാദകരുടെ പട്ടികയിൽ ബഹ്​റൈന്​ സ്ഥാനക്കയറ്റവും സാധ്യമാ​കാനുള്ള സാധ്യതയുണ്ട്​. യുഎസ് എനര്‍ജി ഇന്‍ഫര്‍മേഷന്‍ അഡ്മിനിസ്‌ട്രേഷ​​​െൻറ  എണ്ണ ഉല്‍പ്പാദകരുടെ 2016 ലെ പട്ടിക പ്രകാരം ബഹ്​റൈൻ 51 ാം സ്ഥാനത്താണ്​. ദിനംപ്രതി 50,000 ബാരലാണ്​ ‘പവിഴദ്വീപി’ൽ ഉത്​പ്പാദിപ്പിക്കുന്നത്​. നിലവിലുള്ള എണ്ണക്കിണറുകളെക്കാൾ വലുതാണ്​ കണ്ടെത്തിയിരിക്കുന്നത്​ എന്നതിനാൽ ശുഭസൂചനയാണ്​ പൊതുവെയുള്ളത്​. 

2017 ലെ അവസാന മാസങ്ങളിലായി നടന്ന ബൃഹത്തായ പര്യവേക്ഷണങ്ങളിലൂടെയാണ്​ പടിഞ്ഞാറൻ തീരത്തായി  ഖലീജ് അൽ ബഹ്റൈൻ ബേസിൽ നി​േക്ഷപത്തെ കുറിച്ചുള്ള ചില സൂചനകൾ ലഭിച്ചത്​. ത​ുടർന്ന്​ വിദഗ്​ധർ വിശദ ഗവേഷണം നടത്തി.  ലോക രാജ്യങ്ങളിലെ എണ്ണ ഉറവിടങ്ങൾ ശോഷിക്കുന്നു എന്ന റിപ്പോർട്ടുകൾക്കിടയിൽ എണ്ണ ഉത്​പ്പാദക വിപണിക്കും സന്തോഷം നൽകുന്നതാണ്​ വാർത്ത​. ഗൾഫിൽ ആദ്യമായി എണ്ണ കണ്ടെത്തിയത്​ ബഹ്​റൈനിലായിരുന്നു. 1932 ൽ ജബ്​ലു ദുഖാനിലായിരുന്നു ആദ്യ ഖനനം ആരംഭിച്ചത്​. ഇപ്പോൾ ബഹ്റൈൻ നാഷണൽ എണ്ണ, വാതക അതോറിറ്റി (നൊഗ) നേതൃത്വത്തിൽ നടന്ന വിശദമായ ഗവേഷണങ്ങളിൽ കൂടിയാണ്​ നിക്ഷേപത്തെ കുറിച്ചുള്ള വിശദാംശങ്ങൾ ലഭിച്ചത്​. കിരീടാവകാശിയും ഒന്നാം ഉപപ്രധാനമന്ത്രിയുമായ  പ്രിൻസ് സൽമാൻ ബിൻ ഹമദ് അൽ ഖലീഫ അധ്യക്ഷനായ ബഹ്റൈൻ ഹയർ കമ്മിറ്റി ​േഫാർ നാച്വറൽ റിസോഴ്​സസ്​ ആൻറ്​ ഇകണോമിക്​ സെക്യൂരിറ്റിയാണ്​ കണ്ടെത്തൽ ​ഒൗദ്യോഗിമായി സ്ഥിരീകരിച്ചത്​.

രാജ്യത്ത്​ എണ്ണയുടെയും വാതകത്തി​​​െൻറയും അതിവിപുലമായ ശേഖരം കണ്ടെത്തിയ സംഭവം ബഹ്​റൈനെ സംബന്​ധിച്ചിടത്തോളം ഫലവത്തായ അദ്ധ്വാനത്തി​​​െൻറ ഫലമാണെന്നും ദേശീയ താൽപ്പര്യത്തിലൂന്നിയ  പ്രതിബദ്ധതയും പരിശ്രമവുമാണ്​ വെളിപ്പെട്ടതെന്നും രാജാവ്​ ഹമദ്​ ബിൻ ഇൗസ ആൽ ഖലീഫ വ്യക്തമാക്കി. ഇതിനൊപ്പം സമഗ്ര വികസനം പിന്തുടരുകയും എല്ലാ മേഖലകളിലും പൗരന്മാരുടെ ആവശ്യങ്ങൾ നിറവേറ്റുകയും വേണമെന്നും അദ്ദേഹം ഉണർത്തി. പ്രധാനമന്ത്രി പ്രിൻസ്​ ഖലീഫ ബിൻ സൽമാൻ ആൽ ഖലീഫയുടെ അഭിനന്ദനങ്ങൾക്ക്​ മറുപടി നൽകു​േമ്പാഴാണ്​ രാജ്യത്തി​​​െൻറ സുപ്രധാനമായ നേട്ടത്തിനെ രാജാവ്​ വിലയിരുത്തിയത്​. എണ്ണ, വാതക കണ്ടെത്തൽ  ഹമദ്​ രാജാവി​​​െൻറ നേതൃത്വത്തിലുള്ള രാജ്യത്തി​​​െൻറ വികസനത്തിലേക്കുള്ള മുന്നേറ്റത്തി​െനയാണ്​ എടുത്തുകാട്ടുന്നത്​ എന്ന്​ പ്രധാനമന്ത്രി അഭിപ്രായപ്പെട്ടു. ആധുനികവത്​കരണത്തിലേക്കുള്ള ഗവൺമ​​െൻറി​​​െൻറ ചുവടുവെപ്പായി ഇൗ കണ്ടെത്തലിനെ നിർവചിക്കാൻ കഴിയും. ഇൗ കണ്ടെത്തലുകളിൽ നിന്നുള്ള ആനുകൂല്യങ്ങൾ മെച്ചപ്പെടുത്തുന്നതിന് പ്രമുഖ ആഗോള കമ്പനികളുമായി സഹകരിക്കാൻ സർക്കാർ നിർദ്ദേശിച്ചതായി പ്രധാനമന്ത്രി പറഞ്ഞു. 

എണ്ണ, വാതക ഉറവിടം കണ്ടെത്തിയതിനെ തുടർന്ന്​ ഹമദ്​ രാജാവിന്​​ കിരീടാവകാശിയും ഒന്നാം ഉപപ്രധാനമന്ത്രിയുമായ പ്രിൻസ്​ സൽമാൻ ബിൻ ഹമദ്​ ആൽ ഖലീഫ അഭിനന്ദനങ്ങൾ കൈമാറി. ബഹ്റൈനിലെ ആദ്യ എണ്ണഉറവയെ ക്കുറിച്ചുള്ള ചരിത്രപരമായ കണ്ടെത്തൽ ശൈഖ് ഹമദ് ബിൻ ഇസ ആൽ ഖലീഫയുടെ കാലഘട്ടത്തിലെ ഒരു പുതിയ അധ്യായമാണെന്ന് കിരീടാവകാശി പറഞ്ഞു. പുതിയ കണ്ടെത്തലി​​​െൻറ പശ്​ചാത്തലത്തിൽ മുതിർന്ന രാജ കുടുംബാംഗങ്ങൾ, മന്ത്രിമാർ, പാർലമ​​െൻറ്​,  ശൂറ കൗൺസിൽ അംഗങ്ങൾ, മുതിർന്ന ഉദ്യോഗസ്ഥർ, നയതന്ത്ര പ്രതിനിധികൾ എന്നിവർ രാജാവിന്​ അഭിനന്ദനങ്ങൾ കൈമാറി.