നടുവണ്ണൂർ ഗ്ലോബൽ ഫോറം കുടുംബസംഗമം

മനാമ: നടുവണ്ണൂർ ഗ്ലോബൽ ഫോറത്തിന്റെ വാർഷിക പൊതുയോഗവും കുടുംബസംഗമവും സൽമാനിയ ഇന്ത്യൻ ഡിലൈറ്റ് റസ്റ്റാറൻറിൽ നടന്നു. പ്രസിഡൻറ് കെ.കെ. ജാലിസ് അധ്യക്ഷത വഹിച്ചു. ഫോറത്തിന്റെ ഗ്ലോബൽ കോഓഡിനേറ്റർ ഷിറാഫ് മൂലാട് ഉദ്ഘാടനം നിർവഹിച്ചു. മീഡിയവൺ ബ്യൂറോ ചീഫ് സിറാജ് പള്ളിക്കര മുഖ്യാതിഥിയായെത്തി. കെ.സി. ഷമീം, ഫിറോസ് ആപറ്റ, ടി.പി. അസീസ് എന്നിവർ സംസാരിച്ചു. ഷിറാഫ് മൂലാടിന് കെ. ഖാലിദും സിറാജ് പള്ളിക്കരക്ക് വിപിൻലാലും മെമന്റോ നൽകി. മജീദ് മൂലാട് മാജിക് ഷോയും രാജേഷ് പെരുംകുഴി മിമിക്രിയും ഫാത്തിമ മിന്നത്ത് ഡാൻസും ലിയാന പാട്ടും അവതരിപ്പിച്ചു. എ.സി.എ. ബക്കർ സ്വാഗതവും അസ്ലം നന്ദിയും പറഞ്ഞു. റിയാസ്, ഷാജു എന്നിവർ പരിപാടികൾക്ക് നേതൃത്വം നൽകി.