മ​നാ​മ സെ​ൻ​ട്ര​ൽ മാ​ർ​ക്ക​റ്റി​ൽ ട്ര​ക്കു​ക​ളു​ടെ തി​ര​ക്ക് കു​റ​ക്കാ​ൻ പു​തി​യ മാ​ർ​ഗ​നി​ർ​ദേ​ശം

മ​നാ​മ: മ​നാ​മ സെ​ൻ​ട്ര​ൽ മാ​ർ​ക്ക​റ്റി​ൽ പ​ഴം, പ​ച്ച​ക്ക​റി ട്ര​ക്കു​ക​ളു​ടെ തി​ര​ക്ക് കു​റ​ക്കാ​നു​ള്ള നി​ർ​ദേ​ശ​ത്തി​ന് പി​ന്തു​ണ. മു​നി​സി​പ്പാ​ലി​റ്റി കാ​ര്യ, കൃ​ഷി മ​ന്ത്രി വ​ഈ​ൽ അ​ൽ മു​ബാ​റ​ക് ഇ​ന്ന​ലെ ബി​ലാ​ദ് അ​ൽ ഖ​ദീ​മി​ലെ ബോ​ർ​ഡി​ന്റെ ആ​സ്ഥാ​നം സ​ന്ദ​ർ​ശി​ച്ച വേ​ള​യി​ൽ കാ​പ്പി​റ്റ​ൽ ട്ര​സ്റ്റീ​സ് ബോ​ർ​ഡ് ചെ​യ​ർ​മാ​ൻ സാ​ലി​ഹ് ത​റാ​ദ​യാ​ണ് ഈ ​നി​ർ​ദേ​ശം മു​ന്നോ​ട്ടു​വെ​ച്ച​ത്. നി​ല​വി​ൽ അ‍യ​ൽ രാ​ജ്യ​ങ്ങ​ളി​ൽ നി​ന്ന​ട​ക്കം ദി​വ​സ​വും 80 മു​ത​ൽ 100 വ​രെ ട്ര​ക്കു​ക​ളാ​ണ് മാ​ർ​ക്ക​റ്റി​ൽ ലോ​ഡു​മാ​യെ​ത്തു​ന്ന​ത്.

ഈ ​ട്ര​ക്കു​ക​ൾ ര​ണ്ടാ​ഴ്ച​യോ​ളം മാ​ർ​ക്ക​റ്റി​ൽ​ത​ന്നെ പാ​ർ​ക്ക് ചെ​യ്യു​ന്ന​ത് ബു​ദ്ധി​മു​ട്ടു​ണ്ടാ​ക്കു​ന്നു​ണ്ട്. സാ​ധാ​ര​ണ​യാ​യി പ​ഴ​ങ്ങ​ളും പ​ച്ച​ക്ക​റി​ക​ളും കേ​ടു​വ​രാ​തി​രി​ക്കാ​നാ​യി ട്ര​ക്കി​ലെ റ​ഫ്രി​ജ​റേ​റ്റ​റി​ൽ​ത​ന്നെ സൂ​ക്ഷി​ക്കു​ക​യാ​ണ് പ​തി​വ്. ഇ​തി​നാ​യി മു​ഴു​വ​ൻ സ​മ​യ​വും ട്ര​ക്കു​ക​ൾ പ്ര​വ​ർ​ത്തി​പ്പി​ക്കു​ന്ന​ത് പ​രി​സ്ഥി​തി പ്ര​ശ്ന​മു​ണ്ടാ​ക്കും. ഇ​തി​നു പ​രി​ഹാ​ര​മാ​യി ട്ര​ക്കു​ക​ൾ​ക്ക് ബാ​ൻ​സ് ഗ്രൂ​പ്പി​ന്‍റെ മി​ന സ​ൽ​മാ​നി​ലെ അ​ത്യാ​ധു​നി​ക സൗ​ക​ര്യ​ങ്ങ​ളി​ൽ ലോ​ഡു​ക​ൾ സൂ​ക്ഷി​ക്കാ​നാ​യി സം​ഭ​ര​ണ സ്ഥ​ലം പാ​ട്ട​ത്തി​ന് ന​ൽ​കാ​നാ​ണ് ത​റാ​ദ നി​ർ​ദേ​ശി​ക്കു​ന്ന​ത്.

ബ​ഹ്റൈ​നി​ലെ വെ​യ​ർ​ഹൗ​സി​ങ്, ലോ​ജി​സ്റ്റി​ക് സൊ​ല്യൂ​ഷ​നു​ക​ളു​ടെ ഒ​രു മു​ൻ​നി​ര ദാ​താ​വാ​ണ് ബാ​ൻ​സ് ഗ്രൂ​പ്. 25,000 ച​തു​ര​ശ്ര മീ​റ്റ​ർ വി​സ്തീ​ർ​ണ​മു​ള്ള ഫ്രീ​സ​ർ, ശീ​തീ​ക​രി​ച്ച, എ​യ​ർ ക​ണ്ടീ​ഷ​ൻ ചെ​യ്ത വെ​യ​ർ​ഹൗ​സി​ങ് സൗ​ക​ര്യ​ങ്ങ​ൾ ബാ​ൻ​സ് ഗ്രൂ​പ്പി​ലു​ണ്ട്. ഇ​ത് -18 ഡി​ഗ്രി സെ​ൽ​ഷ്യ​സ് മു​ത​ൽ +25 ഡി​ഗ്രി സെ​ൽ​ഷ്യ​സ് വ​രെ താ​പ​നി​ല നി​യ​ന്ത്രി​ക്കും. ക​സ്റ്റം​സ്-​ബോ​ണ്ട​ഡ് വെ​യ​ർ​ഹൗ​സി​ങ്, താ​പ​നി​ല നി​യ​ന്ത്രി​ത സം​ഭ​ര​ണം, നൂ​ത​ന ഇ​ൻ​വെ​ന്റ​റി മാ​നേ​ജ്മെ​ന്റ് സം​വി​ധാ​ന​ങ്ങ​ൾ എ​ന്നി​വ ന​ൽ​കു​ന്ന​തി​നാ​ൽ ഉ​ൽ​പ​ന്ന​ങ്ങ​ൾ കേ​ടു​വ​രാ​തെ സൂ​ക്ഷി​ക്കാം.

നി​ർ​ദേ​ശം പ്രാ​ബ​ല്യ​ത്തി​ലാ​യാ​ൽ മാ​ർ​ക്ക​റ്റി​ലെ തി​ര​ക്കും പ​രി​സ്ഥി​തി മ​ലി​നീ​ക​ര​ണ​വും കു​റ​യ്ക്കാ​നാ​വും. ഒ​രു ട്ര​ക്കി​ന് സെ​ൻ​ട്ര​ൽ മാ​ർ​ക്ക​റ്റി​ൽ നി​ല​വി​ലു​ള്ള പാ​ർ​ക്കി​ങ് ഫീ​സ് പ്ര​തി​ദി​നം 20 ദീ​നാ​ർ ആ​ണ്. മ​ന്ത്രി​യോ​ടൊ​പ്പം മു​നി​സി​പ്പാ​ലി​റ്റി അ​ഫ​യേ​ഴ്‌​സ് അ​ണ്ട​ർ സെ​ക്ര​ട്ട​റി ശൈ​ഖ് മു​ഹ​മ്മ​ദ് ബി​ൻ അ​ഹ​മ്മ​ദ് അ​ൽ ഖ​ലീ​ഫ, ക്യാ​പി​റ്റ​ൽ ട്ര​സ്റ്റീ​സ് ബോ​ർ​ഡ് ഡ​യ​റ​ക്ട​ർ ജ​ന​റ​ൽ മു​ഹ​മ്മ​ദ് അ​ൽ സെ​ഹ്‌​ല എ​ന്നി​വ​രും മ​റ്റ് മു​തി​ർ​ന്ന ഉ​ദ്യോ​ഗ​സ്ഥ​രു​മു​ണ്ടാ​യി​രു​ന്നു.