ഒടുവിൽ രാമയ്യയും മരണത്തിന്​ കീഴടങ്ങി

മനാമ: മൂന്ന്​ പതിറ്റാണ്ടുമുമ്പ്​ ബഹ്​റൈനിലെത്തി ഇതുവരെ തിരിച്ചുപോകാത്ത മറ്റൊരാൾ കൂടി നിര്യാതനായി. പാസ്‌പോർട്​ ഉള്‍പ്പെടെ ഒരു രേഖയും കൈവശമില്ലാതിരുന്ന തമിഴ്‌നാട് സ്വദേശി രാമയ്യ (62) ആണ്​ സല്‍മാനിയ മെഡിക്കല്‍ കോംപ്ലക്‌സില്‍ മരിച്ചത്. സുഹൃത്ത്​ താണ്ഡവം ആഴ്​ചകൾക്ക്​    മ​ു​മ്പ്​ മരിച്ചതോടെ രാമയ്യ മാനസിക നില തകര്‍ന്ന നിലയിലായിരുന്നു. താണ്ഡവവും 30 വർഷം മുമ്പ്​ ബഹ്​റൈനിലെത്തി ഒരിക്കൽ പോലും തിരിച്ചുപോകാ​െത ഇവിടെ മരിച്ചയാളാണ്​.  

1982ല്‍ ഒരു അഴുക്കു ചാല്‍ നിര്‍മാണ കമ്പനിയില്‍ തൊഴിലാളിയായി എത്തിയ രാമയ്യ ഇൗ കമ്പനി പൂട്ടിയതോടെയാണ്​ പ്രതിസന്ധിയിലായത്​. രേഖകൾ കൈവശമില്ലാത്തതിനാൽ നാട്ടിലേക്കു പോകാനായില്ല. സാമൂഹിക പ്രവര്‍ത്തകരുടെ ഇടപെടലിലൂടെ ഇന്ത്യന്‍ എംബസി ഔട്ട് പാസ് നല്‍കാനുള്ള ശ്രമം നടത്തി വരുന്നതിനിടെയാണ് മരണം. മൃതദേഹം നാട്ടിലെത്തിക്കാന്‍ ശ്രമം നടക്കുന്നതായി ഒ.​െഎ.സി.സി നേതാവ്​ ഷാജി പൊഴിയൂര്‍ പറഞ്ഞു.