മഞ്ഞപ്പിത്തം ബാധിച്ച്​ ഗർഭിണി നിര്യാതയായി

മനാമ: മംഗലാപുരം സ്വദേശി അബൂബക്കറി​​​െൻറ ഭാര്യ സമീറ (23) മഞ്ഞപ്പിത്തം ബാധിച്ച്​ സൽമാനിയ മെഡിക്കൽ കോംപ്ലക്​സിൽ നിര്യാതയായി. അഞ്ചുമാസം ഗർഭിണിയായിരുന്നു. അബൂബക്കർ അദ്​ലിയ പാലസ്​ ബുട്ടീഖ്​ ഹോട്ടലിൽ ജോലിക്കാരനാണ്​. കഴിഞ്ഞ മാസം 17നാണ്​ സൽമാനിയ ആശുപത്രിയിൽ പ്രവേശിപ്പിച്ചത്​.അതിനുമുമ്പ്​ സ്വകാര്യ ആശുപത്രിയിൽ ചികിത്സ തേടിയിരുന്നെങ്കിലും അസുഖം കണ്ടെത്താനായിരുന്നില്ല. ഇത്​ രോഗം മൂർഛിക്കുന്നതിന്​ കാരണമായി. മൃതദേഹം ഇന്ന്​ നാട്ടിലേക്ക്​ കൊണ്ടുപോകും. മയ്യിത്ത്​ നമസ്​കാരം ഇന്ന്​ 3.30ന്​ കുവൈത്ത്​ പള്ളിയിൽ നടക്കും.