ഉബൈദ് ചങ്ങലീരി അനുസ്മരണം ഇന്ന്

മനാമ: കെ.എം.സി.സി ബഹ്റൈൻ പാലക്കാട് ജില്ല കമ്മിറ്റി സംഘടിപ്പിക്കുന്ന ഉബൈദ് ചങ്ങലീരി അനുസ്മരണം വെള്ളിയാഴ്ച രാത്രി ഏഴ് മണിക്ക് കെ.എം.സി.സി മനാമ ഓഫീസിൽ വെച്ച് നടക്കും.

പാലക്കാട് ജില്ലയിൽ മുസ്‍ലിം യൂത്ത് ലീഗിന് നേതൃത്വം നൽകിയ മികച്ച സംഘാടകനും മാതൃകാനേതാവും ഉജ്ജ്വല പ്രഭാഷകനും സാമൂഹ്യ പ്രവർത്തകനും കൂടിയായ മുസ്‍ലിം യൂത്ത് ലീഗ് പാലക്കാട് ജില്ല മുൻ പ്രസിഡന്റുമായിരുന്നു ഉബൈദ് ചങ്ങലീരി.

അനുസ്മരണ യോഗം കെ.എം.സി.സി സംസ്ഥാന ജനറൽ സെക്രട്ടറി ഷംസുദ്ദീൻ വെള്ളിക്കുളങ്ങര ഉദ്ഘാടനം ചെയ്യും. സംസ്ഥാന വൈസ് പ്രസിഡൻറ് റഫീഖ് തോട്ടക്കര അനുസ്മരണ പ്രഭാഷണം നിർവഹിക്കും. പുതുതായി തെരഞ്ഞെടുത്ത കെഎംസിസി ബഹ്റൈൻ സംസ്ഥാന വനിത വിങ്ങിന് സ്വീകരണം നൽകുമെന്നും ഭാരവാഹികൾ അറിയിച്ചു.