നോർക തിരിച്ചറിയൽ കാർഡിനായുള്ള കാത്തിരിപ്പ്​ തുടരുന്നു

മനാമ: നോർക റൂട്ട്​സി​​െൻറ തിരിച്ചറിയൽ കാർഡിന്​ അപേക്ഷ നൽകി മാസങ്ങൾ കഴിഞ്ഞിട്ടും കാർഡ്​ ലഭിച്ചിട്ടില്ലെന്ന്​ തൊഴിലാളികൾ. ബഹ്​റൈൻ കേരളീയ സമാജത്തിൽ പ്രവർത്തിക്കുന്ന നോർക ഒാഫിസിൽ ദിനംപ്രതി നിരവധിപേരാണ്​ അപേക്ഷകൾ നൽകുന്നത്​. 
രണ്ട്​ മാസത്തിനുള്ളിൽ കാർഡ്​ ലഭിക്കുമെന്നാണ്​ മുൻ കാലങ്ങളിൽ പറഞ്ഞിരുന്നത്​. എന്നാൽ, ഇപ്പോൾ മൂന്നും നാലും മാസങ്ങളായി കാർഡ്​ ലഭിക്കാത്തവരുണ്ട്​. സമാജത്തിൽ ദിവസവും രാത്രി 7.30 മുതൽ 9.30 വരെയാണ്​ നോർക ഒാഫിസ്​ പ്രവർത്തിക്കുന്നത്​. 

മൂന്നുപേർ എല്ലാ ദിവസവും അപേക്ഷ കാര്യങ്ങൾക്കായി സേവനമനുഷ്​ഠിക്കുന്നുണ്ട്​.പേര്​​ രജിസ്​റ്റർ ചെയ്യുന്നതിനായി സാമൂഹിക സാംസ്​കാരിക സംഘടനകൾ മുന്നോട്ടുവരികയും തൊഴിലാളികളെ കൊണ്ടുവന്ന്​ ചേർക്കുകയും ചെയ്യുന്നുണ്ട്​. എന്നാൽ, കാർഡ്​ ലഭിക്കാത്തതുമൂലം പലരും വിഷമത്തിലാണ്​. ഒരാളുടെ പ്രവാസി സ്വത്വം തെളിയിക്കുന്ന രേഖയാണ്​  നോർകയുടെ കാർഡ്​. നാട്ടിലെ വിലാസവും മറ്റ്​ വിവരങ്ങളും ഉൾപ്പെടുത്തിയ കാർഡ്​ ആധികാരിക തിരിച്ചറിയൽ രേഖയാണ്​.വിദേശത്തുനിന്ന്​ ജോലി നഷ്​ടമായി മടങ്ങുന്നവർക്ക്​ സംസ്​ഥാന സർക്കാർ നടപ്പാക്കുന്ന പുനരധിവാസത്തിനുള്ള അപേക്ഷകൾക്കൊപ്പം ഇൗകാർഡ്​ കാണിച്ചിരിക്കണം എന്ന നിബന്ധനയുണ്ട്​. എന്നാൽ, ബഹ്​റൈനിലെ നോർക ഹെൽപ്​ലൈനി​​െൻറ പ്രവർത്തനങ്ങൾ സജീവമായാണ്​ നടക്കുന്നതെന്നും കാർഡ്​ എത്താൻ വൈകുന്നത്​ നാട്ടിലെ ചില പ്രശ്​നങ്ങൾ മൂലമാണെന്നും ഇവിടുത്തെ കൺവീനർ സിറാജ്​ കൊട്ടാരക്കര പറഞ്ഞു.

അപേക്ഷകളുടെ ആധിക്യമനുസരിച്ച്​ കാര്യങ്ങൾ നീക്കാൻ നാട്ടിലെ ഒാഫിസിൽ സ്​റ്റാഫില്ലാത്ത പ്രശ്​നമുണ്ട്​. ജി.സി.സി.രാജ്യങ്ങളിൽ നിന്ന്​ ഇപ്പോൾ നിരവധി ​അപേക്ഷകളാണ്​ ലഭിക്കുന്നത്​.ബഹ്​റൈനിൽ ലഭിക്കുന്ന അപേക്ഷകൾ ഉത്തരകേരളം, മധ്യകേരളം, ദക്ഷിണ കേരളം എന്നിങ്ങനെ സോൺ തിരിച്ചാണ്​ അയക്കുന്നത്​. എന്നിട്ടും കാർഡുകൾ കിട്ടാൻ ആറുമാസം വരെ വൈകുന്ന സാഹചര്യമുണ്ട്​. നേരത്തെ രണ്ടുമാസം കൊണ്ട്​ കാർഡ്​ വന്നിരുന്നു. കാർഡ്​ വന്നിട്ടും നിരവധി പേർ അത്​ കൈപ്പറ്റാൻ എത്താത്ത അവസ്​ഥയുമുണ്ടെന്ന്​ സിറാജ്​ പറഞ്ഞു. അങ്ങ​െന നിരവധി കാർഡുകൾ സമാജത്തിൽ കെട്ടിക്കിടക്കുന്നുണ്ട്​.‘നോർക’യുടെ തിരിച്ചറിയൽ കാർഡ്​ എടുക്കുന്നതോടെ, പ്രവാസി പെൻഷൻ ലഭിക്കുമെന്ന്​ കരുതുന്നവരുണ്ടെന്നും അത്​ ശരിയായ ധാരണയല്ലെന്നും സിറാജ്​ കൂട്ടിച്ചേർത്തു.