നിപ വൈറസ്​: ഇന്ത്യൻ വിമാനങ്ങൾക്ക്​ ​ബഹ്​റൈൻ വിമാനത്താവളത്തിൽ പ്രത്യേക പാർക്കിങ്​ 

മനാമ: നിപ വൈറസ്​ ബാധയെ തുടർന്ന്​ കേരളത്തിൽ നിരവധി മരണങ്ങൾ റിപ്പോർട്ട്​ ചെയ്​ത സാഹചര്യത്തിൽ ഇന്ത്യയിൽ നിന്ന്​ വരുന്ന വിമാനങ്ങൾക്ക്​ ബഹ്​റൈൻ ഇൻറർനാഷണൽ എയർപോർട്ടിൽ റിമോട്ട്​ ഏരിയയിൽ  പ്രത്യേക പാർക്കിങ്​ സ്ഥലം ഏർപ്പെടുത്തി. ഇവിടെ നിന്ന്​ ബസുകളിൽ യാത്രികരെ വിമാനത്താവളത്തിൽ എത്തിക്കും. യാത്രക്കാരെ നിരീക്ഷിക്കാൻ ഗേറ്റ്​ നമ്പർ 14,15 എന്നിവിടങ്ങളിൽ നിരീക്ഷണ കാമറകളും വെച്ചിട്ടുണ്ട്​.  കേരളത്തിൽ നിന്നുള്ള യാത്രികരിൽ പനിയോ മറ്റ്​ ശാരീരിക അസ്വസ്ഥകളോ പ്രകടിപ്പിക്കുന്നവർക്ക്​ വിശദമായ പരിശോധന നടത്താനുള്ള സജ്ജീകരണം വിമാനത്താവളത്തിൽ ഏർപ്പെടുത്തിയിട്ടുണ്ട്​.

ആരോഗ്യ മന്ത്രാലയത്തി​​​​െൻറ പ്രത്യേക പരിശീലനം ലഭിച്ച നഴ്​സുമാർ ഇതിന്​ ​ നേതൃത്വം നൽകും. നിപ വൈറസ്​ കേരളത്തിൽ റിപ്പോർട്ട്​ ചെയ്​ത സാഹചര്യത്തിനെ ഗൗരവമായാണ്​ ബഹ്​റൈൻ ഉൾപ്പെടെയുള്ള ജി.സി.സി രാജ്യങ്ങൾ ​കാണുന്നത്​. ദിനംപ്രതി ആയിരക്കണക്കിന്​ ​യാത്രികർ എത്തുന്നതിനാൽ കർശനമായ നീരീക്ഷണം ഏതാനും ദിവസം മുമ്പാണ്​ വിമാനത്താവളത്തിൽ ആരംഭിച്ചത്​. നിപ വൈറസ്​ ബാധയെ തുടർന്ന്​ കേരളത്തിൽ നിന്നുള്ള പച്ചക്കറികൾക്ക്​ മേയ്​ 23മുതൽ ബഹ്​റൈനിൽ വിലക്ക്​ ഏർപ്പെടുത്തുകയും ചെയ്​തു.  ഇതുസംബന്​ധിച്ച്​ ബഹ്​റൈൻ കൃഷി, മ​റൈൻ  മന്ത്രാലയത്തിൽ നിന്നുള്ള പ്ലാൻറ് വെൽത്​ ഡയറ്​ടേറ്റിലെ ആക്​ടിങ്​ ചീഫ്​ ഒാഫ്​ പ്രൊട്ടക്ഷൻ  അലി ഷബാൻ ബലാഹ്​ ഇന്ത്യൻ കാർഷിക മന്ത്രി രാജക്ക്​ കത്തയച്ചത്​. ബഹ്​റൈനികൾ ഇന്ത്യയിലേക്ക്​ പ്രത്യേകിച്ച്​ കേരളത്തിലേക്ക്​ പോകുന്നത്​ ഒഴിവാക്കണമെന്ന്​ ആവശ്യപ്പെട്ട്​ അടുത്തിടെ ബഹ്​റൈനിലെ മുംബൈ കോൺസുലേറ്റ്​ അടുത്തിടെ ട്വിറ്ററിൽ കൂടി അറിയിച്ചിരുന്നു.  

തിങ്കളാഴ്​ച നടന്ന ബഹ്​റൈൻ മന്ത്രിസഭയോഗത്തിൽ നിപ വൈറസ് ബാധയുടെ പശ്ചാത്തലത്തില്‍ കേരളത്തില്‍ നിന്നുള്ള പഴം, പച്ചക്കറി ഇറക്കുമതി നിരോധം ഏര്‍പ്പെടുത്തിയ കാര്യം പ്രത്യേകം പരാമർശിക്കപ്പെടുകയും ചെയ്​തു. ഇതുമായി ബന്ധപ്പെട്ട് സ്വീകരിച്ച നടപടികളെക്കുറിച്ച് ആരോഗ്യ മന്ത്രി വിശദീകരിച്ചു. നിപ വൈറസ് പ്രതിരോധിക്കുന്നതിന് സ്വീകരിച്ച നടപടികളും വിശദീകരിച്ചു.