നീറ്റ് യു.ജി' പരീക്ഷ ഇന്ന്

മനാമ: ദേശീയ മെഡിക്കൽ പ്രവേശന പരീക്ഷയായ 'നീറ്റ് യു.ജി' ആദ്യമായി ബഹ്റൈനിൽ നടക്കുന്നതിന്റെ ആവേശത്തിൽ വിദ്യാർഥികൾ.

ഞായറാഴ്ച രാവിലെ 11.30 മുതൽ 2.50 വരെ ഇന്ത്യൻ സ്കൂൾ ഈസ ടൗൺ കാമ്പസിൽ നടക്കുന്ന പരീക്ഷക്ക് 170ഓളം വിദ്യാർഥികളാണ് രജിസ്റ്റർ ചെയ്തിട്ടുള്ളത്. പരീക്ഷയുമായി ബന്ധപ്പെട്ട് വിദ്യാർഥികൾക്കുള്ള മാർഗനിർദേശങ്ങളും അധികൃതർ പുറപ്പെടുവിച്ചിട്ടുണ്ട്. ദീർഘകാലത്തെ ആവശ്യത്തിനൊടുവിലാണ് ഈ വർഷം മുതൽ ബഹ്റൈനിലും പരീക്ഷകേന്ദ്രം അനുവദിച്ചത്.