സ്വ​ദേ​ശി​വ​ത്ക​ര​ണ​ത്തി​നു​ള്ള നി​ർ​ദേ​ശ​വു​മാ​യി എം.​പി​മാ​ർ

മ​നാ​മ: പൊ​തു​മേ​ഖ​ല​യി​ലും സ്വ​കാ​ര്യ​മേ​ഖ​ല​യി​ലും സ്വ​ദേ​ശി​വ​ത്ക​ര​ണ​ത്തി​നു​ള്ള നി​ർ​ദേ​ശ​വു​മാ​യി എം.​പി​മാ​ർ. ഇ​തി​നെ സം​ബ​ന്ധി​ച്ചു​ള്ള നി​ർ​ദേ​ശം എം.​പി​മാ​ർ ചൊ​വ്വാ​ഴ്ച പാ​ർ​ല​മെ​ന്‍റി​ലു​ന്ന‍‍യി​ക്കും.

രാ​ജ്യം പ്ര​വാ​സി​തൊ​ഴി​ലാ​ളി​ക​ളെ ആ​ശ്ര​യി​ക്കു​ന്ന​ത് ക്ര​മാ​നു​ഗ​ത​മാ​യി കു​റ​ക്കാ​നും ബ​ഹ്റൈ​നി പൗ​ര​ന്മാ​ർ​ക്ക് മി​ക​ച്ച തൊ​ഴി​ല​വ​സ​ര​ങ്ങ​ൾ സൃ​ഷ്ടി​ക്കാ​നും അ​തു​വ​ഴി തൊ​ഴി​ലി​ല്ലാ​യ്മ കു​റ​ക്കേ​ണ്ട​തി​ന്‍റെ​യും ആ​വ​ശ്യ​ക​ത​ക​ളെ ഉ​ന്ന‍യി​ച്ചാ​ണ് എം.​പി​മാ​ർ നി​ർ​ദേ​ശം മു​ന്നോ​ട്ടു വെ​ച്ച​ത്. അ​ത്യാ​വ​ശ്യ സേ​വ​ന മേ​ഖ​ല​ക​ളി​ൽ ബ​ഹ്‌​റൈ​ൻ പൗ​ര​ന്മാ​ർ​ക്ക് തൊ​ഴി​ൽ ല​ഭി​ക്കു​ന്ന​തി​ന് മു​ൻ​ഗ​ണ​ന ഉ​റ​പ്പു​വ​രു​ത്തു​ന്ന​തി​ലൂ​ടെ യു​വ​ജ​ന തൊ​ഴി​ലി​ല്ലാ​യ്മ കു​റ​ക്കു​ക, വ​ർ​ധി​ച്ചു​വ​രു​ന്ന വി​ദേ​ശ​തൊ​ഴി​ലാ​ളി​ക​ളു​ടെ എ​ണ്ണം ത​ട​യു​ന്ന​തോ​ടൊ​പ്പം തൊ​ഴി​ൽ മേ​ഖ​ല​യി​ലെ അ​വ​രു​ടെ വ്യാ​പ​ന​ത്തെ കു​റ​ക്കു​ക, സാ​മ്പ​ത്തി​ക ത​ക​ർ​ച്ച​യെ ത​ട​യു​ക എ​ന്നി​വ​യാ​ണ് എം.​പി​മാ​ർ മു​ന്നോ​ട്ടു​വെ​ച്ച നി​ർ​ദേ​ശ​ങ്ങ​ൾ ല​ക്ഷ്യ​മി​ടു​ന്ന​ത്.

വി​ദേ​ശ തൊ​ഴി​ലാ​ളി​ക​ളെ നി​യ​മി​ക്കു​ന്ന​തി​നു​ള്ള തു​ക 1000 ദീ​നാ​റി​ൽ​നി​ന്ന് 500 ദീ​നാ​റാ​യി കു​റ​ക്കു​ന്ന ന​ട​പ​ടി​യെ ചോ​ദ്യം ചെ​യ്താ​ണ് എം.​പി​മാ​ർ വി​ഷ​യ​മു​ന്ന​യി​ച്ച​ത്. എ​ന്നാ​ൽ, നി​ർ​ദേ​ശ​ത്തെ എ​ൽ.​എം.​ആ​ർ.​എ എ​തി​ർ​ത്തി​ട്ടു​ണ്ട്. വി​ദേ​ശ തൊ​ഴി​ലാ​ളി​ക​ളെ നി​യ​മി​ക്കു​ന്ന​തി​നു​ള്ള ചെ​ല​വ് കൂ​ടു​ന്ന​തി​ലൂ​ടെ തൊ​ഴി​ലു​ട​മ​ക​ളെ ബ​ഹ്റൈ​നി തൊ​ഴി​ലാ​ളി​ക​ളെ മാ​ത്രം ആ​ശ്ര​യി​ക്കു​ന്ന​തി​ലേ​ക്ക് ന​യി​ക്കു​മെ​ന്നും എ​ൽ.​എം.​ആ​ർ.​എ പ​റ​ഞ്ഞു. രാ​ജ്യ​ത്തെ പ​ല വി​ദ​ഗ്ധ​ജോ​ലി​ക​ളും വി​ദേ​ശി​ക​ളു​ടെ വൈ​ദ​ഗ്ധ്യ​ത്തെ ആ​ശ്ര​യി​ച്ചാ​ണ് പ്ര​വ​ർ​ത്തി​ക്കു​ന്ന​ത്. അ​തു​കൊ​ണ്ട് പ​ദ്ധ​തി ന​ട​പ്പാ​ക്കു​ന്ന​ത് ഇ​ത്ത​രം മേ​ഖ​ല​ക​ളി​ൽ നി​ല​വാ​ര​ത്ത​ക​ർ​ച്ച​ക്കും അ​തു​വ​ഴി കാ​ര്യ​ക്ഷ​മ​ത കു​റ​ഞ്ഞ സ​മ്പ​ദ് വ്യ​വ​സ്ഥ​ക്കും കാ​ര​ണ​മാ​ക്കു​മെ​ന്ന് ബ​ഹ്റൈ​ൻ ചേം​ബ​ർ ഓ​ഫ് കോ​മേ​ഴ്സ് ആ​ൻ​ഡ് ഇ​ൻ​ഡ​സ്ട്രി മു​ന്ന​റി​യി​പ്പ് ന​ൽ​കി.

ബ​ഹ്‌​റൈ​നി​ക​ൾ​ക്ക് മു​ൻ​ഗ​ണ​ന ന​ൽ​കു​ന്ന ത​ര​ത്തി​ൽ സ​ർ​ക്കാ​ർ സ്ഥാ​പ​ന​ങ്ങ​ളി​ലെ നി​യ​മ​ന പ്ര​ക്രി​യ ഇ​തി​ന​കം ത​ന്നെ രൂ​പ​പ്പെ​ടു​ത്തി​യി​ട്ടു​ണ്ടെ​ന്ന് സി​വി​ൽ സ​ർ​വി​സ് ക​മീ​ഷ​ൻ പ്ര​സി​ഡ​ന്‍റ് ശൈ​ഖ് ദൈ​ജ് ബി​ൻ സ​ൽ​മാ​ൻ അ​ൽ ഖ​ലീ​ഫ ചൂ​ണ്ടി​ക്കാ​ട്ടി. പൊ​തു​സ്ഥാ​പ​ന​ങ്ങ​ളി​ൽ വി​ദേ​ശ അ​പേ​ക്ഷ​ക​രെ പ​രി​ഗ​ണി​ക്കു​ന്ന​തി​നു​മു​മ്പ് യോ​ഗ്യ​രാ​യ ബ​ഹ്‌​റൈ​ൻ ഉ​ദ്യോ​ഗാ​ർ​ഥി​ക​ൾ​ക്ക് പ​രി​ഗ​ണ​ന ന​ൽ​കും. യോ​ഗ്യ​ത​യു​ള്ള ബ​ഹ്‌​റൈ​ൻ ഉ​ദ്യോ​ഗാ​ർ​ഥി​ക​ൾ ല​ഭ്യ​മ​ല്ലാ​ത്ത​പ്പോ​ൾ മാ​ത്ര​മേ വി​ദേ​ശ തൊ​ഴി​ലാ​ളി​ക​ളെ നി​യ​മി​ക്കാ​ൻ അ​നു​വാ​ദ​മു​ള്ളൂ​വെ​ന്നും ദൈ​ജ് ബി​ൻ സ​ൽ​മാ​ൻ അ​റി​യി​ച്ചു.