ഗൾഫ് സാമ്പത്തിക പ്രതിസന്ധി താൽക്കാലികം ^എം.എം.യൂസഫലി
text_fieldsമനാമ: ഗൾഫ് മേഖലയിലെ സാമ്പത്തിക പ്രതിസന്ധി താൽക്കാലികം മാത്രമാണെന്നും ഇത്തരം പ്രതിസന്ധികൾ പല സന്ദർഭങ്ങളിലും ഉണ്ടായിട്ടുണ്ടെന്നും ‘ലുലു’ ചെയർമാനും മാനേജിങ് ഡയറക്ടറുമായ എം.എ.യൂസഫലി പറഞ്ഞു. ബഹ്റൈനിലെ സാറിൽ ലുലു ഹൈപ്പർമാർക്കറ്റ് ഉദ്ഘാടനം ചെയ്തശേഷം മാധ്യമ പ്രവർത്തകരോട് സംസാരിക്കുകയായിരുന്നു അദ്ദേഹം. ദീർഘവീക്ഷണമുള്ള ഭരണാധികാരികളാണ് ബഹ്റൈൻ ഉൾപ്പെടെയുള്ള ഗൾഫ് രാജ്യങ്ങളിൽ ഉള്ളത്. ലുലുവിന് ബഹ്റൈൻ ഭരണാധികാരികൾ നൽകുന്ന പിന്തുണക്ക് നന്ദിയുണ്ടെന്നും അദ്ദേഹം പറഞ്ഞു. ബഹ്റൈനിൽ ലുലുവിെൻറ ഏഴാമത് ഹൈപ്പർമാർക്കറ്റാണ് ഉദ്ഘാടനം ചെയ്യപ്പെട്ടത്. 1200 ബഹ്റൈനികൾക്ക് ലുലു ഹൈപ്പർമാർക്കറ്റുകളിൽ തൊഴിൽ നൽകാൻ കഴിഞ്ഞിട്ടുണ്ടെന്നും അദ്ദേഹം പറഞ്ഞു. ലോകത്തിലെ 156 ാം ലുലു ശാഖയാണ് ബഹ്റൈനിൽ ഉദ്ഘാടനം ചെയ്യെപ്പട്ടത്. ഏഴ് ഹൈപ്പർമാർക്കറ്റിലായി 125 ദശലക്ഷം ദിനാർ ലുലു ബഹ്റൈനിൽ നിക്ഷേപം നടത്തിയിട്ടുണ്ട്. മുഹറഖ് മാർക്കറ്റിലെ ലുലു ഹൈപ്പർമാർക്കറ്റ് ഉദ്ഘാടനത്തിന് ഒരുങ്ങുന്നതായും അദ്ദേഹം പറഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.