25 ഗവൺമെൻറ്​ സ്​കൂളുകളുടെ അറ്റകുറ്റപ്പണിക്ക്​ 18 ലക്ഷം ദിനാർ 

മനാമ: വിവിധ ഗവർണറേറ്റുകളിലെ 25 ഗവൺമ​​െൻറ്​ സ്​കൂളുകളിൽ 18 ലക്ഷം ദിനാർ ചെലവിട്ടുള്ള അറ്റകുറ്റപ്പണികൾ നടത്താനുള്ള നടപടിക്രമങ്ങൾ പൂർത്തിയായതായി പൊതുമരാമത്ത്​ വകുപ്പിലെ  കെട്ടിട അറ്റകുറ്റപ്പണി ഡയറക്​ടർ ഹുദ മിർസ പറഞ്ഞു. 2018 അറ്റകുറ്റപ്പണി പദ്ധതിയുടെ ഭാഗമായാണ്​ സ്​കൂൾ നവീകരണ പ്രവർത്തനങ്ങൾ നടത്തുക.  ഇതി​​​െൻറ മുന്നൊരുക്കങ്ങളുടെ ഭാഗമായി വിദഗ്​ധരെ ഉൾപ്പെടുത്തി എൻജിനീയറിങ്ങ് ഡിസൈൻ പൂർത്തീകരിച്ച് മന്ത്രാലയം പദ്ധതിക്ക് വിശദമായ രൂപം നൽകിയിട്ടുണ്ട്​.  

2018-2019 അധ്യയന വർഷം ആരംഭിക്കുന്നതിനു മുമ്പു പൂർത്തീകരിക്കാനാണ് മന്ത്രാലയം ശ്രമിക്കുന്നതെന്നും അവർ വ്യക്തമാക്കി. സ്​കൂൾ ഉ​ൾപ്പെടെയുള്ള ഗവൺമ​​െൻറ്​ കെട്ടിടങ്ങൾ പരിസ്ഥിതി സൗഹൃദമാക്കാൻ​ ക്രമേണെ ശ്രമിക്കുകയാണ്​. കെട്ടിടങ്ങളിൽ സംരക്ഷിത ഉൗർജങ്ങളും പ്രകൃതി വിഭവങ്ങളും ഉപയോഗിക്കാനും താൽപ്പര്യപ്പെടുന്നുണ്ട്​. സിവിൽ, മെക്കാനിക്കൽ, വൈദ്യുതീകരണ, ഇൻറർനെറ്റ്​, ഉൾവശം പെയിൻറ്​ ചെയ്യൽ, ടോയ്​ലറ്റ്​ എന്നിവയുടെ നവീകരണവും  വാതിലുകൾക്കും ജനാലകൾക്കും വാതിൽ ഘടിപ്പിക്കുക, ജല, വൈദ്യുതി വിപുലീകരണം എന്നിവയാണ്​ സ്​കൂളുകളിൽ ചെയ്യാൻ ഉദ്ദേശിക്കുന്നത്​.