ദേശീയ ആംബുലൻസ് പദ്ധതി നിലവിൽവന്നു

മനാമ: ദേശീയ ആംബുലൻസ് പദ്ധതിയുടെ ഔദ്യോഗിക ഉദ്ഘാടനം ആഭ്യന്തരമന്ത്രി ശൈഖ്​ റഷീദ് ബിൻ അബ്ദുല്ല അൽ ഖലീഫ പ്രഖ്യാപ ിച്ചു. ആവശ്യമായ തയ്യാറെടുപ്പുകൾ ഗുണനിലവാരമുള്ള അനുബന്​ധ സേവനങ്ങൾ എന്നിവ ഉൾപ്പെടെ വിലയിരുത്തിയാണ്​ പദ്ധതി നട പ്പാകുക. ദേശീയ ആംബുലൻസ്​ സ​െൻറർ രൂപവത്​കരിച്ച്​ പ്രവർത്തനങ്ങൾ നടത്തണമെന്ന രാജാവ്​ ഹമദ്​ ബിൻ ഇൗസ ആൽ ഖലീഫയുടെ ഉത്തരവിനെ തുടർന്നാണ്​ പദ്ധതി. ആഭ്യന്തര മന്ത്രാലയവും ബന്ധപ്പെട്ട അധികാരികളും തമ്മിലുള്ള ഏകോപനത്തിലൂടെ ആംബുലൻസ്​ സേവനങ്ങൾ കാര്യക്ഷമമാക്കും.
കിരീടാവകാശിയും ഒന്നാം ഉപപ്രധാനമന്ത്രിയുമായ പ്രിൻസ്​ സൽമാൻ ബിൻ ഹമദ്​ ആൽ ഖലീഫയുടെ നിർ​േദശത്തി​​െൻറയും ഭാഗമായാണ്​ പദ്ധതി യാഥാർഥ്യമാകുന്നത്​. പദ്ധതിയുടെ ആദ്യഘട്ടമെന്ന നിലയിൽ മുഹറഖ്, സതേൺ ഗവർണ്ണറേറ്റുകളിൽ ആരംഭിച്ചു. തുടർന്ന്​​ കാപ്പിറ്റൽ, നോർത്തേൺ ഗവർണ്ണറേറ്റുകളിലും നടപ്പാകും. ഇൗ വർഷം അവസാനിക്കുംമുമ്പ്​ എല്ലാ ജില്ലകളിലെയും 13 സ​െൻററുകളിൽ ആംബുലൻസുകളും നിലവാരമുള്ള മരുന്നും എത്തിക്കും.

അത്യാഹിത സന്ദർഭങ്ങൾ കൈകാര്യം ചെയ്യുന്നതിൽ മികച്ച വൈദഗ്​ധ്യവും അച്ചടക്കവുമുള്ള ടീം അണിനിരക്കുന്ന ആംബുലൻസ്​ സർവീസ്​ നിയന്ത്രിക്കുക ആഭ്യന്തരമന്ത്രാലയമായിരിക്കും. നാഷണൽ ആംബുലൻസ്​ സ​െൻറർ ഡയറക്​ടേറ്റും ആംബുലൻസ്​ സ​െൻററുകളും സൽമാനിയ മെഡിക്കൽ കോംപ്ലക്​സ്​, ബി.ഡി.എഫ്​ ആശുപത്രി, കിങ്​ ഹമദ്​ യൂനിവേഴ്​സിറ്റി ആശുപത്രി എന്നിവിടങ്ങളിലെ അത്യാഹിത വിഭാഗങ്ങളുമായി സഹകരിച്ചായിരിക്കും പദ്ധതി മുന്നോട്ട്​ പോകുക.