പുതിയ യു.എസ്​ നേവൽ കമാൻഡർ ഹമദ്​ രാജാവുമായി കൂടിക്കാഴ്​ച നടത്തി

മനാമ: യു.എസ്​ നേവൽ ഫോഴ്​സ്​ സെൻട്രൽ കമാൻഡി​െൻറ പുതിയ കമാൻഡർ വൈസ്​ അഡ്​മിറൽ സാമുവൽ പപാറോ രാജാവ്​ ഹമദ്​ ബിൻ ഇൗസ ആൽ ഖലീഫയുമായി കൂടിക്കാഴ്​ച നടത്തി. അൽ സഫ്രിയ പാലസിലായിരുന്നു കൂടിക്കാഴ്​ച.

വൈസ്​ അഡ്​മിറലിനെ സ്വാഗതം ചെയ്​ത രാജാവ്​ പുതിയ ചുമതലകളിൽ എല്ലാ ആശംസകളും നേരുകയും ചെയ്​തു. മേഖലയിലെ സമാധാനത്തിനും സുരക്ഷക്കും നടത്തുന്ന പ്രവർത്തനങ്ങൾ വിജയകരമാക​െട്ടയെന്നും രാജാവ്​ പറഞ്ഞു.

അമേരിക്കയും ബഹ്​റൈനും തമ്മിലുള്ള തന്ത്രപ്രധാനമായ ബന്ധം രാജാവ്​ എടുത്തുപറഞ്ഞു. ഇരുരാജ്യങ്ങളും തമ്മിലുള്ള ദശാബ്​ദങ്ങൾ നീണ്ട സഹകരണം പരസ്​പര വിശ്വാസത്തിലും ബഹുമാനത്തിലും അധിഷ്​ഠിതമാണെന്നും അദ്ദേഹംപറഞ്ഞു.