നവരാത്രി ആഘോഷങ്ങൾക്ക്​ കൊടിയേറി

മനാമ: വിവിധ മലയാളി സംഘടനകളുടെ നേതൃത്വത്തിൽ ബഹ്​റൈനിൽ നവരാത്രി ആഘോഷങ്ങൾക്ക്​ നിറപ്പകിട്ടാർന്ന തുടക്കമായി. ബഹ്​റൈൻ കേരളീയ സമാജത്തി​​​െൻറ 10 ദിവസം നീണ്ട നവരാത്രി^ഒാണം ആഘോഷ ഉദ്​ഘാടന ചടങ്ങിൽ ശബരീനാഥ്​ എം.എൽ.എ അതിഥിയായിരുന്നു. ആഘോഷത്തി​​​െൻറ ഭാഗമായി ഇന്നലെ രംഗോളി മത്സരവും സമാജം കലാകാരന്മാര്‍ അവതരിപ്പിക്കുന്ന നൃത്തനൃത്യങ്ങളും നടന്നു. തുടര്‍ന്ന് അനൂപ്‌ പാല അഭിലാഷ് തുടങ്ങിയവര്‍ അവതരിപ്പിക്കുന്ന കോമഡി ഷോയും ഗായകന്‍ രാകേഷ് ബ്രഹ്മാനന്ദന്‍, സംഗീത പ്രഭു തുടങ്ങിയവര്‍ നയിച്ച സംഗീത വിരുന്നും നടന്നു. ഇന്ന്​ രാത്രി എട്ടിന്​ അനൂപ്‌ പാല അഭിലാഷ് തുടങ്ങിയവര്‍ അവതരിപ്പിക്കുന്ന കോമഡി ഷോയും കല്ലറ ഗോപന്‍ ലക്ഷ്​മി ജയന്‍ തുടങ്ങിയവര്‍ അവതരിപ്പിക്കുന്ന ഗാനമേളയും ഉണ്ടായിരിക്കും. പ്രമുഖ ബഹ്‌റൈന്‍ വ്യവസായി ജഷന്‍ ബുക്കാമലിനെ അവാര്‍ഡ് നല്‍കി സമാജം ആദരിക്കും. സമാജത്തി​​​െൻറ നവരാത്രി പരിപാടികൾ 19 ന്​ വിദ്യാരംഭത്തോടെ സമാപിക്കും. കേരള സോഷ്യൽ ആൻറ്​ കൾച്ചറൽ അസോസിയേഷൻ നവരാത്രി മഹോത്സവം ‘ശാക്തേയം 2018’കഴിഞ്ഞ ദിവസം ഡോ.കെ.എസ്​ മേനോൻ ഉദ്​ഘാടനം ചെയ്​തു.
10 ദിവസങ്ങളിൽ വിവിധ പരിപാടികൾ നടക്കും

ഇന്ന്​ കെ.സി.എയിൽ നടക്കും. വൈകുന്നേരം ആറ്​ മുതൽ കുച്ചിപ്പുടി, തിരുവാതിര, സംഘനൃത്തം എന്നിവ നടക്കും. ഏഴിന്​ പി.ടി.നരേന്ദ്രമേനോന്‍, സുകുമാരി നരേന്ദ്രമേനോന്‍ എന്നിവരെ ആദരിക്കും. 7.30 ന്​ സുകുമാരി നരേന്ദ്രമേനോ​​​െൻറ സംഗീത സദസ്​. തുടർന്ന്​ എല്ലാദിവസവും വൈവിധ്യമായ കലാപരിപാടികൾ അരങ്ങേറും. 18 ന്​ കളമെഴുത്തും പാട്ടും, ഒക്ടോബർ 19 ന്​ വിദ്യാരംഭവും നടക്കും. ഗുരുദേവ സോഷ്യൽ സൊസൈറ്റി കാനൂഗാർഡൻ ബഹ്റൈൻ മികച്ച 2018 ലെ നവരാത്രി മഹോത്സവത്തിനു തുടക്കമായി.

ആഘോഷങ്ങളുടെ ഉദ്​ഘാടനം ഗുരുദേവ സോഷ്യൽ സൊസൈറ്റി അങ്കണത്തിൽ ഖത്തർ എഞ്ചിനീയറിംഗ് ലബോറട്ടറീസ് ചെയർമാൻ കെ.ജി. ബാബുരാജ് നിർവഹിച്ചു. ദിവസവും രാത്രി 7.30 മുതൽ വിശേഷാൽ പൂജയും പ്രാർത്ഥനയും ഉണ്ടായിരിക്കും. വിജയദശമി നാളിൽ രാവിലെ അഞ്ച​ു മുതൽ ശബരിമല ക്ഷേത്ര അവകാശിയും, പന്തളം രാജകൊട്ടാരം രാജപ്രതിനിധിയും ആയ ശശികുമാർ വർമ്മ കുരുന്നുകൾക്ക് ആദ്യാക്ഷരം പകർന്നു നൽകും.