മ​നാ​മ​യി​ൽ അ​ന​ധി​കൃ​ത ക​ച്ച​വ​ട​ങ്ങ​ൾ​ക്കെ​തി​രെ ന​ട​പ​ടി​യു​മാ​യി മു​നി​സി​പ്പാ​ലി​റ്റി

മ​നാ​മ: പൊ​തു​ജ​ന സു​ര​ക്ഷ വ​ർ​ധി​പ്പി​ക്കു​ന്ന​തി​ന്‍റെ ഭാ​ഗ​മാ​യി ക​ഴി​ഞ്ഞ വ​ർ​ഷം ജ​നു​വ​രി മു​ത​ൽ ഡി​സം​ബ​ർ വ​രെ 2203 അ​ന​ധി​കൃ​ത തെ​രു​വ് സ്റ്റാ​ളു​ക​ളും വ​ണ്ടി​ക​ളും 268 അ​ന​ധി​കൃ​ത ക​യ​റ്റു​മ​തി​ക​ളും ക​ണ്ടു​കെ​ട്ടി ത​ല​സ്ഥാ​ന മു​നി​സി​പ്പാ​ലി​റ്റി.

അ​ന​ധി​കൃ​ത ക​ച്ച​വ​ട​ങ്ങ​ൾ​ക്കെ​തി​രെ​യു​ള്ള മു​നി​സി​പ്പാ​ലി​റ്റി​യു​ടെ ശ​ക്ത​മാ​യ ന​ട​പ​ടി​യു​ടെ ഭാ​ഗ​മാ​യാ​ണി​ത്. 2019ലെ ​പൊ​തു റോ​ഡ് ഒ​ക്യു​പ​ൻ​സി നി​യ​മ​പ്ര​കാ​രം ആ​ഭ്യ​ന്ത​ര മ​ന്ത്രാ​ല​യ​വു​മാ​യി ഏ​കോ​പി​പ്പി​ച്ചാ​ണ് പ​രി​ശോ​ധ​ന ന​ട​ത്തു​ന്ന​ത്.

ക​ച്ച​വ​ട​ക്കാ​ർ ഔ​ദ്യോ​ഗി​ക, നി​യ​മ​പ​ര​മാ​യ, ലൈ​സ​ൻ​സു​ള്ള മാ​ർ​ഗ​ങ്ങ​ളി​ലൂ​ടെ മാ​ത്രം വാ​ണി​ജ്യ പ്ര​വ​ർ​ത്ത​ന​ങ്ങ​ൾ ന​ട​ത്ത​ണ​മെ​ന്നും നി​യ​ന്ത്ര​ണ​ങ്ങ​ൾ പാ​ലി​ക്കേ​ണ്ട​തി​ന്റെ പ്രാ​ധാ​ന്യ​വും മു​നി​സി​പ്പാ​ലി​റ്റി ഊ​ന്നി​പ്പ​റ​ഞ്ഞു.

അ​ന​ധി​കൃ​ത ക​ച്ച​വ​ട​ങ്ങ​ൾ മൂ​ല​മു​ണ്ടാ​കു​ന്ന പ​രി​സ്ഥി​തി പ്ര​ശ്‌​ന​ങ്ങ​ൾ, ആ​രോ​ഗ്യ മാ​ന​ദ​ണ്ഡ​ങ്ങ​ൾ പാ​ലി​ക്കാ​തെ​യു​ള്ള ഭ​ക്ഷ​ണ വി​ത​ര​ണം, ഗ​താ​ഗ​ത​ക്കു​രു​ക്ക്, കാ​ൽ​ന​ട​ക്കാ​ർ​ക്ക് ബു​ദ്ധി​മു​ട്ടു​ണ്ടാ​ക്ക​ൽ തു​ട​ങ്ങി​യ പ്ര​ശ്‌​ന​ങ്ങ​ളെ​ത്തു​ട​ർ​ന്നാ​ണ് മു​നി​സി​പ്പാ​ലി​റ്റി പ​രി​ശോ​ധ​ന ശ​ക്ത​മാ​ക്കി​യ​ത്.

മു​നി​സി​പ്പാ​ലി​റ്റി​യു​ടെ അ​ധി​കാ​ര​പ​രി​ധി​യി​ലു​ള്ള ശൈ​ഖ് ഹ​മ​ദ് റോ​ഡ്, സ​സാ സ്ട്രീ​റ്റ്, ശൈ​ഖ് അ​ബ്ദു​ല്ല റോ​ഡ്, ഇ​മാം ഹു​സൈ​ൻ അ​വ​ന്യൂ, സു​ബാ​ര അ​വ​ന്യൂ, ബാ​ബ് അ​ൽ ബ​ഹ്റൈ​ൻ എ​ന്നി​വ​യു​ൾ​പ്പെ​ടെ നി​ര​വ​ധി പ്ര​ദേ​ശ​ങ്ങ​ളെ ല​ക്ഷ്യ​മി​ട്ടാ​യി​രു​ന്നു കാ​മ്പ​യി​ൻ. മ​നാ​മ​യി​ലു​ട​നീ​ളം തു​ട​ർ​ന്ന പ​രി​ശോ​ധ​ന​യി​ൽ ഈ ​വ​ർ​ഷം ജ​നു​വ​രി​യി​ൽ ഏ​ക​ദേ​ശം 152 സ്റ്റാ​ളു​ക​ളും 47 വ​ണ്ടി​ക​ളും ക​ണ്ടു​കെ​ട്ടി​യി​ട്ടു​ണ്ട്.

സു​ര​ക്ഷ, ശു​ചി​ത്വ ച​ട്ട​ങ്ങ​ൾ ലം​ഘി​ച്ച് തു​റ​സ്സാ​യ സ്ഥ​ല​ത്ത് വി​ൽ​പ​ന ന​ട​ത്തി​യ പ​ഴ​ങ്ങ​ളും പ​ച്ച​ക്ക​റി​ക​ളും പി​ടി​ച്ചെ​ടു​ക്കു​ക​യും ചെ​യ്തു.

വ്യ​വ​സാ​യ വാ​ണി​ജ്യ മ​ന്ത്രാ​ല​യ​ത്തി​ന്റെ @moic.gov.bh എ​ന്ന ഇ-​മെ​യി​ൽ വി​ലാ​സ​ത്തി​ലോ 17007003 എ​ന്ന ന​മ്പ​റി​ലോ പൊ​തു​ജ​ന​ങ്ങ​ൾ​ക്ക് ഇ​തു​മാ​യി ബ​ന്ധ​പ്പെ​ട്ട പ​രാ​തി​ക​ൾ റി​പ്പോ​ർ​ട്ട് ചെ​യ്യാം.