ചടയമംഗലം സ്വദേശി മുഹമ്മദ്​ സാലി നിര്യാതനായി

കൊല്ലം: ചടയമംഗലം ഇളമ്പഴന്നൂർ കിഴ്തോണി എള്ളുവിള വീട്ടിൽ മുഹമ്മദ് സാലി (90) നിര്യാതനായി.

വാർധക്യസഹജമായ അസുഖത്തെത്തുടർന്ന്​ തിരുവനന്തപുരം മെഡിക്കൽ കോളജ്​ ആശുപത്രിയിൽ ചികിത്സയിലായിരുന്നു. ഞായറാഴ്ച രാവിലെയായിരുന്നു അന്ത്യം. ഖബറടക്കം തിങ്കളാഴ്ച രാവിലെ 11ന് ചടയമംഗലം ജുമാ മസ്ജിദ് ഖബർസ്ഥാനിൽ.

ഭാര്യ: നബീസ ബീവി. ‘ഗൾഫ്​ മാധ്യമം’ സൗദി മാർക്കറ്റിങ്​ എക്​സിക്യൂട്ടിവ്​ മുനീർ എള്ളുവിള, അബഹ ലേഖകൻ മുജീബ് എള്ളുവിള​ എന്നിവരുടെ പിതാവാണ്​. റഹീം, മുനീറ എന്നിവരാണ്​ മറ്റുമക്കൾ. മരുമക്കൾ: സക്കീർ ഹുസൈൻ, ലിജിന, ജാസ്​മിൻ.