ഭൂമി മുറിച്ചുവിറ്റ്​ പണം കൊയ്​ത നാട്ടിൽ വനം നിർമിച്ച്​ മുഹമ്മദ്​ കോയ

മനാമ: ഫ്രഞ്ച്​ എഴുത്തുകാരനായ ജീൻ ജ​ിയോനോയുടെ ‘മരങ്ങൾ നട്ട മനുഷ്യൻ’ എന്ന പുസ്​തകം ചെറുപ്പത്തിൽ വായിച്ചപ്പോൾ കോഴിക്കോട്​ പടനിലം സ്വദേശിയായ വി. മുഹമ്മദ്​ കോയ മനസിലുറപ്പിച്ചു. എന്നെങ്കിലുമൊരു കാടിനെ പുനഃസൃഷ്​ടിക്കണം. കാടും പ്രകൃതിയും കണ്ടുള്ള യാത്രകളും മരങ്ങൾ ഇല്ലാതാകുന്ന നാടിനെപ്പറ്റിയുള്ള ആധികളും ഇൗ തീരുമാനത്തിന്​ കരുത്ത്​ പകർന്നു. വർഷങ്ങൾക്ക്​ ശേഷം കയ്യിൽ വന്നുചേർന്ന രണ്ടര ഏക്കർ ഭൂമി എന്തുചെയ്യണമെന്ന്​ മുഹമ്മദ്​ കോയക്ക്​ വീണ്ടും ആ​േലാചിക്കേണ്ടി വന്നതേയില്ല. 10 സ​െൻറ്​ പോലും മുറിച്ച്​ വിറ്റ്​റിയൽ എസ്​റ്റേറ്റ്​ ബിസിനസ്​ പൊടിപൊടിച്ചിരുന്ന 1999ലാണിത്​. പടനിലത്തിനടുത്തുള്ള ഒരു  മൊട്ടക്കുന്നിൽ 99ലെ മഴക്കാലത്ത്​ മുഹമ്മദ്​ കോയ മരങ്ങൾ നടാൻ തുടങ്ങി. പലയിടത്തുനിന്നായി ശേഖരിച്ച തൈകൾ. ആ കാലത്ത്​ അവിടെ തണലി​​െൻറ ഒരു അടയാളം പോലും ഉണ്ടായിരുന്നില്ലെന്ന്​ മുഹമ്മദ്​ കോയ പറഞ്ഞു. വെള്ളക്ഷാമവുമുണ്ടായിരുന്നു. 
നിശ്​ചയദാർഡ്യവും ഒടുങ്ങാത്ത താൽപര്യവും കൈവിടാതെ വീണ്ടും മരങ്ങൾ നട്ടുകൊണ്ടേയിരുന്നു. ഒടുക്കം പ്രകൃതി കനിഞ്ഞു. തരിശുഭൂമി നാലഞ്ച്​ വർഷം കൊണ്ട്​ ഹരിതാഭമായി. ഇന്ന്​ ആദ്യ നടീലിന്​ 20 വർഷം തികയാൻ പോകു​േമ്പാൾ, പടനില​ത്ത്​ തലയുയർത്തി നിൽക്കുന്ന ‘ബോട്ടാണിക്കൽ ഗാർഡനായി’ മുഹമ്മദ്​ കോയയുടെ അധ്വാനം മാറി. ഹ്രസ്വ സന്ദർശനാർഥം ബഹ്​റൈനിലെത്തിയപ്പോഴാണ്​ ത​ാൻ മരങ്ങളും കാടുകളുമായി പ്രണയത്തിലായ കഥ അദ്ദേഹം ‘ഗൾഫ്​ മാധ്യമ’വുമായി പങ്കുവെച്ചത്​. 

ബഹ്​റൈനിലെ സന്ദർശനത്തിനും മരവുമായുള്ള ഒരു അനുരാഗത്തി​​െൻറ താൽപര്യമുണ്ട്​. ബഹ്​റൈനിലുള്ള അടുത്ത സുഹൃത്ത്, മരുഭൂമിയിൽ വാടാതെ വർഷങ്ങളായി നിൽക്കുന്ന ‘ട്രീ ഒാഫ്​ ലൈഫ്​’ എന്ന ഒറ്റമരത്തെക്കുറിച്ച്​ വാതോരാതെ പറയാറുണ്ട്​. അതൊന്ന്​ കാണണമെന്ന്​ കുറെ കാലങ്ങളായി ആഗ്രഹിക്കുന്നതാണ്​. അതിനായാണ്​ ഭാര്യാസമേതം ഇവിടെ എത്തിയത്​.   നാട്ടിൽ കാടുണ്ടാക്കാനായി ഇറങ്ങി​യപ്പോൾ പരിഹസിച്ചവർക്ക്​ പോലും ഇന്ന്​ മുഹമ്മദ്​ കോയയോട്​ ബഹുമാനമാണ്​. വരൾച്ചയുണ്ടായിരുന്ന പ്രദേശത്തിന്​ ചുറ്റുമുള്ള കിണറുകളിൽ വെള്ളം വറ്റാത്ത അവസ്​ഥയായി ഇപ്പോൾ. അതിന്​ കാരണം, ഇൗ മനുഷ്യ​​െൻറ അധ്വാനമാണ്​ എന്ന്​ അവരെല്ലാം അംഗീകരിച്ചുകഴിഞ്ഞു. 

കൊടുവള്ളിയിൽ ജ്വല്ലറി ബിസിനസ്​ നടത്തുകയാണ്​ ഇദ്ദേഹം. 80കളിൽ മൂന്ന്​ വർഷത്തോളം പ്രവാസിയുമായിരുന്നു. പക്ഷേ, കൂടുതൽ താൽപര്യം കാടിനോടാണ്​. വിദ്യാഭ്യാസം 10ാം ക്ലാസ്​ വരെ മാത്രം. പക്ഷേ, വായന ഒരിക്കലും കൈവിട്ടില്ല. എഴുത്തും. പഠിക്കുന്ന കാലത്തേ ബാല പംക്തികളിൽ എഴുതിയിരുന്നു. ഇതിനകം നോവലും ചെറുകഥകളുമായി ഏഴ്​ പുസ്​തകങ്ങൾ പ്രസിദ്ധീകരിച്ചിട്ടുണ്ട്​. 

താൻ നട്ടുവളർത്തിയ മരങ്ങളിൽ ഏറെയും പശ്​ചിമ ഘട്ടമലനിരകളിൽ കാണുന്നവയാണെന്ന്​ മുഹമ്മദ്​ കോയ പറഞ്ഞു.ഇന്ന്​ 250ലേറെ ഇനങ്ങളിൽ പെട്ട മരങ്ങൾ ഇവിടെയുണ്ട്​. വനം കാണാൻ സ്​കൂളിൽ നിന്ന്​ കുട്ടികളുടെയും പരിസ്​ഥിതി ക്ലബുകളുടെയും സംഘങ്ങൾ എത്താൻ തുടങ്ങിയതോടെ മരങ്ങളുടെ പേരും അതി​​െൻറ ശാസ്​ത്രീയ നാമവും എഴുതി പ്രദർശിപ്പിച്ചു തുടങ്ങി. പുരാണങ്ങളിലും ഇതിഹാസങ്ങളിലും പരാമർശിക്കപ്പെട്ട വൃക്ഷങ്ങൾക്കുപുറമെ, ഗബ്രിയേൽ ഗാർസ്യ മാർക്വേസി​നെയും ഹ​െൻറി ഷാരിയറേയും പോലുള്ളവരുടെ കൃതികളിലുള്ള മരങ്ങളും ഇവിടെ കാണാം. അതി​​െൻറയെല്ലാം വിവരണവും നൽകിയിട്ടുണ്ട്​. സാഹിത്യ തൽപരനായ മുഹമ്മദ്​ കോയ പ്രശസ്​തരായ എഴുത്തുകാരുടെ പേരാണ്​ വിവിധ ഗേറ്റുകൾക്ക്​ നൽകിയിട്ടുണ്ട്​. താൻ വളർത്തിയെടുത്ത കാട്​ ഒരു ‘ലിറ്ററേച്ചർ ഗാർഡൻ’ ആണെന്നാണ്​ അദ്ദേഹം പറയുന്നത്​. ബഹ്​റൈൻ ഇഷ്​ടപ്പെ​െട്ടങ്കിലും അധികം നിൽക്കാൻ സമയമില്ല.കാട്ടിലെത്താൻ വൈകിക്കൂട. അതിനാൽ ബുധനാഴ്​ചയോ വ്യാഴാഴ്​ചയോ മടങ്ങുമെന്നും ‘വി.എം.കെ.ബോട്ടാണിക്കൽ ഗാർഡൻസ്​’ ഉടമ യായ മുഹമ്മദ്​ കോയ പറഞ്ഞു.