ഉ​പ​യോ​ഗ​ശൂ​ന്യ​മാ​യ വ​ഖ​ഫ് കെ​ട്ടി​ട​ങ്ങ​ൾ; വി​ശ​ദീ​ക​ര​ണം ആ​വ​ശ്യ​പ്പെ​ട്ട് എം.​പി

മ​നാ​മ: ഉ​പ​യോ​ഗ​ശൂ​ന്യ​മാ​യ വ​ഖ​ഫ് കെ​ട്ടി​ട​ങ്ങ​ളെ​ക്കു​റി​ച്ച് വി​ശ​ദീ​ക​ര​ണം ആ​വ​ശ്യ​പ്പെ​ട്ട് എം.​പി മു​ഹ​മ്മ​ദ് അ​ൽ രി​ഫാ​ഇ. കെ​ട്ടി​ട​ങ്ങ​ളു​ടെ വാ​ട​ക​യി​ൽ കൃ​ത്യ​ത പാ​ലി​ക്കാ​ത്ത, മ​ന്ദ​ഗ​തി​യി​ൽ പു​രോ​ഗ​മി​ക്കു​ന്ന അ​റ്റ​കു​റ്റ​പ്പ​ണി​ക​ൾ, ക​ഴി​ഞ്ഞ​വ​ർ​ഷം നേ​ടി​യ വ​രു​മാ​നം, നി​ല​വി​ലു​ള്ള പാ​ട്ട​ക്കാ​ലാ​വ​ധി എ​ന്നി​വ​യെ​ക്കു​റി​ച്ചും വി​ശ​ദീ​ക​ര​ണം ആ​വ​ശ്യ​പ്പെ​ട്ടു. സു​ന്നി വ​ഖ​ഫ് ഡ​യ​റ​ക്ട​റേ​റ്റി​ന്‍റെ മേ​ൽ​നോ​ട്ട​ത്തി​ലു​ള്ള സ്വ​ത്തു​ക്ക​ളെ​ക്കു​റി​ച്ചാ​യി​രു​ന്നു എം.​പി​യു​ടെ അ​ന്വേ​ഷ​ണം. ക​ണ​ക്കു​ക​ൾ പ്ര​കാ​രം 156 പ്ലോ​ട്ടു​ക​ൾ ഉ​ൾ​പ്പെ​ടെ 465 വ​ഖ​ഫ് സ്വ​ത്തു​ക്ക​ൾ ഡ​യ​റ​ക്ട​റേ​റ്റ് കൈ​കാ​ര്യം ചെ​യ്യു​ന്നു​ണ്ട്.

ക​ഴി​ഞ്ഞ വ​ർ​ഷ​ത്തെ ക​ണ​ക്കു​ക​ൾ പ്ര​കാ​രം സു​ന്നി വ​ഖ​ഫി​ന്‍റെ കീ​ഴി​ലു​ള്ള സ്വ​ത്തു​ക്ക​ളി​ൽ​നി​ന്നു​ള്ള വാ​ട​ക വ​രു​മാ​ന​ത്തി​ൽ 23 ശ​ത​മാ​ന​ത്തി​ന്‍റെ വ​ർ​ധ​ന​യോ​ടെ 5.4 മി​ല്യ​ൺ ദീ​നാ​ർ ശേ​ഖ​രി​ച്ചെ​ന്ന് മ​റു​പ​ടി​യാ‍‍യി നീ​തി​ന്യാ​യ, ഇ​സ്‍ലാ​മി​ക് കാ​ര്യ, വ​ഖ​ഫ് മ​ന്ത്രാ​ല​യം അ​റി​യി​ച്ചു. എ​ന്നാ​ൽ, 15 ശ​ത​മാ​നം സ്വ​ത്തു​വ​ക​ക​ൾ ഉ​പ​യോ​ഗ​ശൂ​ന്യ​മാ​യി കി​ട​ക്കു​ക​യാ​ണെ​ന്നാ​ണ് വി​ല​യി​രു​ത്ത​പ്പെ​ടു​ന്ന​ത്. ക​ണ​ക്കു​ക​ൾ സ്വ​ത്തി​ന്‍റെ ആ​വ​ശ്യ​ക​ത​ക​ളെ അ​ടി​സ്ഥാ​ന​മാ​ക്കി മാ​റി​ക്കൊ​ണ്ടി​രി​ക്കു​മെ​ന്നും മ​ന്ത്രാ​ല‍യം അ​റി​യി​ച്ചു. 2024ൽ ​പാ​ട്ട​ക്ക​രാ​ർ വ​ഴി​യു​ള്ള വ​രു​മാ​നം 54 ല​ക്ഷ​ത്തി​ല​ധി​കം ദീ​നാ​റാ​ണ്.

മി​ക​ച്ച മേ​ൽ​നോ​ട്ട​വും നി​ക്ഷേ​പ​ത്തി​നാ​യു​ള്ള പു​തി​യ പ​ദ്ധ​തി​ക​ളെ ആ​വി​ഷ്ക​രി​ച്ച​തു​മാ​ണ് ഈ ​വ​ർ​ധ​ന​ക്ക് കാ​ര​ണ​മാ​യ​തെ​ന്നും മ​ന്ത്രാ​ല‍യം മ​റു​പ​ടി​യി​ൽ വ്യ​ക്ത​മാ​ക്കി. വാ​ട​ക ഇ​ന​ത്തി​ൽ അ​ട​യ്ക്കാ​തി​രു​ന്ന​വ​രു​മാ​യി കോ​ട​തി ന​ട​പ​ടി​ക​ളി​ല്ലാ​തെ ഒ​ത്തു​തീ​ർ​പ്പി​ന് ശ്ര​മി​ച്ച​താ​യും, അ​തി​ന് ത​യാ​റാ​വാ​തി​രു​ന്ന ചി​ല​ർ​ക്കെ​തി​രെ നി​യ​മ​ന​ട​പ​ടി സ്വീ​ക​രി​ച്ച​താ​യും മ​ന്ത്രാ​ല​യം അ​റി​യി​ച്ചു. ബെ​നി​ഫി​റ്റ് പേ ​വ​ഴി​യോ ചെ​ക്കു​പ​യോ​ഗി​ച്ചോ അ​ല്ലെ​ങ്കി​ൽ ഡ​യ​റ​ക്ട​റേ​റ്റി​ന്‍റെ ഓ​ഫി​സി​ൽ സ്ഥാ​പി​ച്ച പേ​മെ​ന്‍റ് മെ​ഷീ​ൻ വ​ഴി​യോ വാ​ട​ക അ​ട​ക്കാ​നു​ള്ള സൗ​ക​ര്യ​ങ്ങ​ളും ഒ​രു​ക്കി​യി​ട്ടു​ണ്ട്. അ​റ്റ​കു​റ്റ​പ്പ​ണി​ക​ളു​ടെ കാ​ര്യ​ത്തി​ൽ ക​ഴി​ഞ്ഞ ര​ണ്ട് വ​ർ​ഷ​ക്കാ​ല​യ​ള​വി​ൽ 2768 അ​ഭ്യ​ർ​ഥ​ന​ക​ൾ ല​ഭി​ച്ച​താ​യും അ​തി​ൽ 2655 എ​ണ്ണം കൈ​കാ​ര്യം ചെ​യ്ത​താ​യും ബാ​ക്കി​യു​ള്ള​വ പൂ​ർ​ത്തി​യാ​ക്കു​ന്ന​തി​നാ​യി ഫ​ണ്ടി​നാ​യി കാ​ത്തി​രി​ക്കു​ക​യാ​ണെ​ന്നും മ​ന്ത്രാ​ല​യം അ​റി​യി​ച്ചു.