നിർധന കുടുംബത്തിന് വീട് വെക്കാൻ  ഒ.​െഎ.സി.സി  ജില്ല കമ്മിറ്റി സ്ഥലം വാങ്ങി നൽകി

12:29 PM
05/12/2018
മനാമ: കാസർകോട്​ സീതാംഗോളിയിൽ25 വർഷമായി താമസിക്കുന്ന ഉത്തർപ്രദേശ് സ്വദേശിനിയായ  ജയദേവിക്കും മൂന്നു മക്കൾക്കും ഇത് ആഹ്ലാദത്തി​​െൻറ  നിമിഷമാണ്. സ്വന്തമായി ഒരു തരി മണ്ണ് പോലുമില്ലാതെ വാടക വീട്ടിൽ താമസിക്കുന്ന ഈ കുടുംബത്തിന് വീട്‌ വെക്കുവാൻ മൂന്നു സ​െൻറ്​ സ്ഥലം വാങ്ങി നൽകിയിരിക്കുകയാണ് ബഹ്‌റൈൻ ഒ.ഐ.സി.സി കാസർകോട്​ ജില്ല കമ്മിറ്റി. സീതാംഗോളിയിൽ പാൽ കച്ചവടം നടത്തി ജീവിക്കുന്ന ഈ കുടുംബത്തി​​െൻറ അവസ്ഥ മനസ്സിലാക്കിയ കാസർകോട്​ ഡി.സി.സി പ്രസിഡൻറ്​ ഹക്കീം കുന്നിൽ ബഹ്‌റൈൻ ഒ.ഐ.സി.സി കാസർകോട്​  ജില്ല ട്രഷറർ ആകിഫ് നൂറയെ ബന്ധപ്പെടുകയായിരുന്നു.  ആകിഫ് നൂറയും സുഹൃത്തുക്കളും ചേർന്ന് നടത്തിയ ശ്രമ ഫലമായാണ് മൂന്നു സ​െൻറ്​ സ്ഥലം ജയദേവിക്കും കുടുംബത്തിനും വാങ്ങിച്ചു നൽകുവാൻ കഴിഞ്ഞത്. വസ്​തുവി​​െൻറ  പ്രമാണം കാസർഗോഡ് ഡി.സി.സിയിൽ നടന്ന ചടങ്ങിൽ മുൻ മുഖ്യ മന്ത്രി ഉമ്മൻ ചാണ്ടി ജയദേവിക്ക് കൈമാറി. ചടങ്ങിൽ  ഡി.സി.സി പ്രസിഡൻറ്​ ഹക്കീം കുന്നിൽ, കെ.പി.സി.സി സെക്രട്ടറി കെ.പി കുഞ്ഞിക്കണ്ണൻ, ബഹ്‌റൈൻ ഒ.ഐ.സി.സി കാസർകോട്​ ജില്ല ട്രഷറർ ആകിഫ് നൂറ,ഭാസ്കർ ,റംഷീർ തുടങ്ങിയവർ സംബന്ധിച്ചു.
Loading...
COMMENTS