പു​ക​വ​ലി​ക്കാ​നു​ള്ള പ്രാ​യം 18ൽ​നി​ന്ന് 20 ആ​ക്കാ​നു​ള്ള നി​ർ​ദേ​ശ​വു​മാ​യി എം.​പി​മാ​ർ

മ​നാ​മ: പു​ക​വ​ലി​ക്കാ​നു​ള്ള പ്രാ​യം 18ൽ​നി​ന്ന് 20 ആ​ക്കാ​നു​ള്ള നി​ർ​ദേ​ശ​വു​മാ​യി എം.​പി​മാ​ർ. നി​ല​വി​ലു​ള്ള പു​ക​വ​ലി നി​യ​മ​ങ്ങ​ളി​ൽ ഭേ​ദ​ഗ​തി വ​രു​ത്താ​നാ​ണ് നി​ർ​ദേ​ശം. പു​ക​വ​ലി​യു​മാ‍യി ബ​ന്ധ​പ്പെ​ട്ട് ജ​പ്പാ​ന​ട​ക്ക​മു​ള്ള അ​ന്താ​രാ​ഷ്ട്ര​ത​ല​ത്തി​ൽ നി​ല​നി​ൽ​ക്കു​ന്ന ച​ട്ട​ക്കൂ​ടു​ക​ളു​മാ​യി നി​ർ​ദി​ഷ്ട പ​രി​ഷ്കാ​ര​ങ്ങ​ളെ യോ​ജി​പ്പി​ക്കു​ക എ​ന്ന​താ​ണ് ല​ക്ഷ്യം. പാ​ർ​ല​മെ​ന്റി​ന്റെ വി​ദേ​ശ​കാ​ര്യ, പ്ര​തി​രോ​ധ, ദേ​ശീ​യ സു​ര​ക്ഷ സ​മി​തി വൈ​സ് ചെ​യ​ർ​മാ​ൻ ഹ​സ്സ​ൻ ഇ​ബ്രാ​ഹീ​മാ​ണ് ഈ ​നി​ർ​ദേ​ശ​ത്തി​ന് നേ​തൃ​ത്വം ന​ൽ​കു​ന്ന​ത്. രാ​ജ്യ​ത്തെ 2009ൽ ​സ്ഥാ​പി​ത​മാ​യ പു​ക​വ​ലി വി​രു​ദ്ധ നി​യ​മം കാ​ല​ഹ​ര​ണ​പ്പെ​ട്ട​താ​ണെ​ന്നും പു​ക​യി​ല ഉ​പ​ഭോ​ഗം, പ്ര​ത്യേ​കി​ച്ച് യു​വാ​ക്ക​ളി​ൽ ഉ​യ​ർ​ത്തു​ന്ന വ​ർ​ധി​ച്ചു​വ​രു​ന്ന ആ​രോ​ഗ്യ അ​പ​ക​ട​ങ്ങ​ൾ പ​രി​ഹ​രി​ക്കു​ന്ന​തി​ന് അ​ത് അ​പ​ര്യാ​പ്ത​മാ​ണെ​ന്നും എം.​പി​മാ​ർ അ​റി​യി​ച്ചു. 2020ൽ ​ജ​പ്പാ​ൻ പു​ക​വ​ലി​ക്കെ​തി​രാ​യ ചി​ല നി​യ​മ​ങ്ങ​ൾ നി​ർ​ദേ​ശി​ച്ചി​രു​ന്നു. റ​സ്റ്റാ​റ​ന്റു​ക​ൾ, ഹോ​ട്ട​ലു​ക​ൾ, ഓ​ഫി​സു​ക​ൾ തു​ട​ങ്ങി​യ മി​ക്ക പൊ​തു ഇ​ട​ങ്ങ​ളി​ലും ഇ​ൻ​ഡോ​ർ പു​ക​വ​ലി​ക്ക് ക​ർ​ശ​ന നി​രോ​ധ​നം ഏ​ർ​പ്പെ​ടു​ത്തി​യാ​ണ് ആ ​നി​യ​മം ന​ട​പ്പാ​ക്കി​യ​ത്. കൂ​ടാ​തെ 20 വ​യ​സ്സി​ന് താ​ഴെ​യു​ള്ള ആ​ർ​ക്കും പു​ക​വ​ലി​ക്കാ​നോ പു​ക​വ​ലി പ്ര​ദേ​ശ​ങ്ങ​ളി​ൽ പ്ര​വേ​ശി​ക്കാ​നോ അ​നു​വാ​ദ​മി​ല്ല. ഈ ​മോ​ഡ​ലാ​ണ് രാ​ജ്യ​ത്ത് ഞ​ങ്ങ​ൾ നി​ർ​ദേ​ശി​ക്കു​ന്ന​തെ​ന്ന് ഹ​സ്സ​ൻ ഇ​ബ്രാ​ഹീം പ​റ​ഞ്ഞു. പു​ക​വ​ലി പൊ​തു​ജ​നാ​രോ​ഗ്യ പ്ര​ശ്‌​നം മാ​ത്ര​മ​ല്ല, ദേ​ശീ​യ സു​ര​ക്ഷ​യു​ടെ​യും പ്ര​ശ്‌​ന​മാ​ണെ​ന്ന് ക​മ്മി​റ്റി ചെ​യ​ർ​മാ​ൻ ഹ​സ്സ​ൻ ബു​ഖ​മ്മാ​സ് പ​റ​ഞ്ഞു.