കൊലപാതകം: അറബ്​ പൗരൻ അറസ്​റ്റിലായതായി മന്ത്രാലയം

മനാമ:  ഹൂറയിൽ കഴിഞ്ഞ ദിവസം നടന്ന കൊലപാതകത്തിൽ 42 കാരനായ അറബ്​ പൗരൻ അറസ്​റ്റിലായതായി ക്രിമിനൽ ഇൻവെസ്​റ്റിഗേഷൻ ആൻറ്​ ഫോറൻസിക്​ സയൻസ്​ ഡയറക്​ടർ ജനറൽ അറിയിച്ചു. യുവാവി​െന കെട്ടിയിട്ടശേഷം ചുറ്റിക കൊണ്ട്​ തലക്കടിച്ച്​ കൊലപ്പെടുത്തുകയായിരുന്നുവെന്നും ​ആഭ്യന്തര മന്ത്രാലയത്തി​​െൻറ പ്രസ്​താവനയിൽ അറിയിച്ചു. കേസ്​ തുടർനടപടികൾക്കായി പബ്ലിക്​ പ്രോസിക്യൂഷന്​ കൈമാറുമെന്നും ഹ്രസ്യമായ പ്രസ്​താവനയിൽ പറഞ്ഞു. എന്നാൽ ഇതേക്കുറിച്ച്​ കൂടുതൽ വിവരങ്ങൾ  അറിയിച്ചിട്ടില്ല. 

കൊല ചെയ്യപ്പെട്ട സാഹചര്യത്തെ കുറിച്ച്​ അന്വേഷിക്കുന്നു
മനാമ: ബഹ്​റൈനിൽ  താമസസ്ഥലത്ത്​ കൊല ​ചെയ്യപ്പെടാനുള്ള കാരണത്തെകുറിച്ച്​ പോലീസ്​ വിശദമായ അന്വേഷണത്തിൽ. കോഴിക്കോട്​ താമരശേരി പരപ്പൻപ്പൊയിൽ ജിനാൻ തൊടുക ജെ.ടി. അബ്​ദുല്ലക്കുട്ടിയുടെ മകന്‍ അബ്​ദുൽ നഹാസി29)നെയാ​ണ്​ കഴിഞ്ഞ ദിവസം താമസസ്ഥലത്ത്​ കൊല ചെയ്യപ്പെട്ട നിലയിൽ കണ്ടെത്തിയത്​. അതേസമയം മൃതദേഹം മറ്റ്​ നടപടി ക്രമങ്ങൾ പൂർത്തിയായാൽ നാട്ടിലേക്ക്​ കൊണ്ടുപോകാനാണ്​ ആഗ്രഹിക്കുന്നതെന്ന്​ മരണ വിവരം അറിഞ്ഞ്​ സൗദിയിൽ നിന്നെത്തിയ ബന്​ധു ഷഹിൻ ‘ഗൾഫ്​ മാധ്യമ’ത്തോട്​ പറഞ്ഞു.

തൊട്ടടുത്ത ദിവസങ്ങൾ അവധി ദിവസമായതിനാൽ ഞായറാഴ്​ചയോടെ ഇതുസംബന്​ധിച്ച്​ കൂടുതൽ വ്യക്തത വരുമെന്ന്​ പ്രതീക്ഷിക്കുന്നതായും അദ്ദേഹം പറഞ്ഞു. ഷഹിൻ അടുത്തിടെ നാട്ടിലേക്ക്​ വരുമെന്ന്​ വീട്ടുകാരെ വിളിച്ച്​ അറിയിച്ചിരുന്നതായും തിങ്കളാഴ്​ച തന്നെ ഫോണിൽ വിളിച്ച്​ സംസാരിച്ചിരുന്നതായും ഷഹിൻ പറഞ്ഞു. പലിശക്ക്​ പണം വാങ്ങാൻ പണയം വെച്ചിരുന്ന  അബ്​ദുൽ നഹാസി​​െൻറ പാസ്​പോർട്ട്​ ഇന്നലെ തിരികെ ലഭിച്ചതായാണ്​ വിവരം.

കഴിഞ്ഞ നാല്​ വർഷമായി ബഹ്​റൈനിൽ എത്തിയ ഇയാൾ നാട്ടിലേക്ക്​ പോയിരുന്നില്ല. ഹൂറ എക്​സിബിഷൻ റോഡിൽ അൽ അസൂമി മജ്​ലിസിന്​ സമീപമായിരുന്നു താമസം. വിസയുടെ കാലാവധി കഴിഞ്ഞിരുന്നു. അടുത്ത കാലത്തായി അപാർട്ട്​മ​െൻറ്​ കേന്ദ്രീകരിച്ചുള്ള ജോലികൾ ചെയ്​തുവരികയായിരുന്നുവത്രെ.  ഫോണിൽ ബന്​ധപ്പെട്ടിട്ടും കിട്ടാത്തതിനെ തുടർന്ന്​ സുഹൃത്തുക്കൾ അന്വേഷിച്ച്​ ചെന്നപ്പോഴാണ്​ മരിച്ച നിലയിൽ കണ്ടെത്തിയത്​. കൈകൾ കെട്ടി മർദ്ദനമേറ്റ നിലയിലായിരുന്നു മൃതദേഹം. നിലത്ത്​ മുളക്​പൊടി വിതറിയിരുന്നതായും എണ്ണ ഒഴിച്ചിരുന്നതായും പറയപ്പെടുന്നു.