മു​ഹ​റ​ഖി​ൽ മ​ൾ​ട്ടി യൂ​നി​വേ​ഴ്സി​റ്റി കാ​മ്പ​സി​ന് നി​ർ​ദേ​ശം

മ​നാ​മ: വി​ദ്യാ​ർ​ഥി​ക​ൾ​ക്ക് രാ​ജ്യ​ത്തെ ദൂ​ര​സ്ഥ​ല​ങ്ങ​ളി​ൽ പോ​യി ​പ​ഠി​ക്കേ​ണ്ടി​വ​രു​ന്ന സാ​ഹ​ച​ര്യം ഒ​ഴി​വാ​ക്കു​ന്ന​തി​ന് മു​ഹ​റ​ഖി​ൽ ഉ​ന്ന​ത വി​ദ്യാ​ഭ്യാ​സ കേ​ന്ദ്രം സ്ഥാ​പി​ക്ക​ണ​മെ​ന്ന് നി​ർ​ദേ​ശം. മ​ൾ​ട്ടി യൂ​നി​വേ​ഴ്സി​റ്റി കാ​മ്പ​സ് സ്ഥാ​പി​ക്ക​ണ​മെ​ന്ന നി​ർ​ദേ​ശം ക​ഴി​ഞ്ഞ ദി​വ​സം ചേ​ർ​ന്ന മു​ഹ​റ​ഖ് മു​നി​സി​പ്പ​ൽ കൗ​ൺ​സി​ൽ യോ​ഗം ഏ​ക​ക​ണ്ഠ​മാ​യി പാ​സാ​ക്കി.

ബ​ഹ്റൈ​ൻ യൂ​നി​വേ​ഴ്സി​റ്റി, ബ​ഹ്റൈ​ൻ പോ​ളി​ടെ​ക്നി​ക്, ബ​ഹ്റൈ​ൻ ട്രെ​യ്നി​ങ് ഇ​ൻ​സ്റ്റി​റ്റ്യൂ​ട്ട്, പു​തി​യ ഈ​സ അ​ൽ ക​ബീ​ർ അ​ൽ ഹി​ദാ​യ ആ​ൽ ഖ​ലീ​ഫ യൂ​നി​വേ​ഴ്സി​റ്റി എ​ന്നി​വ​യു​ടെ കാ​മ്പ​സു​ക​ൾ ഉ​ൾ​പ്പെ​ടു​ന്ന ഉ​ന്ന​ത വി​ദ്യാ​ഭ്യാ​സ കേ​ന്ദ്ര​മാ​ണ് വി​ഭാ​വ​നം ചെ​യ്യു​ന്ന​ത്. ഏ​റ്റ​വും ഉ​ചി​ത സ്ഥ​ല​മാ​യി അം​ഗ​ങ്ങ​ൾ നി​ർ​ദേ​ശി​ച്ചി​രി​ക്കു​ന്ന​ത് ബു​സൈ​തീ​നാ​ണ്. മ​ന്ത്രി​സ​ഭ അം​ഗീ​കാ​രം ന​ൽ​കി​യാ​ലാ​ണ് നി​ർ​ദേ​ശം ന​ട​പ്പാ​വു​ക.

സ​ഖീ​ർ, ഈ​സ ടൗ​ൺ, സ​ൽ​മാ​നി​യ എ​ന്നി​വി​ട​ങ്ങ​ളി​ലെ ബ​ഹ്റൈ​ൻ യൂ​നി​വേ​ഴ്സി​റ്റി കാ​മ്പ​സു​ക​ളി​ലാ​യി 30,000ത്തോ​ളം വി​ദ്യാ​ർ​ഥി​ക​ളാ​ണ് പ​ഠി​ക്കു​ന്ന​ത്. ഇ​തി​ൽ 5000ത്തോ​ളം പേ​ർ മു​ഹ​റ​ഖി​ൽ​നി​ന്നാ​ണെ​ന്ന് കൗ​ൺ​സി​ൽ അം​ഗ​ങ്ങ​ൾ ചൂ​ണ്ടി​ക്കാ​ട്ടി. ബ​ഹ്റൈ​ൻ പോ​ളി​ടെ​ക്നി​ക്കി​ൽ 6000ത്തോ​ളം വി​ദ്യാ​ർ​ഥി​ക​ളും പ​ഠി​ക്കു​ന്നു​ണ്ട്. മു​ഹ​റ​ഖി​ൽ പു​തു​താ​യി ആ​രം​ഭി​ക്കു​ന്ന ഈ​സ അ​ൽ ക​ബീ​ർ അ​ൽ ഹി​ദാ​യ ആ​ൽ ഖ​ലീ​ഫ യൂ​നി​വേ​ഴ്സി​റ്റി​യി​ൽ 5000ത്തോ​ളം വി​ദ്യാ​ർ​ഥി​ക​ൾ ചേ​രു​മെ​ന്നാ​ണ് പ്ര​തീ​ക്ഷി​ക്കു​ന്ന​ത്.

മു​ഹ​റ​ഖ് ഗ​വ​ർ​ണ​റേ​റ്റി​ൽ​നി​ന്ന് ദീ​ർ​ഘ​ദൂ​രം യാ​ത്ര ചെ​യ്ത് സ​തേ​ൺ ഗ​വ​ർ​ണ​റേ​റ്റി​ലെ​ത്തി ഉ​ന്ന​ത വി​ദ്യാ​ഭ്യാ​സം ന​ട​ത്തു​ന്ന ആ​യി​ര​ക്ക​ണ​ക്കി​ന് വി​ദ്യാ​ർ​ഥി​ക​ളാ​ണു​ള്ള​തെ​ന്ന് അം​ഗ​ങ്ങ​ൾ ചൂ​ണ്ടി​ക്കാ​ട്ടി. മു​ഹ​റ​ഖി​ൽ മ​ൾ​ട്ടി യൂ​നി​വേ​ഴ്സി​റ്റി കാ​മ്പ​സ് വ​ന്നാ​ൽ ഇ​വ​രു​ടെ യാ​ത്രാ​​ക്ലേ​ശ​ത്തി​ന് പ​രി​ഹാ​ര​മാ​കും.